Corff a Phaent Cerbydau

Framework:

Corff a Phaent Cerbydau

Lefel:

2/3

---

Yn ystod Prentisiaeth Sylfaen (Lefel 2), byddwch yn hyfforddi fel Technegydd ac yn asesu ac atgyweirio difrod, yn adfer cyrff cerbydau a gwaith paentio neu’n atgyweirio ac yn ailosod gwydr cerbydau ysgafn a thrwm amrywiol.

Ar Lefel 3, byddwch yn hyfforddi fel Uwch Dechnegydd neu Asesydd Difrod i Gerbydau. Fel uwch dechnegydd byddwch yn atgyweirio difrod ac yn adfer cyrff cerbydau a gwaith paentio neu’n atgyweirio ac yn ailosod gwydr cerbydau ysgafn a thrwm amrywiol tra bydd Asesydd Difrod i Gerbydau yn asesu difrod i gerbydau, dulliau atgyweirio cerbydau ac amcangyfrif costau.

Bydd gofyn i chi gyflawni tasgau anodd yn fanwl-gywir ac yn fedrus felly mae deheurwydd llaw yn hollbwysig. Bydd disgwyl i chi hefyd drin cyfarpar trwm a sefyll am gyfnodau maith gydol eich diwrnod gwaith.

Mae gan lawer o gyflogwyr ddiddordeb arbennig mewn ymgeiswyr a all arddangos: agwedd hyderus a chadarnhaol a pharodrwydd i weithio’n galed; sgiliau cyfathrebu da a fydd yn sail i’r Brentisiaeth hon; a dealltwriaeth o ba mor bwysig yw bod y busnes yn darparu gwasanaeth cwsmeriaid rhagorol bob amser.

Bydd darparwyr hyfforddiant a chyflogwyr yn defnyddio asesiadau cychwynnol i sicrhau bod gan ymgeiswyr gyfle teg i arddangos eu gallu ac yn teilwra rhaglenni i ddiwallu anghenion unigol.

Opsiynau a lefelau llwybrau

Mwy o wybodaeth

Hyd

Lefel 2: 22 mis

Lefel 3: 18 mis

Llwybrau dilyniant

Lefel 2 Mae’r llwybrau’n cynnwys:

• Cyflogaeth
• Hyfforddiant a datblygu pellach
• Prentisiaeth Lefel 3
• Addysg bellach gan gynnwys Diploma Lefel 3 a Diploma Estynedig

Lefel 3 Mae’r llwybrau’n cynnwys:    

• Cyflogaeth
• Hyfforddiant a datblygu pellach
• Prentisiaeth Uwch (Lefel 4) mewn Cynnal a Chadw ac Atgyweirio Cerbydau
• Prentisiaeth Uwch (Lefel 5) mewn Arwain a Rheoli Modurol
• Cyfleoedd Addysg Bellach ac Uwch
• Gradd sylfaen er enghraifft mewn Peirianneg Fodurol neu Dechnoleg Fodurol; neu ymlaen i raglenni Addysg Uwch fel rhaglenni MEng a BEng mewn Peirianneg Fodurol.

Cymwysterau

Lefel 2: Diploma mewn llwybr o’ch dewis.

Lefel 3: Diploma mewn llwybr o’ch dewis.

Beth yw'r gofynion mynediad ar gyfer y llwybr hwn?

Mae gan bob llwybr prentisiaeth yng Nghymru ofynion mynediad. Os oes gennych ddiddordeb mewn dilyn y llwybr hwn – mae angen i chi gael y cymhwyster lefel mynediad canlynol;

Lefel 2

Efallai y bydd gan ymgeiswyr amrywiaeth o wahanol brofiadau, cyflawniadau a/neu gymwysterau. Mae enghreifftiau o ofynion mynediad y gall cyflogwyr chwilio amdanyn nhw gynnwys:

• Profiad gwaith blaenorol neu gyflogaeth;
• Gwaith gwirfoddol neu gymunedol;
• Tystiolaeth o gwblhau cyrsiau heb eu hachredu;
• Cyflawni Gwobrau, Tystysgrifau neu Ddiplomâu neu unrhyw Sgiliau Hanfodol Cymru neu Sgiliau Allweddol Ehangach;
• Cyflawni Cymhwyster Prif Ddysgu mewn Busnes Manwerthu sydd â chynnwys manwerthu modurol, Gweithgynhyrchu a Dylunio Cynnyrch neu Beirianneg fel rhan o Fagloriaeth Cymru;
• Bagloriaeth Cymru – unrhyw lefel;
• TGAU Saesneg, Mathemateg a Gwyddoniaeth.

Lefel 2: Dim gofynion mynediad penodol.

Lefel 3

Lefel 3: Dim gofynion penodol heblaw Llwybr 5. Yn sgil natur dechnegol y swydd Asesydd Difrod i Gerbydau, byddai gwybodaeth flaenorol a phrofiad ymarferol o gyrff cerbydau a phaent neu o gynnal a chadw ac atgyweirio cerbydau yn fanteisiol, ynghyd â phrofiad neu gymwysterau gwasanaeth cwsmeriaid.

Gweld llwybr llawn

---

Diwygiadau dogfennau