Prentis Dros Dro - Cymorth Ymyrraeth Ddwys

Cyflogwr:

Rhondda Cynon Taf Council [RCT]

Lleoliad:

Rhondda Cynon Taf, Ty Trevithick, Abercynon, CF45 4UQ, Y Deyrnas Unedig.

Gweld ar fap

Cyflog:

Isafswm cyflog cenedlaethol

Oriau yr wythnos:

31-40 awr yr wythnos

Darparwr Hyfforddiant:

Coleg y Cymoedd

Lefel:

Prentisiaeth (Lefel 3)

Dyddiad cychwyn posibl:

02 September 2024

Dyddiad cau:

22 May 2024

Safbwyntiau ar gael:

1

Cyfeirnod y brentisiaeth wag:

5311

Apply now

---

Ynglŷn â'r brentisiaeth

Dyletswyddau

Rhoi cymorth i'r gweithiwr cymorth gofal plant penodedig â gwaith uniongyrchol sy'n seiliedig ar gryfderau gyda phlant a'u teuluoedd mewn modd hyblyg, h.y. yn y cartref neu'r gymuned, gyda'r nos ac ar benwythnosau.

Bod yn rhan o'r garfan sy'n cefnogi teuluoedd (rhieni ac aelodau ehangach y teulu) i oresgyn rhwystrau i newid fel sydd wedi'i nodi yn y Cynllun Gofal a Chymorth. Rhoi cymorth iddyn nhw i fagu'r hunanhyder a'r sgiliau i gyflawni hynny.

Rhoi cymorth i'r rheolwr achosion neu'r gweithiwr cymorth gofal plant penodedig i gyflawni’r agweddau a nodwyd ar y Cynllun Gofal a Chymorth.

Cefnogi'r ddarpariaeth o amser teulu dan oruchwyliaeth ochr yn ochr ag aelodau eraill o'r garfan.

Nodi os oes unrhyw anghenion teuluol yn dod i'r amlwg yn yr achos a allai effeithio ar yr ymyrraeth sydd wedi'i gynllunio, a rhoi gwybod amdanyn nhw i'r rheolwr achosion.
Tynnu sylw'r gweithiwr cymdeithasol sy'n atebol i'r achos a'r rheolwr carfan at unrhyw bryderon uniongyrchol ynghylch diogelwch y plentyn neu berson ifanc.
Gweithio'n agos gyda'r rheolwr achosion i adolygu cynlluniau gyda theuluoedd a gwerthuso ymyraethau yn ôl yr angen gan gyfrannu at y broses gynllunio gofal a chymorth.

Mynd i gyfarfodydd rhyngasiantaethol, e.e. grwpiau craidd, cynadleddau achos a chyfarfodydd strategaeth yn ôl yr angen.

Gwybodaeth ychwanegol

Mae'r Cyngor unwaith eto yn chwilio am brentisiaid i fod yn rhan o'i Gynllun Prentisiaethau sy'n cynnig amgylchfyd bywiog ar gyfer meithrin medrau newydd, trosglwyddadwy, yn ogystal â chyfleoedd i gwrdd â phobl o amryfal gefndiroedd ac i feithrin gyrfa yn Rhondda Cynon Taf.

Byddwch chi'n gweithio gyda chydweithwyr profiadol, ac yn magu gwybodaeth a sgiliau sy'n benodol i'r swydd. Mae'r cynllun yn rhoi'r cyfle i chi ennill cyflog yr un pryd â dysgu a gweithio tuag at gymhwyster proffesiynol cydnabyddedig yn eich maes gyrfa.

Am bwy ydyn ni'n chwilio?
Mae ein carfan Ymyrraeth Ddwys yn cynnig y cyfle i weithio gyda phlant ag ystod eang o anghenion, sy'n cynnwys plant sy'n destun cynlluniau gofal a chymorth, Plant sy'n Derbyn Gofal a'r rhai ym maes amddiffyn plant.

Mae'r garfan yn chwilio am berson brwdfrydig a fyddai'n mwynhau'r her o weithio'n uniongyrchol gyda phlant, pobl ifainc a'u teuluoedd. O'ch penodi i'r swydd, byddwch chi'n rhan o garfan gefnogol sy'n ymrwymo ac yn eich meithrin i gyflawni'r deilliannau gorau ar gyfer plant a phobl ifainc.

