Gweinyddiaeth Feddygol

Cynnwys y Rhaglen Ddysgu

Bydd darpariaeth y Rhaglen Ddysgu yn cynnwys tair elfen orfodol:

• Cymwysterau,

• Sgiliau Hanfodol

• Hyfforddiant yn y gwaith / i ffwrdd o'r gwaith

60 credyd yw’r isafswm credydau gofynnol ar gyfer Llwybr Lefel 2 Gweinyddiaeth Feddygol.

70 credyd yw’r isafswm credydau gofynnol ar gyfer Llwybr Lefel 3 Ysgrifennydd Meddygol

Gofynion mynediad

Mae cyflogwyr o'r Sector Iechyd sy'n defnyddio'r fframwaith hwn yn cynnig amrywiaeth  eang o hyfforddiant sgiliau drwy'r llwybrau unigol, ac yn croesawu ymgeiswyr o ystod eang o gefndiroedd amrywiol, ac yn rhagweld y bydd ganddynt ystod eang o brofiad, cyflawniadau a chymwysterau. Gall y broses ddethol gan gyflogwyr (neu mewn partneriaeth â darparwyr dysgu) gynnwys asesiad cychwynnol lle gofynnir i ymgeiswyr a oes ganddynt unrhyw gymwysterau neu brofiad y gellir eu hachredu yn erbyn gofynion y brentisiaeth. Bydd angen i brentisiaid allu cydymffurfio â Gwiriadau Cyn Cyflogi y sefydliad sy'n cyflogi. 

Nid oes angen unrhyw gymwysterau penodol er mwyn cael mynediad i'r fframwaith prentisiaeth hwn. Dylai prentisiaid: 

• Arddangos gwerthoedd sefydliad y cyflogwr
• Dangos brwdfrydedd dros weithio yn y sector iechyd
• Meddu ar sgiliau llythrennedd, rhifedd a chyfathrebu sylfaenol y bydd y brentisiaeth yn adeiladu arnynt
• Bod â lefel addas o ffitrwydd corfforol i gyflawni rhai agweddau ar rolau'r swydd (e.e. cynorthwyo i symud a thrin gwrthrychau difywyd)
• Bod yn barod i dderbyn gwiriadau gan y Gwasanaeth Datgelu a Gwahardd
• Bod yn hyblyg oherwydd gellid bod angen gweithio ar rota. 

Efallai y bydd gan gyflogwyr unigol yn y sector iechyd ofynion mynediad cyflogaeth ychwanegol.

Lefel 2 

Bydd ymgeiswyr i'r Brentisiaeth hon yn dod o wahanol grwpiau oedran, a bydd eu cefndir a'u profiadau'n amrywio. Fel canllaw, gall ymgeiswyr gael mynediad drwy amrywiaeth o lwybrau, gan gynnwys:

• Gwaith (rôl bresennol)

• Profiad gwaith 

• Ysgol 

• Coleg 

• Hyfforddiant a/neu brofiad a allai gynnwys portffolio sy'n dangos yr hyn y maent wedi'i wneud

Efallai y bydd ymgeiswyr eisoes wedi ennill amrywiaeth o gymwysterau e.e:

• Sgiliau Hanfodol Cymru 

• Bagloriaeth Cymru 

• Bagloriaeth Cymru gyda Phrif Ddysgu 

• Dysgu Sylfaenol ar lefel 1 

• Cymwysterau lefel 1 eraill 

• TGAU mewn pynciau cysylltiedig 

Rhinweddau Personol 

Mae cyflogwyr yn chwilio am brentisiaid yn y sector iechyd sy'n arddangos gwerthoedd ac ymddygiadau'r sefydliad sy'n cyflogi ac sydd:

• Yn drefnus ac yn gydwybodol 

• Yn gallu gweithio mewn tîm 

• Yn awyddus ac yn frwdfrydig i weithio yn yr amgylchedd gofal iechyd o'u dewis 

• Yn barod i ddilyn cwrs hyfforddi yn y gwaith ac i ffwrdd o'r gwaith, ac i gymhwyso'r hyn a ddysgir yn y gweithle 

• Yn meddu ar sgiliau llythrennedd, rhifedd a chyfathrebu sylfaenol y bydd y brentisiaeth yn adeiladu arnynt 

