- Framework:
- Newyddiaduraeth
- Lefel:
- 5
Mae rôl Newyddiadurwr yn cynnwys dod o hyd i straeon, ymchwilio iddynt a’u hadrodd ar amryw blatfformau gan gynnwys ar-lein, darlledu ac mewn print.
Opsiynau a lefelau llwybrau
Newyddiaduraeth - Lefel 5
Yn cefnogi rôl Newyddiadurwr
Mwy o wybodaeth
Hyd
Lefel 5: 18 mis
Llwybrau dilyniant
Bydd cwblhau’r brentisiaeth Newyddiaduraeth yn llwyddiannus yn agor amrywiaeth eang o yrfaoedd gyda darlledwyr, cyhoeddiadau ar-lein, cylchgronau. Bydd rhai’n newyddion cyffredinol ond mae llawer o gyfleoedd gyda chyhoeddiadau diddordeb arbennig, sy’n amrywio o gyllid i chwaraeon penodol, hobïau, diddordeb teuluol – mae’r rhestr bron yn ddiddiwedd. Bydd teitlau swyddi’n amrywio rhwng sectorau a chyflogwyr.
Ar ôl cwblhau’r rhaglen hon, gall prentis ddisgwyl treulio amser yn cyfnerthu ac yn ymarfer eu sgiliau am gyfnod cyn camu ymlaen yn eu gyrfa.
Gellid camu ymlaen, ymhen amser, i swyddi rheoli iau, gan ddal i gyfuno hynny â dyletswyddau newyddiadurol, neu fel arbenigwyr. Daw golygyddion fel rheol o blith ymgeiswyr sydd wedi llwyddo yn y diwydiant ar ôl dechrau fel newyddiadurwyr iau.
Cymwysterau
Diploma Lefel 5 mewn Newyddiaduraeth
Beth yw'r gofynion mynediad ar gyfer y llwybr hwn?
Mae gan bob llwybr prentisiaeth yng Nghymru ofynion mynediad. Os oes gennych ddiddordeb mewn dilyn y llwybr hwn – mae angen i chi gael y cymhwyster lefel mynediad canlynol;
Lefel 5
Bydd angen i newydd-ddyfodiaid fod ag ymrwymiad cryf i fod yn newyddiadurwr. Bydd yn rhaid iddynt allu defnyddio iaith yn effeithiol i'w mynegi eu hunain ar lafar ac yn ysgrifenedig. Mae cyflogwyr yn chwilio am staff gweithgar a hyblyg, sy'n teimlo angerdd gwirioneddol i "adrodd y newyddion"
Un o'r amodau sylfaenol er mwyn cael mynediad i'r brentisiaeth hon yw cred cyflogwyr a darparwyr hyfforddiant yng ngallu'r ymgeisydd i ddysgu a meithrin ei sgiliau gan ddangos ymrwymiad i'r swydd bob amser.
Yn ogystal â hynny, dylai prentisiaid feddu ar y canlynol:
5 TGAU (neu gyfwerth) ar Radd C neu'n uwch;
agwedd weithgar;
meddwl ymholgar;
diddordeb byw mewn materion cyfoes;
gallu i ysgrifennu a defnyddio geiriau'n fanwl gywir ac effeithiol;
dyfalbarhad a phenderfyniad; a
pharodrwydd i dderbyn oriau anghymdeithasol
Efallai y bydd gan gyflogwyr unigol ofynion ychwanegol, ee:
trwydded yrru gyfredol;
gallu defnyddio cyfrifiadur yn effeithiol.
Efallai y bydd rhai cyflogwyr yn gofyn am sgiliau Cymraeg, neu y bydd angen hynny ar gyfer rhai swyddi penodol. Gallai rhugledd yn y Gymraeg fod yn fanteisiol.
Gweld llwybr llawn