Nyrsio Deintyddol

Framework:

Nyrsio Deintyddol

Lefel:

3/4

---

Fel Nyrs Ddeintyddol byddwch yn darparu cymorth i'r tîm deintyddol a chymorth i'r claf. Gallwch weithio mewn amgylcheddau clinigol amrywiol a gallwch gamu ymlaen i broffesiynau deintyddol eraill. Ar ôl derbyn hyfforddiant gallwch gamu ymlaen i lwybrau gyrfa eraill gan gynnwys: Therapydd a Hylenydd Deintyddol, Hybu Iechyd y Geg, Rheoli Practis Deintyddol neu swyddi gofal iechyd cysylltiedig, megis Nyrsio a Radiograffeg.

Dylai prentisiaid:

• Arddangos brwdfrydedd i weithio ym maes Nyrsio Deintyddol

• Bod â sgiliau llythrennedd, rhifedd a chyfathrebu sylfaenol y bydd y brentisiaeth yn eu datblygu

• Bod â lefel addas o ffitrwydd corfforol i gyflawni rhai agweddau ar y gwaith

• Bod yn fodlon cael gwiriad gan y Gwasanaeth Datgelu a Gwahardd (DBS) (mae'r gwiriad hwn yn ofynnol gan fod prentisiaid yn debygol o weithio gyda phlant, pobl ifanc neu oedolion sy'n agored i niwed)

• Bod yn hyblyg er mwyn gweithio yn unol â system rota os oes angen

• Cael asesiad iechyd galwedigaethol a derbyn y brechiadau gofynnol yn unol â pholisi'r cyflogwr.

Mae cyflogwyr yn chwilio am brentisiaid yn y sector iechyd sydd â'r nodweddion canlynol:

• Gofalgar

• Cydwybodol

• Parchu Cyfrinachedd

• Dangos Parch

• Brwdfrydig

Hefyd, bydd disgwyl i chi weithio mewn tîm a chyflawni dyletswyddau mewn ffordd ofalus iawn.   

Opsiynau a lefelau llwybrau

Mwy o wybodaeth

Hyd

Lefel 3:  18 mis

Lefel 4:  24 mis

Llwybrau dilyniant

Lefel 3: Mae amrywiaeth o gyrsiau ôl-gofrestru ar gael i Nyrsys Deintyddol sy'n awyddus i gamu ymlaen yn eu gyrfa.

Gallant gynnwys cymwysterau galwedigaethol pellach, amrywiaeth o gymwysterau addysg uwch neu addysg a hyfforddiant o fathau eraill sy'n gysylltiedig â gwaith. 

Hefyd, gall Nyrsys Deintyddol symud i swyddi eraill sy'n gysylltiedig â deintyddiaeth megis Prif Nyrs Ddeintyddol neu Arweinydd Tîm Nyrsys Deintyddol, Tiwtoriaid Nyrsio Deintyddol, Hylenyddion neu Therapyddion Deintyddol. Mae prentisiaid sy'n dymuno camu ymlaen i Addysg Uwch yn cael eu hannog i gwblhau TGAU mewn Saesneg a Mathemateg. Mae cymwysterau TGAU yn cael eu cydnabod yn eang ar draws y Sector Addysg Uwch ac maen nhw’n ategu llwybr camu ymlaen i raglenni gofal iechyd israddedig.

Lefel 4: Mae Nyrsys Deintyddol yn gwneud gwaith ataliol ac addysgol hanfodol, gan roi cyngor ar iechyd y geg ac iechyd deintyddol. Mae cyfleoedd yn cynnwys:

• Technegydd Deintyddol
• Addysgwyr Iechyd Deintyddol/Swyddogion Hybu Iechyd y Geg
• Rheolwr a Derbynnydd Practis Deintyddol
• Prosthetyddion a Thechnolegwyr Genol-wynebol

• Therapydd Orthodontig
• Technegydd Labordy
• Technegydd Deintyddol Clinigol
• Deintydd

Swyddi gofal iechyd cysylltiedig fel Nyrsio a Radiograffeg.

Cymwysterau

Lefel 3:  Diploma mewn Nyrsio Deintyddol/Diploma mewn Egwyddorion ac Ymarfer Nyrsio Deintyddol

Lefel 4:  Tystysgrif Addysg Uwch mewn Nyrsio Deintyddol

Beth yw'r gofynion mynediad ar gyfer y llwybr hwn?

Mae gan bob llwybr prentisiaeth yng Nghymru ofynion mynediad. Os oes gennych ddiddordeb mewn dilyn y llwybr hwn – mae angen i chi gael y cymhwyster lefel mynediad canlynol;

Lefel 3

Nid oes angen unrhyw gymwysterau penodol ar gyfer mynediad i'r fframwaith prentisiaeth hwn. Fodd bynnag, mae'n bosibl y bydd gan Sefydliadau Addysg Uwch a darparwyr hyfforddiant ofynion mynediad ar gyfer astudio'r cymwysterau cyfunol a restrir yn y fframwaith. Bydd angen i Ddarpar Brentisiaid allu dangos tystiolaeth eu bod yn gallu bodloni'r gofynion academaidd ar gyfer y rhaglen astudio.

Lefel 3:. Fel canllaw, gall ymgeiswyr ddilyn amrywiaeth o lwybrau mynediad gan gynnwys:

• gwaith

• profiad gwaith

• ysgol

• coleg

• hyfforddiant a/neu brofiad a all gynnwys portffolio sy'n dangos yr hyn y maen nhw wedi'i wneud

Mae'n bosibl y bydd ymgeiswyr eisoes wedi ennill cymwysterau amrywiol gan gynnwys:

• Sgiliau Hanfodol Cymru

• Prentisiaeth Sylfaen

• TGAU

• TAG

• Bagloriaeth Cymru

• Bagloriaeth Cymru gyda Phrif Ddysgu

• Cymwysterau lefel 2 eraill

Lefel 4

Lefel 4:  Fel canllaw, gall ymgeiswyr ddilyn amrywiaeth o lwybrau mynediad gan gynnwys:

• gwaith

• profiad gwaith

• ysgol

• coleg

• hyfforddiant a/neu brofiad a all gynnwys portffolio sy'n dangos yr hyn y maen nhw wedi'i wneud

Mae'n bosibl y bydd gan ymgeiswyr amrywiaeth o gymwysterau eisoes. (Nid yw hon yn rhestr gynhwysfawr ac nid ydynt yn ofyniad cyn y Fframwaith).Gallant  :

• Cyflogaeth mewn lleoliad deintyddol yn ystod y cwrs sy'n golygu bod modd cwblhau elfen dysgu seiliedig ar waith y dyfarniad
• Cytundeb gan y cyflogwr i gefnogi'r ymgeisydd yn ystod y Dyfarniad a sicrhau, ar y cyd â'r darparwr addysgol, gwasanaeth mentora effeithiol wrth ymgymryd â dysgu seiliedig ar waith
• 5 TGAU gradd C neu uwch gan gynnwys Cymraeg neu Saesneg, neu;
• NVQ lefel 3, neu;
• Safon UG x2, neu;
• Safon Uwch x1, neu;
• AVEC neu BTEC

Gweld llwybr llawn

---

Diwygiadau dogfennau