Yn ddelfrydol, bydd gyda chi'r gallu i ennill ymddiriedaeth a hyder plant a phobl ifainc a'u rhieni/cynhalwyr. Byddwch chi'n meddu ar sgiliau ardderchog o ran cyfathrebu ac ymagwedd hyblyg a llawn dychymyg a'r gallu i 'feddwl y tu allan i'r bocs'. Byddwch chi'n arfer eich profiadau bywyd eich hunan yn rhan o'r swydd.

Pwy sy'n gymwys i wneud cais?
I ymgeisio am y swydd yma, rhaid i chi fod yn 19 oed neu'n hŷn

Beth fyddwch chi'n ei astudio?
Bydd pob prentis yn cael cymorth i gwblhau cymhwyster FfCCh (Fframwaith Cymwysterau a Chredydau, NVQ yn flaenorol) mewn Iechyd a Gofal Cymdeithasol (Plant a Phobl Ifainc), Lefel 3 drwy ddarparwr hyfforddiant neu goleg lleol.

Faint byddwch chi'n cael eich talu?
Dyma swydd am gyfnod penodol o ddwy flynedd gan ddechrau ym mis Medi 2024. Byddwch chi'n cael Isafswm Cyflog Cenedlaethol ar sail eich oedran:

• 21 oed neu'n hŷn £11.42
• 18–20 oed £8.60
• Dan 18 oed £6.40

Pecyn buddion
• Cewch eich talu wrth ddysgu
• Rhaglen ymsefydlu wedi'i theilwra
• Cymorth parhaus gan Gydlynydd Prentisiaethau penodol
• Hyfforddiant mewnol
• Gweithio hybrid
• Cynllun Pensiwn
• 26 diwrnod o wyliau blynyddol
• Ffioedd aelodaeth rhatach i Ganolfannau Hamdden yn
Rhondda Cynon Taf
• Cerdyn gostyngiadau Vectis

O ganlyniad i feini prawf y Cynllun Prentisiaethau, does dim modd i ni dderbyn ceisiadau gan bobl sydd eisoes wedi ennill cymhwyster tebyg ar Lefel 3 neu uwch.

Er enghraifft, os oes gyda chi radd mewn Peirianneg Sifil, dydych chi ddim yn gymwys i wneud cais ar gyfer swydd brentisiaeth Peirianneg Sifil. Serch hynny, mae croeso i chi wneud cais am unrhyw swydd dan brentisiaeth arall. Fyddwn ni ddim yn ystyried unrhyw gais o'r fath.

Mae Rhondda Cynon Taf yn croesawu ceisiadau gan bob rhan o'r gymuned.

Am ragor o wybodaeth am y swydd yma, e-bostiwch y Garfan Materion Addysg, Cyflogaeth, a Hyfforddiant CarfanCyflogaethAddysgHyfforddiant@rhondda-cynon-taf.gov.uk

Gofynion

Sgiliau

Dealltwriaeth o wasanaethau'r Cyngor.
Y gallu i gwblhau tasgau o fewn cyfnod amser y cytunwyd arno a gweithio i derfynau amser.
Gwybodaeth am ddatblygiad plant a phobl ifainc.
Profiad o weithio'n uniongyrchol gyda phlant a phobl ifainc

Cymwysterau

Y gallu i gyflawni cymhwyster FfCCh trwy goleg/ddarparwr hyfforddiant sy'n gysylltiedig â'r swydd.
Hyder wrth ddefnyddio TGCh (e.e. e-bostio a phrosesu geiriau).

Language

Sgiliau siarad Cymraeg:

No

Sgiliau ysgrifennu Cymraeg:

No

Manylion y Cwrs

Darparwr Hyfforddiant:

Coleg y Cymoedd

Training provider course:

Lefel 3 mewn Iechyd a Gofal Cymdeithasol (Plant a Phobl Ifainc)

Ynglŷn â'r cyflogwr

Rhondda Cynon Taf, Ty Trevithick
Abercynon
Mountain Ash
Rhondda Cynon Taf
CF45 4UQ

Hyderus o ran Anabledd

Na, nid ydym yn rhan o'r Cynllun Hyderus o ran Anabledd gan Adran Gwaith a Phensiynau'r DU.

Trefniadau cyfweliadau

Bydd ymgeiswyr yn cael gwybod am drefniadau cyfweld

Sut i wneud cais

Click the button below to apply for this vacancy

Apply now