• Yn barod i dderbyn Archwiliad Iechyd Galwedigaethol, os yw'r rôl yn gofyn am hynny 

• Yn barod i dderbyn gwiriadau'r Gwasanaeth Datgelu a Gwahardd, os yw'r rôl yn gofyn am hynny (e.e. efallai y bydd angen hyn mewn rolau lle gall y prentisiaid ddod i gysylltiad â phlant, pobl ifanc neu oedolion sy'n agored i niwed) 

• Yn gallu bod yn hyblyg oherwydd gellid bod angen gweithio sifftiau

Mae'n bosibl y bydd gan gyflogwyr unigol yn y sector Gofal Iechyd ofynion mynediad cyflogaeth ychwanegol e.e. y gallu i deithio rhwng gwahanol leoliadau yn dibynnu ar y man lle darperir gwasanaethau.

Lefel 3

Mae’r gofynion mynediad yr un fath â rhai Lefel 3, ond maent hefyd yn cynnwys ymgeiswyr sydd eisoes wedi cyflawni amrywiaeth o gymwysterau o bosib ee:

• Sgiliau Hanfodol Cymru
• Prentisiaeth Lefel 2
• Cymwysterau TGAU
• Cymwysterau Safon Uwch TAG
• Bagloriaeth Cymru
• Bagloriaeth Cymru gyda Phrif Ddysgu
• Cymwysterau lefel 3 perthnasol eraill e.e. BTEC, Lefelau T

Rhinweddau Personol 

Mae cyflogwyr yn chwilio am brentisiaid yn y sector iechyd sy'n arddangos gwerthoedd ac ymddygiadau'r sefydliad sy'n cyflogi ac sydd: 

• Yn drefnus ac yn gydwybodol 

• Yn gallu gweithio mewn tîm 

• Yn awyddus ac yn frwdfrydig i weithio yn yr amgylchedd gofal iechyd o'u dewis 

• Yn barod i ddilyn cwrs hyfforddi yn y gwaith ac i ffwrdd o'r gwaith, ac i gymhwyso'r hyn a ddysgir yn y gweithle 

• Yn meddu ar sgiliau llythrennedd, rhifedd a chyfathrebu sylfaenol y bydd y brentisiaeth yn adeiladu arnynt 

• Yn barod i dderbyn Archwiliad Iechyd Galwedigaethol, os yw'r rôl yn gofyn am hynny 

• Yn barod i dderbyn gwiriadau'r Gwasanaeth Datgelu a Gwahardd, os yw'r rôl yn gofyn am hynny (e.e. efallai y bydd angen hyn mewn rolau lle gall y prentisiaid ddod i gysylltiad â phlant, pobl ifanc neu oedolion sy'n agored i niwed) 

• Yn gallu bod yn hyblyg oherwydd gellid bod angen gweithio sifftiau

Mae'n bosibl y bydd gan gyflogwyr unigol yn y sector Gofal Iechyd ofynion mynediad cyflogaeth ychwanegol e.e. y gallu i deithio rhwng gwahanol leoliadau yn dibynnu ar y man lle darperir gwasanaethau.

Rhaid i brentisiaid sydd am achredu unrhyw ddysgu blaenorol ddewis opsiynau o fewn y Llwybr a fydd yn rhoi sgiliau ac addysg newydd iddynt.

Asesiad Cychwynnol 

Bydd darparwyr hyfforddiant a chyflogwyr yn defnyddio asesiad cychwynnol i sicrhau bod ymgeiswyr yn cael cyfle teg i ddangos eu gallu ac i deilwra rhaglenni dysgu i fodloni anghenion unigol, gan gydnabod cymwysterau a phrofiad blaenorol.

Rhaglen(ni) dd/dysgu'r llwybr prentisiaeth

Lefel 2: Prentisiaeth Sylfaen mewn Gweinyddiaeth Feddygol

Lefel 2: Prentisiaeth Sylfaen mewn Gweinyddiaeth Feddygol Cymwysterau

Rhaid i ddysgwyr gyflawni un o’r cymwysterau cyfunol isod:

Edrychwch ar Atodiad 1 i weld y berthynas rhwng yr unedau cymhwysedd a gwybodaeth o fewn y cymhwyster cyfun.

