Treftadaeth Ddiwylliannol

Mae Sgiliau Creadigol a Diwylliannol wedi cytuno ar gynnwys y Llwybr hwn. Dyma'r unig Lwybr Prentisiaeth yn y sector Creadigol, Dylunio a'r Cyfryngau a gymeradwywyd i'w ddefnyddio yng Nghymru, ac sy'n gymwys i dderbyn cyllid gan Medr.

DYDDIAD CYHOEDDI: 23/09/25 ACW Fframwaith Rhif. FR03494

Cynnwys y Rhaglen Ddysgu

Bydd darpariaeth y Rhaglen Ddysgu yn cynnwys tair elfen orfodol:

Cymwysterau,
Sgiliau Hanfodol
Hyfforddiant yn y gwaith/i ffwrdd o'r gwaith

55 credyd yw'r isafswm credyd gofynnol ar gyfer Llwybr Lefel 5 Rheoli Treftadaeth Ddiwylliannol

Gofynion mynediad

Lefel 5

Mae nifer y bobl ifanc sy'n ymuno â'r sector hwn a chanddynt ddiddordeb mewn treftadaeth ddiwylliannol, neu allu yn y maes, yn brin. Mae cyflogwyr yn ceisio ehangu'r gronfa o recriwtiaid newydd posibl i dreftadaeth ddiwylliannol, a chreu ffordd arall o gael mynediad i'r sector ac i symud ymlaen ynddo.

Mae gan gyflogwyr ddiddordeb arbennig mewn rhai sy'n arddangos diddordeb brwd mewn gweithio yn y sector, a chanddynt ddiddordeb mewn treftadaeth ddiwylliannol, amgueddfeydd a chasgliadau.

Gallai ymgeiswyr fod wedi ennill y Brentisiaeth Lefel 3 mewn Gweithrediadau Lleoliad Diwylliannol a Threftadaeth neu gymwysterau perthnasol eraill, neu feddu ar brofiad blaenorol sy'n brawf o'r uchod.

Fodd bynnag, bydd darparwyr hyfforddiant a chyflogwyr yn defnyddio asesiad cychwynnol i sicrhau bod ymgeiswyr yn cael cyfle teg i arddangos unrhyw ddiddordebau neu allu. Bydd rhaglenni wedyn yn cael eu teilwra i fodloni anghenion unigol, gan gydnabod unrhyw gymwysterau ac/neu brofiad blaenorol.

Rhaglen(ni) dd/dysgu'r llwybr prentisiaeth

Lefel 5: Rheoli Treftadaeth Ddiwylliannol

Lefel 5: Rheoli Treftadaeth Ddiwylliannol Cymwysterau

Mae'n rhaid i'r cyfranogwyr ennill y cymwysterau cymhwysedd a gwybodaeth isod.

Lefel 5 Tystysgrif mewn Rheoli Casgliadau Proffesiynol
Corff Dyfarnu	Rhif y Cymhwyster	Gwerth Credyd	Cyfanswm Amser y Cymhwyster	Cymhwysedd / Gwybodaeth / Cyfun	Iaith/Ieithoedd Asesu'r Cymhwyster
Agored Cymru	C00/0683/8 601/4822/6	23	230	Gwybodaeth	Saesneg-Cymraeg

Lefel 4 Tystysgrif mewn Rheoli Treftadaeth Ddiwylliannol
Corff Dyfarnu	Rhif y Cymhwyster	Gwerth Credyd	Cyfanswm Amser y Cymhwyster	Cymhwysedd / Gwybodaeth / Cyfun	Iaith/Ieithoedd Asesu'r Cymhwyster
Agored Cymru	C00/0684/0 601/4824/X	20	200	Cyfun	Saesneg-Cymraeg

Sgiliau Hanfodol Cymru (ESW)

Lefel 5: Rheoli Treftadaeth Ddiwylliannol	Lefel	Isafswm Gwerth Credyd
Cyfathrebu	2	6
Cymhwyso Rhif	2	6

Asesir cymwysterau Sgiliau Hanfodol Cymru yn Gymraeg ac yn Saesneg.

Hyfforddi yn y gwaith / i ffwrdd o'r gwaith

Llwybr	Isafswm Oriau Hyfforddi yn y Gwaith	Isafswm Oriau Hyfforddi i Ffwrdd o'r Gwaith
Lefel 5: Rheoli Treftadaeth Ddiwylliannol	38	228

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

Cymhwyster Cymhwysedd - 23 credyd

Cymhwyster Gwybodaeth - 20 Credyd

266 yw cyfanswm yr oriau hyfforddi yn y gwaith ac i ffwrdd o'r gwaith ar gyfer y rhaglen 18 mis

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

6 chredyd/60 GLH Lefel 2 Cyfathrebu Sgiliau Hanfodol Cymru
6 chredyd/60 GLH Lefel 2 Cymhwyso Rhif Sgiliau Hanfodol Cymru

Gofynion eraill ychwanegol

Gallai'r Brentisiaeth gynnwys gweithio gyda phlant/pobl ifanc ac/neu oedolion agored i niwed, felly bydd yn rhaid i ddechreuwyr fod yn barod i dderbyn gwiriad y Swyddfa Cofnodion Troseddol (DBS).

