Rhondda Cynon Taf Council [RCT]

Pa brentisiaethau maen nhw’n eu cynnig?

Mae Cyngor Rhondda Cynon Taf yn cynnig prentisiaethau ar draws eu meysydd gwasanaeth gwahanol gan gynnwys peirianneg, garddwriaeth, gwasanaethau plant ac oedolion ac adnoddau dynol.

Pryd mae Cyngor Rhondda Cynon Taf fel arfer yn recriwtio prentisiaid?

Bydd y Cyngor yn dechrau hysbysebu am rolau ym mis Chwefror, gyda manylion y swyddi sydd ar gael yn ‘fyw’ ar y Gwasanaeth Cyfleoedd Prentisiaethau ym mis Mai. Bydd prentisiaid llwyddiannus yn dechrau ar eu gwaith ym mis Medi.

Beth mae Rhondda Cynon Taf yn chwilio amdano mewn ymgeisydd?

Bydd angen cymwysterau blaenorol ar gyfer rhai rolau, er bod sgiliau bywyd lawn mor bwysig. Mae’r cyngor yn chwilio am ymgeiswyr â gwerthoedd sy’n cyfateb i rai’r cyngor; cryfhau economi Rhondda Cynon Taf, creu cymdogaethau cadarnhaol a hyrwyddo annibyniaeth i weithwyr.

Pa fath o swyddi all prentisiaid ddisgwyl eu gwneud?

Bydd hyn yn dibynnu ar y rôl dan sylw, er y bydd pob prentis yn cychwyn trwy gysgodi aelodau cymwys o’r staff er mwyn dod yn gyfarwydd â’r amgylchedd a’r gwaith.

Beth yw manteision bod yn brentis gyda Cyngor Rhondda Cynon Taf?

Fel gweithwyr llawn amser y cyngor, mae gan brentisiaid hawl i gael 25 diwrnod o wyliau blynyddol a gwyliau banc, hyfforddiant mewnol, cyfraniad at gynllun pensiwn a rhai o fuddion y staff. Mae gan Gyngor RhCT gyfradd cyflawni cymwysterau 100%.