Cadwraeth Amgylcheddol

Framework:

Cadwraeth Amgylcheddol

Lefel:

2/3

---

Mae cadwraeth amgylcheddol yn cwmpasu amrywiaeth eang o gyfleoedd gan gynnwys gwarchod tirweddau, cynefinoedd a rhywogaethau ochr yn ochr â rheoli mynediad cyhoeddus a hamdden cefn gwlad, yn ogystal â gwaith dehongli i hybu ymwybyddiaeth, dealltwriaeth a phleser o gefn gwlad.

Mae'r sector yn cynnwys ardaloedd gwledig a threfol, afonydd, arfordiroedd a dyfrffyrdd ledled Cymru. Mae llawer ohonynt yn ardaloedd dynodedig sydd angen gwarchodaeth arbennig.

Mae hyn yn darparu swyddi amrywiol mewn sefydliadau mawr a bach, sefydliadau cyhoeddus a phreifat ac elusennau, megis yr Ymddiriedolaeth Genedlaethol, Parciau Cenedlaethol, Ymddiriedolaethau Natur, BTCV, gwasanaethau cefn gwlad awdurdodau lleol a'r maes ymgynghoriaeth amgylcheddol. Gall gweithio yn y sector olygu eich bod yn gweithio yn yr awyr agored yn rheoli safleoedd yn ymarferol drwy, er enghraifft: plannu coed a chwympo coed; cynnal arolygon bywyd gwyllt; ymgysylltu â'r gymuned; gwaith hamdden ac addysg. Mae swyddi'n darparu cyfleoedd i ysbrydoli pobl ac ymgysylltu â bywyd gwyllt er mwyn rheoli a diogelu ein treftadaeth naturiol ar gyfer y dyfodol.

Opsiynau a lefelau llwybrau

Mwy o wybodaeth

Hyd

Lefel 2: 12-24 mis

Lefel 3: 12-24 mis

Llwybrau dilyniant

Lefel 2: Ar ôl cwblhau'r Brentisiaeth Sylfaen yn llwyddiannus, mae llawer o gyfleoedd ar gael, gan gynnwys arbenigo yn y proffesiwn, cwblhau cyrsiau galwedigaethol eraill neu gamu ymlaen i Addysg Bellach a/neu Addysg Uwch gan gynnwys Prentisiaeth mewn Cadwraeth Amgylcheddol neu gyrsiau Addysg Bellach eraill megis:

• Diploma Lefel 3 mewn Cadwraeth Amgylcheddol Seiliedig ar Waith
• Tystysgrif Lefel 3 mewn Cynaliadwyedd Amgylcheddol
• Dyfarniad Lefel 3 mewn Egwyddorion Datblygu Prosiectau Amgylcheddol a Thir
• Diploma/Diploma Estynedig Lefel 3 mewn Cadwraeth Amgylcheddol
• Tystysgrif Lefel 3 mewn Gosod Muriau Cerrig Sych/ Muriau Terfyn.

Lefel 3: Mae llwybrau camu ymlaen yn cynnwys cwblhau cyrsiau galwedigaethol eraill neu gamu ymlaen i Addysg Bellach a/neu Addysg Uwch. Mae enghreifftiau o gyrsiau sydd ar gael ledled Cymru a'r DU yn cynnwys:

• BSc mewn Cadwraeth Amgylcheddol
• Fd mewn Cadwraeth a Rheoli Cefn Gwlad
• Fd mewn Cadwraeth Amgylcheddol
• BSc mewn Bioleg Cadwraeth
• BSc mewn Rheoli Bywyd Gwyllt.

Os yw prentisiaid yn dymuno parhau i ddatblygu eu sgiliau a'u cymwysterau y tu hwnt i lefel Gradd, mae cyfleoedd camu ymlaen ar gael. Er enghraifft, gallent astudio Diploma Ôl-radd (PGDip) neu Radd Meistr (MSc neu MRes), gan gynnwys:

• Mhres mewn Ecoleg
• PGDip/MSc mewn Cadwraeth a Rheoli Tir.

 

Cymwysterau

Lefel 2:  Diploma mewn Cadwraeth Amgylcheddol Seiliedig ar Waith (FfCCh)

Lefel 3:  Diploma mewn Cadwraeth Amgylcheddol Seiliedig ar Waith (FfCCh)

Beth yw'r gofynion mynediad ar gyfer y llwybr hwn?

Mae gan bob llwybr prentisiaeth yng Nghymru ofynion mynediad. Os oes gennych ddiddordeb mewn dilyn y llwybr hwn – mae angen i chi gael y cymhwyster lefel mynediad canlynol;

Lefel 2

Lefel 2: Nid oes unrhyw ofynion mynediad penodol ar gyfer Prentisiaeth Sylfaen Lefel 2 mewn Cadwraeth Amgylcheddol. Fodd bynnag, bydd rhai cymwysterau neu brofiadau yn helpu dysgwyr i ddeall y sector cyn dechrau, gan gynnwys: Dyfarniad Lefel 1 mewn Sgiliau Amgylcheddol a Chadwraeth Ymarferol

Diploma Lefel 1 mewn Cadwraeth Amgylcheddol Seiliedig ar Waith.

Profiad gwirfoddol yn y diwydiant cadwraeth amgylcheddol.

Wedi gweithio yn y diwydiant o'r blaen, neu'n gweithio yn y diwydiant ar hyn o bryd.

Cymwysterau TGAU.

Lefel 3

Lefel 3:  Mae'r diwydiant cadwraeth amgylcheddol am i'r gofynion mynediad ar gyfer y Brentisiaeth mewn Cadwraeth Amgylcheddol fod yn hyblyg, a gallent gynnwys y canlynol:

- NVQ Lefel 2 mewn Cadwraeth Amgylcheddol

- Diploma Lefel 2 mewn Cadwraeth Amgylcheddol Seiliedig ar Waith

- Dyfarniad Lefel 2 mewn Sgiliau Amgylcheddol a Chadwraeth Ymarferol

- Tystysgrif Lefel 2 mewn Cefn Gwlad a'r Amgylchedd

- Profiad ymarferol yn y diwydiant cadwraeth amgylcheddol

- 3 chymhwyster TGAU (A*-C)/Safon Uwch

ac un o’r canlynol:

- Dyfarniad Lefel 1 mewn Sgiliau Amgylcheddol a Chadwraeth Ymarferol

- Diploma Lefel 1 mewn Cadwraeth Amgylcheddol Seiliedig ar Waith.

Gweld llwybr llawn

---

Diwygiadau dogfennau