Dilyniant

Lefel 5: Rheoli Treftadaeth Ddiwylliannol

Gellir defnyddio amrywiaeth o lwybrau i symud ymlaen i'r Brentisiaeth Lefel 5 Rheoli Treftadaeth Ddiwylliannol, gan gynnwys:

Prentisiaeth Lefel 3 mewn Gweithrediadau Lleoliad Diwylliannol a Threftadaeth
Diploma Lefel 3 mewn Treftadaeth Ddiwylliannol
Gwaith neu brofiad blaenorol - gan gynnwys portffolio o dystiolaeth
Cymwysterau cyffredinol neu alwedigaethol yn gysylltiedig â'r math hwn o waith, neu'n berthnasol iddo.

Gall dilyniant o Brentisiaeth Lefel 5 mewn Rheoli Treftadaeth Ddiwylliannol gynnwys:

Rhaglenni Addysg Uwch ar Lefel 6 ac uwch.
Rhaglenni heb eu hachredu a datblygiad neu hyfforddiant proffesiynol parhaus

Swyddi

Dyma rolau penodol y gellid eu cyflawni ar ôl cwblhau'r fframwaith hwn:

Cynorthwyydd Curadurol
Cynorthwyydd Casgliadau

Am ragor o wybodaeth am yrfaoedd yn y diwydiannau creadigol a diwylliannol, ewch i: www.creativechoices.co.uk/

Cydraddoldeb ac Amrywiaeth

Mae'n bwysig bod Llwybrau prentisiaeth yn gynhwysol ac yn gallu dangos sut i fynd ati’n weithredol i nodi a chael gwared â ffactorau sy'n atal mynediad a dilyniant. Dylai llwybrau hyrwyddo cyfle cyfartal rhwng unigolion a chanddynt nodweddion gwarchodedig a'r rhai nad oes ganddynt y nodweddion hynny, fel y nodir yn Neddf Cydraddoldeb 2010.

Y nodweddion gwarchodedig a nodwyd yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, Beichiogrwydd a mamolaeth. Mae priodas a phartneriaeth sifil hefyd wedi'u cynnwys, ond dim ond yng nghyswllt y gofyniad i gael gwared â gwahaniaethu mewn cyflogaeth.

Mae'n RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall o dan Ddeddf Cydraddoldeb 2010 i sicrhau na wahaniaethir yn erbyn ymgeiswyr yn nhermau mynediad i'r diwydiant ar sail y naw o nodweddion gwarchodedig hynny.

Mae tua hanner y gweithlu, sy'n Wyn yn bennaf (93%), yn fenywod ac mae ychydig dros hanner y gweithlu dros 40 oed. Mae tystiolaeth anecdotaidd yn awgrymu'n gryf bod pobl o gefndiroedd dosbarth gweithiol a phobl anabl hefyd yn cael eu tangynrychioli'n sylweddol.

Dyma'r rhesymau pennaf am hyn:

gwybodaeth a dealltwriaeth dameidiog ynghylch sut i fynd ati'n ymarferol i sicrhau amrywiaeth o fewn y gweithlu, ee drwy gynlluniau gweithredu cadarnhaol a thrwy newid arferion recriwtio.
ceir tuedd o fewn y sector i recriwtiaid newydd ddechrau gweithio heb gyflog neu ar gyflog isel am hyd at ddwy flynedd mewn rhai achosion, felly gall hyn gyfyngu ar gyfleoedd i bobl o gefndiroedd sydd dan anfantais o safbwynt economaidd-gymdeithasol.
diffyg gwybodaeth dda am yrfaoedd i ddangos ystod a chwmpas y swyddi o fewn y sector
delwedd wael o'r sector a phrinder esiamplau amrywiol, a waethygir gan gyswllt cyfyngedig gyda grwpiau wedi'u tangynrychioli
diffyg data manwl gywir ar gyfansoddiad gweithlu'r sector treftadaeth ddiwylliannol.

