Peirianneg Gyfansawdd (Gweithredwr a Lled-grefftus)

Framework:

Peirianneg Gyfansawdd (Gweithredwr a Lled-grefftus)

Lefel:

2

---

Mae'r brentisiaeth hon wedi'i chynllunio i ddarparu'r sgiliau, y wybodaeth a'r cymhwysedd gofynnol i chi gwblhau prosesau gweithgynhyrchu cyfansawdd er mwyn cynhyrchu is-unedau a chynhyrchion cyfansawdd gorffenedig cyfan yng Nghymru. Byddwch yn datblygu gwybodaeth sylfaenol a sgiliau trosglwyddadwy sydd eu hangen i weithio ar lefel gweithredwr neu led-grefftus mewn amgylchedd gweithgynhyrchu cynhyrchion cyfansawdd gan ymgymryd ag amrywiaeth eang o weithgareddau gweithgynhyrchu diffiniedig.

Ar hyn o  bryd, y marchnadoedd gweithgynhyrchu allweddol ar gyfer cynhyrchion cyfansawdd yw:

• Awyrofod
• Tyrbinau gwynt
• Modurol
• Morol

Bydd gan gyflogwyr Peirianneg Gyfansawdd ddiddordeb mewn ymgeiswyr:

• sy'n awyddus ac yn frwdfrydig i weithio mewn amgylchedd peirianneg/gweithgynhyrchu cyfansawdd; neu
• sy'n barod i ymgymryd â chwrs hyfforddi yn y gweithle a'r tu allan i'r gweithle a defnyddio'r hyn a ddysgir yn y gweithle; neu
• sydd â phrofiad gwaith neu gyflogaeth flaenorol yn y sector; neu
• sydd â chymhwyster Bagloriaeth Cymru neu gymwysterau TGAU mewn Saesneg, Mathemateg a Gwyddoniaeth; neu
• sydd wedi cwblhau rhaglen Llwybrau at Brentisiaethau mewn disgyblaeth berthnasol;
• neu os ydynt yn hoffi gwaith ymarferol ac eisiau gweithio gyda'u dwylo;
• neu nad oes ganddynt gymwysterau ffurfiol ond eu bod yn gallu dangos, o bosibl drwy bortffolio, bod ganddynt y potensial i gwblhau'r brentisiaeth hon gan eu bod wedi gweithio yn y sector ar Lefel 2 o'r blaen; neu
• sydd wedi cwblhau cymwysterau Sgiliau Hanfodol Cymru neu Sgiliau Allweddol Ehangach, neu eu bod wedi cwblhau profion mewn sgiliau rhifedd, llythrennedd a chyfathrebu sylfaenol a bod ganddynt ymwybyddiaeth ofodol.

Opsiynau a lefelau llwybrau

Mwy o wybodaeth

Hyd

Lefel 2: 18 mis

Llwybrau dilyniant

Mae llwybrau camu ymlaen yn cynnwys:

• Prentisiaeth mewn Peirianneg Gyfansawdd ar Lefel 3.
• Dyrchafiad mewnol i swydd arweinydd tîm neu oruchwylydd.
• Addysg Bellach.

Cymwysterau

Lefel 2: Diploma NVQ mewn Peirianneg Gyfansawdd

Beth yw'r gofynion mynediad ar gyfer y llwybr hwn?

Mae gan bob llwybr prentisiaeth yng Nghymru ofynion mynediad. Os oes gennych ddiddordeb mewn dilyn y llwybr hwn – mae angen i chi gael y cymhwyster lefel mynediad canlynol;

Lefel 2

Lefel 2:  Fel canllaw, mae fframwaith y Brentisiaeth Sylfaen mewn Peirianneg Gyfansawdd (Lefel 2) yn addas ar gyfer ymgeiswyr sydd â phump TGAU gradd D i E mewn Saesneg, Mathemateg a Gwyddoniaeth.

Mae'n bosibl y bydd angen i chi sefyll profion mewn rhifedd a llythrennedd sylfaenol, sgiliau cyfathrebu ac ymwybyddiaeth ofodol. Mae'n bosibl y byddwch yn cael cyfweliad hefyd er mwyn sicrhau eich bod wedi dewis y sector galwedigaethol cywir a'ch bod yn awyddus i fod yn brentis, gan fod ymgymryd â phrentisiaeth yn ymrwymiad mawr i'r unigolyn ac i'r cyflogwr.

Mae'n bosibl y bydd dysgwyr sydd wedi cwblhau Bagloriaeth Cymru wedi cwblhau unedau neu gyrsiau byr a fydd yn darparu gwybodaeth sylfaenol tuag at y Brentisiaeth Sylfaen.

 

Gweld llwybr llawn

---

Diwygiadau dogfennau