Sgiliau Hanfodol Cymru (ESW)

Saesneg-Cymraeg yw ieithoedd asesu cymwysterau Sgiliau Hanfodol Cymru

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

Bydd dysgu yn y gwaith yn cynnwys:

Diploma Lefel 2 Agored Cymru mewn Gweinyddiaeth Feddygol

Bydd tystiolaeth i gefnogi'r cais am dystysgrif cwblhau prentisiaeth ar gyfer hyfforddiant yn y gwaith yn cynnwys copi o'r dystysgrif cymhwyso ar gyfer un o'r cymwysterau uchod ac arni'r unedau a gwblhawyd.

Bydd dysgu i ffwrdd o'r gwaith yn cynnwys: 

Lefel 1 Sgiliau Cyfathrebu Hanfodol

Lefel 1 Sgiliau Cymhwyso Rhif Hanfodol 

Lefel 1 Sgiliau Llythrennedd Digidol Hanfodol

Gall hyfforddiant i ffwrdd o'r gwaith a gyflawnwyd cyn i'r prentis ddechrau ei brentisiaeth gyfrif tuag at yr hyfforddiant i ffwrdd o'r gwaith sy'n ofynnol ar gyfer y brentisiaeth, os cyflawnwyd yr hyfforddiant hwnnw'n gysylltiedig â chymhwyster achrededig sydd wedi'i gynnwys yn y fframwaith y gwneir cais am dystysgrif cwblhau ar ei gyfer.

Bydd tystiolaeth i gefnogi'r cais am dystysgrif cwblhau prentisiaeth ar gyfer hyfforddiant i ffwrdd o'r gwaith yn cynnwys copi o'r dystysgrif cymhwyso ar gyfer pob un o'r cymwysterau uchod ac arni'r unedau a gwblhawyd.

Disgwylir y bydd: 

• Oriau hyfforddi yn y gwaith ac i ffwrdd o'r gwaith, y naill a'r llall, wedi'u cynllunio, eu hadolygu a'u gwerthuso ar y cyd rhwng y prentis a thiwtor, neu athro, goruchwylydd neu reolwr yn y gweithle a, lle bo'n berthnasol, hyfforddwr neu fentor y prentis.

• Cefnogaeth hyfforddi yn y gwaith ac i ffwrdd o'r gwaith, naill ai drwy diwtor, athro, mentor neu reolwr yn cael ei darparu os oes angen hynny ar y prentis.
• Bydd oriau hyfforddi yn y gwaith ac i ffwrdd o'r gwaith yn cael eu darparu drwy un neu fwy o'r dulliau canlynol: addysgu unigol ac mewn grŵp; e-ddysgu; dysgu o bell; hyfforddi; mentora; adborth ac asesu; dysgu cydweithredol/rhwydweithiol gyda chymheiriaid; astudiaeth dan arweiniad.

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd  / 45 GLH Lefel 1 Sgiliau Cyfathrebu Hanfodol
• 6 chredyd  / 45 GLH Lefel 1 Sgiliau Cymhwyso Rhif Hanfodol
• 6 chredyd  / 45 GLH Lefel 1 Sgiliau Llythrennedd Digidol Hanfodol

Lefel 3: Prentisiaeth Sylfaen mewn Gweinyddiaeth Feddygol

Lefel 3: Prentisiaeth Sylfaen mewn Gweinyddiaeth Feddygol Cymwysterau

Rhaid i ddysgwyr gyflawni’r cymhwyster cyfun isod.

Edrychwch ar Atodiad 2 i weld y berthynas rhwng yr unedau cymhwysedd a gwybodaeth o fewn y cymhwyster cyfun.

Sgiliau Hanfodol Cymru (ESW)

Saesneg-Cymraeg yw ieithoedd asesu cymwysterau Sgiliau Hanfodol

Am wybodaeth am gymwysterau eraill sy'n dderbyniol ar gyfer dysgu blaenorol cydnabyddedig, gweler y Cymwysterau Procsi ar gyfer Lefel 2 a Lefel 3   

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

Bydd dysgu yn y gwaith yn cynnwys: 

Diploma Lefel 3 Agored Cymru ar gyfer Ysgrifenyddion Meddygol 

Bydd tystiolaeth i gefnogi'r cais am dystysgrif cwblhau prentisiaeth ar gyfer hyfforddiant yn y gwaith yn cynnwys copi o'r dystysgrif cymhwyso ar gyfer un o'r cymwysterau uchod ac arni'r unedau a gwblhawyd.

