Dadansoddi Data

Framework:

Dadansoddi Data

Lefel:

4

---

Nod y rhaglen Brentisiaeth hon yw darparu llwybr galwedigaethol newydd i lenwi'r angen am sgiliau yn y dyfodol ar gyfer gweithwyr proffesiynol Dadansoddi Data, ac mae'n cynnwys swyddi mewn meysydd fel:

• Deallusrwydd Busnes
• Warws Data
• Dadansoddi Data ETL (Echdynnu, Trawsnewid a Llwytho)
• Modelu Data
• Cloddio Data
• Rheoli Cronfeydd Data

Gallai'r rolau sy’n cael eu cynnwys dan y fframwaith hwn fod yn y meysydd canlynol:

• Sefydliadau TG a Thelathrebu sy'n darparu gwasanaethau datblygu a/neu wasanaethau gweithredol i amrywiaeth o gleientiaid; neu
• Sefydliadau sy'n gweithredu mewn unrhyw sector sy'n defnyddio Systemau TG i brosesu a storio data o unrhyw fath.

Mae'r ystod o sefydliadau y bydd y rolau hyn yn berthnasol iddynt yn cynnwys manwerthwyr mawr, darparwyr gwasanaethau ariannol ac adrannau'r llywodraeth, ond mewn gwirionedd byddant yn berthnasol i'r rhan fwyaf o ddefnyddwyr Systemau TG.

Opsiynau a lefelau llwybrau

Mwy o wybodaeth

Hyd

Lefel 4: 24 mis

Llwybrau dilyniant

Camu ymlaen o'r llwybr hwn:

Cymwysterau sy'n benodol i'r rôl ac yn cael eu cydnabod gan y diwydiant megis:

• Hyfforddiant ac achrediad Rheoli Prosiect (PRINCE2, MSP, PMI, APM ac Agile)
• Hyfforddiant ac achrediad Rheoli Gwasanaethau (hyfforddiant ITIL, SDI ac ISO/IEC 2000)
• Hyfforddiant Rheoli a Datblygiad Personol
• Amrywiaeth eang o hyfforddiant gwerthwr a thechnoleg graidd – gan arwain at gymwysterau sy'n cael eu cydnabod gan y diwydiant.
• Gradd Anrhydedd

Mae rhai cymwysterau yn arwain at yr hawl i fod yn aelod o sefydliad proffesiynol, gan gynnig cyfleoedd i rwydweithio a chamu ymlaen yn eich gyrfa. Er enghraifft, dod yn aelod o sefydliad proffesiynol:

• Cymdeithas Gyfrifiadurol Prydain (BCS)
• Y Sefydliad Peirianneg a Thechnoleg (IET)

Cymwysterau

Diploma Lefel 4 mewn Dadansoddi Data

Beth yw'r gofynion mynediad ar gyfer y llwybr hwn?

Mae gan bob llwybr prentisiaeth yng Nghymru ofynion mynediad. Os oes gennych ddiddordeb mewn dilyn y llwybr hwn – mae angen i chi gael y cymhwyster lefel mynediad canlynol;

Lefel 4

Mae'r gofynion mynediad yn cynnwys:

• Cymwysterau Safon Uwch, neu gyrhaeddiad addysgol cyfatebol, gan gynnwys Diploma TG Lefel 3, Bagloriaeth Cymru neu'r Fagloriaeth Ryngwladol neu Dystysgrif Dechnegol Lefel 3 berthnasol
• Prentisiaeth (Lefel 3)
• Cyflogaeth yn y diwydiant technoleg/telathrebu am nifer o flynyddoedd, gan ddangos i'r cyflogwr bod disgwyliad rhesymol i'r unigolyn gyflawni canlyniadau gofynnol y Brentisiaeth Uwch. Gellir ategu hyn drwy arddangos neu brofi cyflawniad neu berfformiad blaenorol yn y rôl cyn dechrau'r Brentisiaeth Uwch.

Gweld llwybr llawn

---

Diwygiadau dogfennau