Coed a Phren

Framework:

Coed a Phren

Lefel:

2/3

---

Mae’r Diploma Lefel 2 a Lefel 3 mewn Coed a Phren seiliedig ar Waith yn cynnwys tri phrif ffrwd gwaith yn y diwydiant, Coedyddiaeth, Coetir Cyffredinol a Gwaith Coedwigaeth a Phrysgoedio a Masnachau Pren Gwyrdd.

Mae coedyddiaeth a choedwigaeth yn ymwneud â gweithio gydag ac o gwmpas coed. Mae coedwigoedd a choetiroedd yn adnoddau pren, amwynderau a hamdden, twristiaeth a bioamrywiaeth pwysig.

Mae coedwigaeth yn canolbwyntio ar reoli coedwigoedd a choetiroedd, gyda choedyddiaeth yn canolbwyntio ar drin, rheoli a gofalu am goed unigol, neu grwpiau o goed, gyda’r nod sylfaenol o’u cynnal a’u cadw at ddibenion amwynder.

Mae’r diwydiant yn un arbenigol iawn a gall y gwaith gynnwys gweithio gydag amrywiaeth helaeth o beiriannau, deunyddiau a chyfarpar; o blannu stoc a defnyddio cemegau i drin plâu a chlefydau i ddefnyddio llif gadwyn, cynaeafwyr a meddalwedd gyfrifiadurol. Felly, mae angen ystod eang o sgiliau a gwybodaeth gan fod amrywiaeth sylweddol o swyddi a thasgau sydd angen eu cyflawni.

Yn aml, ar ôl cymhwyso bydd gofyn i chi weithio ar eich pen eich hun neu mewn timau bach yn y maes, ac mae hyn yn gofyn am wybodaeth dda am ddeddfwriaeth iechyd a diogelwch ac o bolisïau gweithio ar eich pen eich hun.

Opsiynau a lefelau llwybrau

Mwy o wybodaeth

Hyd

Lefel 2: 18 – 24 mis

Lefel 3: 18 - 24 mis

Llwybrau dilyniant

Lefel 2 Mae’r llwybrau’n cynnwys:

• Cyflogaeth
• Prentisiaeth mewn Coed a Phren Lefel 3
• Cyrsiau Addysg Bellach fel:
  • Tystysgrif/Diploma Lefel 3 mewn Coedwigaeth a BTEC Coedyddiaeth
  • Diploma Estynedig lefel 4 mewn Coedwigaeth a Choedyddiaeth
  • Tystysgrif Lefel 3 mewn Cynaliadwyedd Amgylcheddol.

Lefel 3 Mae’r llwybrau’n cynnwys:  

• Cyflogaeth
• Cyrsiau Addysg Uwch fel HNC/D, gan gynnwys:

• Gwyddorau Coedwig
• Cadwraeth ac Ecosystemau Coedwigoedd
• Rheoli Coedwigaeth a Choetir
• Cadwraeth Coedwigaeth a Choetir
• Gwyddorau Ecolegol (Coedwigaeth)
• Rheoli Coedwigoedd Cynaliadwy
• Coedyddiaeth a Rheoli Coetiroedd Iseldir Coedwigaeth Drefol
• Tystysgrif Technegydd Lefel 4 mewn Coedyddiaeth

Cymwysterau

Lefel 2: Diploma City & Guilds mewn Coed a Phren seiliedig ar Waith

Lefel 3:  Diploma City & Guilds mewn Coed a Phren seiliedig ar Waith

Beth yw'r gofynion mynediad ar gyfer y llwybr hwn?

Mae gan bob llwybr prentisiaeth yng Nghymru ofynion mynediad. Os oes gennych ddiddordeb mewn dilyn y llwybr hwn – mae angen i chi gael y cymhwyster lefel mynediad canlynol;

Lefel 2

Does dim gofynion mynediad penodol ar gyfer y Brentisiaeth Sylfaen mewn Coed a Phren, ond mae cymwysterau a/neu brofiad a allai helpu dysgwyr cyn dechrau:

• Tystysgrif Lefel 1 mewn Gweithrediadau ar y Tir
• Tystysgrif /Diploma Lefel 1 mewn Astudiaethau ar y Tir
• Dyfarniad/Tystysgrif/Diploma Lefel 1 mewn Gweithrediadau ar y Tir seiliedig ar Waith

Wedi gweithio’n flaenorol yn y diwydiant neu’n gweithio yn y diwydiant ar hyn o bryd.

Profiad o wirfoddoli yn y diwydiant coed a phren

Lefel 2:  Dim gofynion mynediad ffurfiol

Lefel 3

Lefel 3:  Dim gofynion mynediad ffurfiol

Gweld llwybr llawn

---

Diwygiadau dogfennau