Bydd dysgu i ffwrdd o'r gwaith yn cynnwys: 

Lefel 2 Sgiliau Cyfathrebu Hanfodol

Lefel 2 Sgiliau Cymhwyso Rhif Hanfodol

Lefel 2 Sgiliau Llythrennedd Digidol Hanfodol

Gall hyfforddiant i ffwrdd o'r gwaith a gyflawnwyd cyn i'r prentis ddechrau ei brentisiaeth gyfrif tuag at yr hyfforddiant i ffwrdd o'r gwaith sy'n ofynnol ar gyfer y brentisiaeth, os cyflawnwyd yr hyfforddiant hwnnw'n gysylltiedig â chymhwyster achrededig sydd wedi'i gynnwys yn y fframwaith y gwneir cais am dystysgrif cwblhau ar ei gyfer.

Bydd tystiolaeth i gefnogi'r cais am dystysgrif cwblhau prentisiaeth ar gyfer hyfforddiant i ffwrdd o'r gwaith yn cynnwys copi o'r dystysgrif cymhwyso ar gyfer pob un o'r cymwysterau uchod ac arni'r unedau a gwblhawyd.

Disgwylir y bydd:

Oriau hyfforddi yn y gwaith ac i ffwrdd o'r gwaith, y naill a'r llall, wedi'u cynllunio, eu hadolygu a'u gwerthuso ar y cyd rhwng y prentis a thiwtor, neu athro, goruchwylydd neu reolwr yn y gweithle a, lle bo'n berthnasol, hyfforddwr neu fentor y prentis.

Cefnogaeth hyfforddi yn y gwaith ac i ffwrdd o'r gwaith, naill ai drwy diwtor, athro, mentor neu reolwr yn cael ei darparu os oes angen hynny ar y prentis.

Bydd oriau hyfforddi yn y gwaith ac i ffwrdd o'r gwaith yn cael eu darparu drwy un neu fwy o'r dulliau canlynol: addysgu unigol ac mewn grŵp; e-ddysgu; dysgu o bell; hyfforddi; mentora; adborth ac asesu; dysgu cydweithredol/rhwydweithiol gyda chymheiriaid; astudiaeth dan arweiniad.

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd / 45 GLH Lefel 2 Sgiliau Cyfathrebu Hanfodol
• 6 chredyd / 45 GLH Lefel 2 Sgiliau Cymhwyso Rhif Hanfodol
• 6 chredyd / 45 GLH Lefel 2 Sgiliau Llythrennedd Digidol Hanfodol

Gofynion eraill ychwanegol

Mae'n ofynnol i brentisiaid: 

• fod yn barod i dderbyn gwiriadau gan y Gwasanaeth Datgelu a Gwahardd (mae angen hyn oherwydd gallai prentisiaid ddod i gysylltiad â phlant, pobl ifanc neu oedolion sy'n agored i niwed) 

• bod yn hyblyg oherwydd gellid bod angen gweithio sifftiau 

 • Cydymffurfio â gwiriadau cyn cyflogaeth y sefydliad sy’n cyflogi

Rolau swydd

Lefel 2 Gweinyddiaeth Feddygol

Lefel 3 Diploma Ysgrifennydd Meddygol

Dilyniant

Lefel 2

Llwybrau dilyniant i'r brentisiaeth 

Gweler y gofynion mynediad

Dilyniant o'r Brentisiaeth 

Gall dysgwyr symud ymlaen o'r fframwaith hwn i gymwysterau pellach sy'n benodol i'w cyd-destun o ran gwaith. Mae ystod eang o gymwysterau ar gael i'w defnyddio o fewn y sector iechyd. Gall y rhain gynnwys llwybrau pellach o fewn y fframwaith hwn (e.e. Ysgrifennydd Meddygol Lefel 3) neu ddefnyddio fframweithiau prentisiaeth eraill (e.e. Rheoli Gofal Iechyd o fewn y fframwaith Cymorth Gofal Iechyd). 

