Gyrru Cerbydau Nwyddau

Framework:

Gyrru Cerbydau Nwyddau

Lefel:

2/3

---

Os oes gennych ddiddordeb brwd mewn gweithio yn y sector trafnidiaeth ffordd a logisteg, os ydych chi’n fodlon treulio nosweithiau oddi cartref a'ch bod yn gallu rheoli'ch amser yn dda, gallai'r Brentisiaeth hon fod yn addas i chi.

Yn ystod y diwrnod gwaith byddwch yn gweithio ar eich pen eich hun yn casglu ac yn dosbarthu nwyddau i fusnesau a chartrefi cwsmeriaid domestig. Byddwch yn gweithio y tu allan i'ch prif ganolfan y rhan fwyaf o'r dydd ac weithiau dros nos. Byddwch yn gyfrifol am eich cerbyd a'ch llwyth, a bydd angen i chi gadw cofnodion cywir o nwyddau sy'n cael eu dosbarthu a'u dychwelyd. 

Wrth gamu ymlaen i Lefel 3, mae'n bosibl y byddwch yn gyfrifol am arwain tîm o yrwyr, darparu arweiniad a gweithredu fel pwynt cyswllt cyntaf yn ystod gweithgareddau gwaith arferol.

Mae'r Brentisiaeth hon yn darparu llwybrau hyblyg i bobl sy'n dymuno gweithio ym maes trafnidiaeth ffordd a chamu ymlaen i amrywiaeth o swyddi, hyfforddiant a chymwysterau eraill mewn logisteg.

Gan ddibynnu ar y llwybr o'ch dewis, bydd angen trwydded car, beic modur neu gerbyd un cymal arnoch, ac mae'n bosibl y bydd angen i chi fod yn 18 oed neu'n hŷn.

Opsiynau a lefelau llwybrau

Mwy o wybodaeth

Hyd

Lefel 2: 12 mis Lefel 3: 12 mis

Llwybrau dilyniant

Lefel 2:

• Cyflogaeth
• Prentisiaethau Sylfaen/Prentisiaethau mewn: Arwain Timau/ Swyddfa Draffig/ Gweithrediadau Logisteg/ Gyrru Cerbydau Nwyddau.

• Ar ôl cael rhagor o hyfforddiant a datblygiad: Gradd Sylfaen mewn logisteg/cynllunio trafnidiaeth/gweithrediadau logisteg/gweinyddiaeth.

Lefel 3:   

• Cyflogaeth
• Prentisiaethau Uwch mewn Rheoli/Rheoli Prynu a Chyflenwi.

• Ar ôl cael rhagor o hyfforddiant a datblygiad: Gradd Sylfaen mewn logisteg, cynllunio trafnidiaeth, gweithrediadau logisteg a gweinyddiaeth.
• Rhaglenni Addysg Uwch fel Logisteg a Rheoli'r Gadwyn Gyflenwi, Busnes a Rheoli.

Cymwysterau

Lefel 2: Tystysgrif yn y llwybr o'ch dewis.

Lefel 3: Diploma yn y llwybr o'ch dewis

Beth yw'r gofynion mynediad ar gyfer y llwybr hwn?

Mae gan bob llwybr prentisiaeth yng Nghymru ofynion mynediad. Os oes gennych ddiddordeb mewn dilyn y llwybr hwn – mae angen i chi gael y cymhwyster lefel mynediad canlynol;

Lefel 2

Gall ymgeiswyr ddod o lwybrau amrywiol gan gynnwys:

• gwaith neu brofiad gwaith
• hyfforddiant a/neu brofiad a allai gynnwys portffolio sy'n dangos eu bod wedi cyflawni rhai o'r Sgiliau Hanfodol neu'r Sgiliau Allweddol Ehangach
• Bagloriaeth Cymru, gan gynnwys y Cymhwyster Prif Ddysgu ar gyfer Busnes Manwerthu sy'n cynnwys logisteg a chymhwyster/cymwysterau galwedigaethol neu academaidd yn ymwneud â'r gadwyn gyflenwi.

Lefel 2: 

Llwybr 1: RHAID cael Trwydded Categori A (Beic Modur) i ymgymryd â'r opsiwn Beic Modur gan nad yw'r drwydded yn cael ei hariannu fel rhan o'r fframwaith hwn.

Llwybr 2: RHAID cael Trwydded Categori B (Car) gan nad yw'r drwydded yn cael ei hariannu fel rhan o'r fframwaith.

Llwybr 3:  RHAID cael Trwydded Categori B (Car) a bod yn 18 oed neu'n hŷn.

Llwybr 4: RHAID cael Trwydded Categori C (Trwydded Cerbydau Un Cymal) o leiaf i ddechrau hyfforddiant LGV.

Lefel 3

Lefel 3:

Llwybr 1: RHAID cael Trwydded Categori B (Car) gan nad yw'r drwydded yn cael ei hariannu fel rhan o'r fframwaith.

Llwybr 2: RHAID cael Trwydded Categori B (Car) Lawn gan na fydd modd ymgymryd â hyfforddiant LGV. Rhaid bod yn 18 oed neu'n hŷn. 

Llwybr 3:  RHAID cael Trwydded Categori C (Trwydded Cerbydau Un Cymal) o leiaf i ddechrau'r hyfforddiant LGV ychwanegol.

Llwybr 4: RHAID cael Trwydded Categori B (Car) gan nad yw'r drwydded yn cael ei hariannu fel rhan o'r fframwaith.

Llwybr 5: RHAID cael Trwydded Categori B (Car) Lawn gan na fydd modd ymgymryd â hyfforddiant LGV. Rhaid bod yn 18 oed neu'n hŷn.

Llwybr 6: RHAID cael Trwydded Categori C (Trwydded Cerbydau Un Cymal) o leiaf gan na fydd modd ymgymryd â hyfforddiant LGV ychwanegol.

Gweld llwybr llawn

---

Diwygiadau dogfennau