Dysgu a Datblygu

Framework:

Dysgu a Datblygu

Lefel:

3

---

Fel Prentis gallech fod yn gweithio mewn swydd am dâl mewn sefydliad, yn hwyluso dysgu, neu gallech fod yn gweithio ar eich pen eich hun neu fel rhan o dîm ehangach yn darparu neu'n trefnu dysgu mewn lleoliadau amrywiol gan gynnwys y gweithle a sefydliadau hyfforddi.

Mae'r fframwaith hwn yn berthnasol i gyflogwyr a darparwyr yn y sector preifat, y sector cyhoeddus a'r trydydd sector, ac i'r rhai sy'n ymwneud â darparu dysgu a ariennir a dysgu masnachol.

Mae'r cymwysterau yn y fframwaith yn cael eu hasesu a'u hardystio'n annibynnol, ac maen nhw wedi'u cynllunio i ychwanegu gwerth, gan sicrhau bod gan y rhai sy'n eu cwblhau yn llwyddiannus y sgiliau a'r wybodaeth sy'n berthnasol i'w rôl, a'r sgiliau sylfaenol i allu gweithredu fel gweithiwr cyflogedig effeithiol.

Fel Prentis byddwch yn helpu pobl eraill i ddysgu sgiliau newydd gan ddatblygu a gwella sgiliau presennol fel bod modd iddyn nhw wneud eu gwaith yn effeithiol.

Gallech fod yn hyfforddi pobl neu'n helpu gyda gwaith gweinyddu (mae cwmnïau hyfforddi yn union yr un fath ag unrhyw fusnes arall – maen nhw’n derbyn galwadau ffôn ac archebion).

Bydd eich maes arbenigedd yn dibynnu ar eich cyflogwr – ond byddai'n synhwyrol dewis arbenigedd sydd o ddiddordeb i chi.

Waeth a ydych yn gweithio gydag unigolion neu gyda grŵp mawr o bobl, bydd angen hyder, amynedd a chreadigrwydd arnoch.

Bydd angen y canlynol hefyd:

 •          Cymhelliant i lwyddo i gwblhau'r brentisiaeth;

•          Gweithio’n drefnus;

•          Hyblygrwydd;

•          Parodrwydd i ddysgu a chymhwyso'r hyn rydych wedi'i ddysgu yn y gweithle;

•          Parodrwydd a gallu i gyfathrebu'n effeithiol ag amrywiaeth o bobl; a

•          Sgiliau rhifedd, llythrennedd a’r gallu i ddefnyddio TGCh.

Gallai'r Brentisiaeth gynnwys gweithio gyda phlant/pobl ifanc a/neu oedolion sy'n agored i niwed, felly rhaid i ymgeiswyr fod yn barod i gael gwiriad gan y Swyddfa Cofnodion Troseddol.

Pathway options and levels

Further information

Duration

14 mis

Progression routes

Mae'r llwybrau'n cynnwys:

• Cyfleoedd dysgu a datblygu pellach.
• Camu ymlaen i swyddi uwch, gan gynnwys i feysydd eraill fel rheoli, Adnoddau Dynol, cyllid a rheoli prosiectau ehangach.
• Cyrsiau lefel uwch
• Addysg Uwch
• Graddau proffesiynol
• Cymwysterau proffesiynol a dyfarniadau cyrff eraill fel y Sefydliad Siartredig Personél a Datblygu (CIPD).

Cymwysterau

Tystysgrif Lefel 3 mewn Dysgu a Datblygu

What are the entry requirements for this pathway?

All apprenticeship pathways in Wales have entry requirements.
If you are interested in undertaking this pathway – you need to have the following entry level qualification(s);

Lefel 3

Rhaid i newydd-ddyfodiaid i'r Brentisiaeth fod â chymhwysedd galwedigaethol mewn maes o'u dewis a mynediad i amgylchedd dysgu.

Hefyd, byddai'n fanteisiol os yw ymgeiswyr wedi cwblhau unrhyw un o'r canlynol yn llwyddiannus:

• Bagloriaeth Cymru
• TGAU mewn Saesneg a Mathemateg, neu ddyfarniadau llythrennedd a rhifedd ar lefel gyfatebol;
• Rhaglenni astudio dysgu sylfaenol; neu
• Unrhyw waith neu hyfforddiant blaenorol perthnasol mewn meysydd sy'n ymwneud â dysgu a datblygu.

View full pathway

---

Document revisions