Ni ddylid ystyried dilyniant fel rhywbeth fertigol yn unig. Mewn rhai achosion, gall symud ymlaen i rôl arall ar yr un lefel fod yr un mor fuddiol, gan fod hynny'n cynnig cyfle i ddatblygu sgiliau a gwybodaeth newydd. 

Mae llawer o brentisiaid gofal iechyd yn cwblhau eu prentisiaethau ac yn parhau i weithio mewn rolau gysylltiedig a'r unedau y maent wedi'u dewis o fewn eu cymhwyster cymhwyso. 

Efallai y bydd eraill yn dymuno symud i rôl glinigol a gallant ddewis dilyn cymhwyster neu brentisiaeth glinigol (e.e. Lefel 2 neu 3 mewn Cymorth Gofal Iechyd Clinigol). 

Mae rhagor o wybodaeth fanwl a chyngor ar yrfaoedd o fewn y sector iechyd ar gael yn http://www.wales.nhs.uk/

Lefel 3

Llwybrau dilyniant i'r brentisiaeth 

Gweler y gofynion mynediad

Dilyniant o'r Brentisiaeth 

Gall dysgwyr symud ymlaen o'r llwybr hwn i Brentisiaeth Lefel 4 neu symud ymlaen i gymwysterau pellach sy'n benodol i gyd-destun eu gwaith. Mae ystod eang o gymwysterau ar gael i'w defnyddio o fewn y sector iechyd.Gall y rhain gynnwys cymwysterau pellach, amrywiaeth o gymwysterau addysg uwch neu addysg a hyfforddiant arall sy'n gysylltiedig â gwaith i gefnogi Datblygiad Proffesiynol Parhaus. Mae fframweithiau rheoli ychwanegol ar gael ar lefelau uwch.

Ni ddylid ystyried dilyniant fel rhywbeth fertigol yn unig. Mewn rhai achosion, gall symud ymlaen i rôl arall ar yr un lefel fod yr un mor fuddiol, gan fod hynny'n cynnig cyfle i ddatblygu sgiliau a gwybodaeth newydd.

Bydd llawer o Brentisiaid yn cwblhau eu prentisiaethau ac yn parhau i weithio o fewn eu rolau, gydag Ymarferwyr sy'n gweithio ochr yn ochr â nhw yn dirprwyo cyfrifoldebau iddynt. Gall hyn gynnwys hyfforddi a goruchwylio aelodau eraill y tîm.

Mae rhagor o wybodaeth fanwl a chyngor ar yrfaoedd o fewn y sector iechyd ar gael yn http://www.wales.nhs.uk/

Cydraddoldeb ac Amrywiaeth

Mae'n bwysig bod Llwybrau prentisiaeth yn gynhwysol ac yn gallu dangos dull gweithredol o nodi a chael gwared ar ffactorau sy'n atal mynediad a chynnydd. Dylai Llwybrau hyrwyddo cyfle cyfartal rhwng unigolion sydd â nodweddion gwarchodedig a'r rhai heb y nodweddion hynny, fel y nodir yn Neddf Cydraddoldeb 2010.

Y nodweddion gwarchodedig a nodir yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, beichiogrwydd a mamolaeth. Mae priodas a phartneriaeth sifil hefyd wedi'u cynnwys, ond dim ond yng nghyswllt y gofyniad i gael gwared ar wahaniaethu mewn cyflogaeth.

RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall dan Ddeddf Cydraddoldeb 2010 i sicrhau nad ydynt yn gwahaniaethu yn erbyn ymgeiswyr o ran mynediad i'r diwydiant ar sail y naw nodwedd warchodedig hynny.

Cyfrifoldebau a hawliau cyflogaeth (CHC)

Nid yw Cyfrifoldebau a Hawliau Cyflogaeth (CHC) yn orfodol mwyach.  Ond argymhellir bod pob prentis (yn enwedig y grŵp 16-18 oed) yn dilyn rhaglen sefydlu yn y cwmni.

Cyfrifoldebau

Cyfrifoldeb y Darparwr Hyfforddiant a'r Cyflogwr yw sicrhau bod gofynion y Llwybr hwn yn cael eu cyflawni’n unol â Chanllawiau Llywodraeth Cymru/Medr ar Brentisiaethau.

Gellir cael rhagor o wybodaeth gan: Medr

Diwygiadau dogfennau