Cefnogi Addysgu a Dysgu mewn Ysgolion

Framework:

Cefnogi Addysgu a Dysgu mewn Ysgolion

Lefel:

2/3

---

Yn ystod y Brentisiaeth Sylfaen  byddwch yn gweithio dan oruchwyliaeth agos yr athro dosbarth a bydd cynllunio gwersi a chyfarwyddyd yr athro o ddydd i ddydd yn pennu’r fframwaith ar gyfer gwaith pob unigolyn. Ar ôl cwblhau’r llwybr yn llwyddiannus bydd gennych y wybodaeth a’r sgiliau sy’n gymwys i’r rôl o gefnogi addysgu a dysgu mewn ysgolion, gan gynnwys y sgiliau sylfaenol i weithio fel gweithiwr effeithiol yn y sector.

Gydol Lefel 3, byddwch yn gweithio dan gyfarwyddyd athro sydd â chyfrifoldeb cyffredinol am addysgu a dysgu yn yr ystafell ddosbarth ond sydd o bosib â chyfrifoldebau ychwanegol, fel adnoddau cwricwlwm, goruchwylio cyflenwi, gweithgareddau allgyrsiol a chefnogi disgyblion sydd ag anghenion ychwanegol.

Byddwch yn cyfrannu at y gwaith o gynllunio, gweithredu a gwerthuso gweithgareddau dysgu, a byddwch yn gweithio law yn llaw â’r athro i gefnogi gweithgareddau’r dosbarth cyfan, ynghyd â gweithio ar eich pen eich hun gydag unigolion neu grwpiau o ddisgyblion.

Dyma enghreifftiau o sgiliau a phriodweddau perthnasol fel canllaw wrth lywio’r broses recriwtio a dethol ar gyfer y brentisiaeth hon:

• Diddordeb mewn ac ymrwymiad i weithio gyda phlant a/neu bobl ifanc;
• Yn ddelfrydol rhywfaint o brofiad o weithio gyda phlant a phobl ifanc;
• Gallu uniaethu’n dda â phlant, pobl ifanc ac oedolion;
• Cymhelliant i lwyddo yn y swydd;
• Parodrwydd i fyfyrio ar eu hymarfer eu hunain, dysgu a chymhwyso’r dysgu yn y gweithle;
• Gallu arddangos bod gennych y potensial i gwblhau’r cymwysterau sy’n rhan o’r brentisiaeth;
• Gallu gweithio’n annibynnol ac fel aelod o dîm a chyfathrebu’n effeithiol gyda phobl amrywiol;
• Lefel briodol o rifedd a llythrennedd (Cymraeg neu Saesneg); ac
• Yn barod i gyflawni gwiriad y Swyddfa Cofnodion Troseddol (CRB) ar gyfer addasrwydd i weithio gyda phlant a phobl ifanc.

Opsiynau a lefelau llwybrau

Mwy o wybodaeth

Hyd

Lefel 2:  12 mis

Lefel 3:  18 mis

Llwybrau dilyniant

Lefel 2 Mae’r llwybrau’n cynnwys:

• Prentisiaeth Lefel 3 mewn Cefnogi Addysgu a Dysgu mewn Ysgolion ar gyfer y rhai sydd â’r potensial a’r cyfle i weithio ar y lefel hon;
• Cymhwyster Lefel 3 mewn Cefnogi Addysgu a Dysgu mewn Ysgolion;
• Cymwysterau Lefel 2 a 3 mewn Gofal Plant, Dysgu a Datblygu, Gwaith chwarae neu waith Ieuenctid ar gyfer y rhai sydd am drosglwyddo i feysydd gwaith eraill gyda phlant a phobl ifanc, a;
• Diploma Lefel 3 ar gyfer y Gweithlu Plant a Phobl Ifanc gyda meysydd profiad priodol o’r gweithlu plant ehangach.
• Graddau sylfaen

Lefel 3 Mae’r llwybrau’n cynnwys:

 Hyfforddiant a/neu asesiad ar gyfer statws Cynorthwyydd Addysgu Lefel Uwch (HLTA);

• Diploma Lefel 3 ar gyfer y Gweithlu Plant a Phobl Ifanc ar gyfer y rhai â phrofiad priodol;
• Cymwysterau Lefel 4 mewn maes perthnasol;
• Graddau Sylfaen; a
• Gall y rhai sy’n gallu bodloni gofynion mynediad Hyfforddiant Cychwynnol Athrawon (HCA) fynd ymlaen i gyflawni statws athro cymwysedig.

Cymwysterau

Lefel 2: Tystysgrif mewn Cefnogi Addysgu a Dysgu mewn Ysgolion

Lefel 3: Diploma mewn Cymorth Arbenigol ar gyfer Dysgu ac Addysgu mewn Ysgolion

Beth yw'r gofynion mynediad ar gyfer y llwybr hwn?

Mae gan bob llwybr prentisiaeth yng Nghymru ofynion mynediad. Os oes gennych ddiddordeb mewn dilyn y llwybr hwn – mae angen i chi gael y cymhwyster lefel mynediad canlynol;

Lefel 2

Mae’n rhaid i brentisiaid fod yn awyddus i weithio yn y sector i gefnogi addysgu a dysgu mewn ysgolion. Dylent fedru rhoi sylw i fanylder a bod yn barod i weithio mewn amgylchedd tîm, tra hefyd yn barod i weithio o’u pen a’u pastwn eu hunain yn ôl y gofyn.

Does dim gofyniad penodol i unigolion gyflawni’r Brentisiaeth Sylfaen Lefel 2 cyn mynd i’r afael â Phrentisiaeth Lefel 3. Fodd bynnag, os yw rhywun yn mynd yn syth i Lefel 3, bydd angen cael y sgiliau, y profiad a’r priodweddau personol priodol ar gyfer y lefel o waith ac astudio sy’n ofynnol.

Lefel 2: Dim gofynion mynediad ffurfiol.

Lefel 3

Mae’n rhaid i brentisiaid fod yn awyddus i weithio yn y sector i gefnogi addysgu a dysgu mewn ysgolion. Dylent fedru rhoi sylw i fanylder a bod yn barod i weithio mewn amgylchedd tîm, tra hefyd yn barod i weithio o’u pen a’u pastwn eu hunain yn ôl y gofyn.

Does dim gofyniad penodol i unigolion gyflawni’r Brentisiaeth Sylfaen Lefel 2 cyn mynd i’r afael â Phrentisiaeth Lefel 3. Fodd bynnag, os yw rhywun yn mynd yn syth i Lefel 3, bydd angen cael y sgiliau, y profiad a’r priodweddau personol priodol ar gyfer y lefel o waith ac astudio sy’n ofynnol.

Lefel 3: Dim gofynion mynediad ffurfiol.

Gweld llwybr llawn

---

Diwygiadau dogfennau