Iechyd (Gwasanaethau Fferyllol)

Framework:

Iechyd (Gwasanaethau Fferyllol)

Lefel:

2/3

---

Mae Cynorthwywyr Fferyllol a Fferylliaeth a Thechnegwyr Fferyllol yn rhan hanfodol o'r tîm fferylliaeth ac maen nhw’n gweithio o dan oruchwyliaeth Fferyllydd cofrestredig er mwyn darparu meddyginiaethau i gleifion mewn modd diogel a chywir.

Mae'r rhan fwyaf o Dechnegwyr Fferyllol yn gweithio ym maes fferylliaeth gymunedol (manwerthu) i fferyllfeydd annibynnol bach a chwmnïau fferylliaeth lluosog mawr. Hefyd, mae llawer yn gweithio yng ngwasanaeth fferyllol ysbytai yn y GIG ac mewn ysbytai preifat. Cyflogir rhai Technegwyr Fferyllol yn y diwydiant fferyllol, Carchardai EM, y lluoedd arfog ac yn Sefydliadau Gofal Sylfaenol y GIG.

Mae Cynorthwywyr Fferyllol a Fferylliaeth yn cyflawni dyletswyddau amrywiol yn y sector fferyllol, gan gynnwys y canlynol:

• Gwerthu meddyginiaethau dros y cownter a darparu gwybodaeth i gwsmeriaid am symptomau a chynhyrchion

• Derbyn a chasglu presgripsiynau

• Casglu eitemau presgripsiwn (gan gynnwys creu labeli)

• Archebu, derbyn a storio stoc fferyllol

• Cyflenwi stoc fferyllol

• Paratoi ar gyfer cynhyrchu cynhyrchion fferyllol (gan gynnwys cynhyrchion aseptig)

• Gweithgynhyrchu a darparu cynhyrchion meddyginiaethol (gan gynnwys cynhyrchion aseptig)

O dan oruchwyliaeth Fferyllydd, mae Technegwyr Fferyllol yn cyflenwi meddyginiaethau i gleifion, boed ar bresgripsiwn neu dros y cownter, yn casglu meddyginiaethau ar gyfer presgripsiynau ac yn darparu gwybodaeth i gleifion a gweithwyr gofal iechyd proffesiynol eraill.

Hefyd, mae Technegwyr Fferyllol yn gwneud y canlynol:

• Rheoli meysydd cyflenwi meddyginiaethau fel fferyllfeydd

• Goruchwylio aelodau staff eraill mewn fferyllfa

• Cynhyrchu meddyginiaethau mewn ysbytai a'r diwydiant fferyllol

Opsiynau a lefelau llwybrau

Mwy o wybodaeth

Hyd

Lefel 2:  15 mis  

Lefel 3:  24 mis

 

Llwybrau dilyniant

Lefel 2

Mae'r llwybrau'n cynnwys:

• Prentisiaeth Lefel 3 mewn Iechyd (Gwasanaethau Fferyllol).
• Cymwysterau pellach sy'n benodol i'ch cyd-destun gwaith. Mae amrywiaeth eang o gymwysterau ar gael i'w defnyddio yn y sector iechyd.
• Addysg a hyfforddiant arall sy'n gysylltiedig â gwaith i ategu Datblygiad Proffesiynol Parhaus.

 

Lefel 3  

Mae'r llwybrau'n cynnwys:

• Cyflogaeth
• Camu ymlaen i gymwysterau pellach sy'n benodol i'ch cyd-destun gwaith. Mae amrywiaeth eang o gymwysterau ar gael i'w defnyddio yn y sector iechyd.
• Cymwysterau addysg uwch neu addysg a hyfforddiant o fathau eraill sy'n gysylltiedig â gwaith i ategu Datblygiad Proffesiynol Parhaus.
• Camu ymlaen i swyddi Uwch gan arwain at y canlynol yn y pen draw:

• Gweithio fel fferyllydd ar ôl cwblhau gradd briodol

• Arbenigo ym maes rheoli meddyginiaethau, gweithgynhyrchu, rheoli ansawdd, hyfforddi staff, technoleg gwybodaeth, caffael cyflenwadau, treialon clinigol neu wasanaethau gwybodaeth am feddyginiaethau.

• Rheolwyr mewn ysbytai neu gymunedau.

Cymwysterau

Lefel 2: Tystysgrif NVQ mewn Sgiliau Gwasanaethau Fferyllol

Lefel 3: Diploma NVQ mewn Sgiliau Gwasanaethau Fferyllol

 

Beth yw'r gofynion mynediad ar gyfer y llwybr hwn?

Mae gan bob llwybr prentisiaeth yng Nghymru ofynion mynediad. Os oes gennych ddiddordeb mewn dilyn y llwybr hwn – mae angen i chi gael y cymhwyster lefel mynediad canlynol;

Lefel 2

Nid oes angen unrhyw gymwysterau penodol ar gyfer mynediad i'r fframwaith prentisiaeth hwn. Dylai prentisiaid:

• Arddangos brwdfrydedd dros weithio yn y sector fferyllol

• Bod â sgiliau llythrennedd, rhifedd a chyfathrebu sylfaenol y bydd y brentisiaeth yn eu datblygu

• Bod â lefel addas o ffitrwydd corfforol i gyflawni rhai agweddau ar y swydd

• Bod yn barod i gael gwiriadau gan y Gwasanaeth Datgelu a Gwahardd

• Bod yn hyblyg er mwyn gweithio yn unol â system rota os oes angen

Fel canllaw, gall ymgeiswyr ddilyn amrywiaeth o lwybrau mynediad gan gynnwys:

• gwaith

• profiad gwaith

• ysgol

• coleg

• hyfforddiant a/neu brofiad a all gynnwys portffolio sy'n dangos yr hyn y maen nhw wedi'i wneud. Mae'n bosibl y bydd gan ymgeiswyr ystod o gymwysterau eisoes, gan gynnwys:

• Sgiliau Hanfodol Cymru

• TGAU

• Bagloriaeth Cymru

• Bagloriaeth Cymru gyda Phrif Ddysgu

• Dysgu sylfaenol ar lefel 1

• Cymwysterau lefel 1/2 eraill

Lefel 2: Dim gofynion mynediad ffurfiol

Lefel 3

Nid oes angen unrhyw gymwysterau penodol ar gyfer mynediad i'r fframwaith prentisiaeth hwn. Dylai prentisiaid:

• Arddangos brwdfrydedd dros weithio yn y sector fferyllol

• Bod â sgiliau llythrennedd, rhifedd a chyfathrebu sylfaenol y bydd y brentisiaeth yn eu datblygu

• Bod â lefel addas o ffitrwydd corfforol i gyflawni rhai agweddau ar y swydd

• Bod yn barod i gael gwiriadau gan y Gwasanaeth Datgelu a Gwahardd

• Bod yn hyblyg er mwyn gweithio yn unol â system rota os oes angen

Fel canllaw, gall ymgeiswyr ddilyn amrywiaeth o lwybrau mynediad gan gynnwys:

• gwaith

• profiad gwaith

• ysgol

• coleg

• hyfforddiant a/neu brofiad a all gynnwys portffolio sy'n dangos yr hyn y maen nhw wedi'i wneud. Mae'n bosibl y bydd gan ymgeiswyr ystod o gymwysterau eisoes, gan gynnwys:

• Sgiliau Hanfodol Cymru

• TGAU

• Bagloriaeth Cymru

• Bagloriaeth Cymru gyda Phrif Ddysgu

• Dysgu sylfaenol ar lefel 1

• Cymwysterau lefel 1/2 eraill

Lefel 3: Dim gofynion mynediad ffurfiol

Gweld llwybr llawn

---

Diwygiadau dogfennau