Dyma gamau allweddol â blaenoriaeth i'r sector Treftadaeth Ddiwylliannol:

Prif Gymhwyster Dysgu Bagloriaeth Cymru ar gyfer y Cyfryngau a'r Diwydiannau Creadigol, sydd wedi bod yn codi ymwybyddiaeth mewn ysgolion
Mynd ati'n weithredol i herio'r diwylliant o brofiad gwaith di-dâl sydd i'w weld yn amlwg yn y diwydiannau creadigol a diwylliannol, a chreu dewisiadau gwell i fwy o bobl. Roedd Prentisiaethau Creadigol yn llwybr amgen newydd sbon i'r diwydiannau creadigol, yn llwybr sy'n seiliedig ar allu a photensial, yn hytrach nag ar hanes academaidd neu gefndir cymdeithasol a chysylltiadau. Aethom ati i greu ymchwydd o gefnogaeth drwy weithgarwch ymgysylltu ac ymgyrchu wedi'i dargedu, er mwyn dangos sut y gallai prentisiaethau weithio er budd dysgwyr a chyflogwyr, y naill a'r llall.
Mae gwefan gyrfaoedd Creative Choices yn cynnig gwybodaeth a chyngor am yrfaoedd, rhestrau o gyfleoedd hyfforddi, astudiaethau achos ar gyfer gweithio yn y diwydiant, mynediad at rwydweithiau a mentora - http://www.creative-choices.co.uk/
Mynd ati'n weithredol i herio'r diwylliant o brofiad gwaith di-dâl sydd i'w weld yn amlwg yn y diwydiannau creadigol a diwylliannol, a chreu dewisiadau gwell i fwy o bobl. Roedd Prentisiaethau Creadigol yn llwybr amgen newydd sbon i'r diwydiannau creadigol, yn llwybr sy'n seiliedig ar allu a photensial, yn hytrach nag ar hanes academaidd neu gefndir cymdeithasol a chysylltiadau. Aethom ati i greu ymchwydd o gefnogaeth drwy weithgarwch ymgysylltu ac ymgyrchu wedi'i dargedu, er mwyn dangos sut y gallai prentisiaethau weithio er budd dysgwyr a chyflogwyr, y naill a'r llall.

Mae'r Cynllun Gweithredu Sgiliau Creadigol a Diwylliannol yn cynnwys y pwyntiau canlynol:

cyflwyno'r achos busnes dros amrywiaeth
arddangos arweinyddiaeth ac ymrwymiad at amrywiaeth ar bob lefel o fewn sefydliadau, gan gynnwys byrddau
sicrhau bod yr agenda amrywiaeth yn cael ei hystyried yn bwysig ar draws y gweithlu, gan gynnwys gwirfoddolwyr a lleoliadau
creu ymwybyddiaeth gynnar o yrfaoedd ym maes treftadaeth ddiwylliannol drwy sicrhau mwy o gyfleoedd i grwpiau gwahanol ymgysylltu â'r sector:
lledaenu gwybodaeth ynghylch sut i greu mwy o amrywiaeth o fewn y gweithlu
datblygu gwybodaeth ac adnoddau gyrfaoedd newydd ar gyfer y sector - cynyddu'r defnydd o adnoddau'r we, fel Creative Choices gan Sgiliau Creadigol a Diwylliannol www.creative-choices.co.uk

Mae recriwtio gweithlu amrywiol - taledig a gwirfoddol - yn esgor ar fanteision uniongyrchol o ran busnes: mae'n sicrhau bod gan sefydliadau weithlu sy'n adlewyrchu'r cymunedau y maent yn eu gwasanaethu, gan eu helpu i ddeall eu cwsmeriaid yn well fel y gallant sicrhau bod eu gwasanaethau'n diwallu anghenion y gymuned gyfan.

Ystyrir bod prentisiaethau yn llwybr hanfodol i hyrwyddo ac annog amrywiaeth fwy o unigolion i ymuno â'r diwydiant, er mwyn herio'r duedd tuag at dderbyn graddedigion.

Mae'r amodau mynediad i'r Fframwaith hwn felly'n eithriadol o hyblyg, ac mae mentora wedi'i gynnwys i gynnig cymorth ychwanegol a chynyddu'r tebygolrwydd y bydd prentisiaid yn cwblhau'r Brentisiaeth yn llwyddiannus.

Drwy ei Grŵp Cymwysterau a Phrentisiaethau a arweinir gan gyflogwyr, bydd Sgiliau Creadigol a Diwylliannol yn monitro'r rhai sy'n manteisio ar yr holl Brentisiaethau ac yn eu cwblhau, ac yn cymryd camau i fynd i'r afael ag unrhyw rwystrau sy'n atal pobl rhag manteisio arnynt a'u cyflawni yn rhan o'n Strategaeth Cymwysterau Sector.

Cyfrifoldebau a hawliau cyflogaeth (CHC)

Nid yw Cyfrifoldebau a Hawliau Cyflogaeth (CHC) yn orfodol mwyach. Ond argymhellir bod pob prentis (yn enwedig y grŵp 16-18 oed) yn derbyn rhaglen sefydlu yn y cwmni.

Cyfrifoldebau

Cyfrifoldeb Darparydd yr Hyfforddiant a'r Cyflogwr yw sicrhau bod gofynion y Llwybr hwn yn cael eu bodloni yn unol â Chanllawiau Prentisiaethau Llywodraeth Cymru/Medr.

Gellir cael rhagor o wybodaeth gan: Medr

Diwygiadau dogfennau

19 Tachwedd 2021

23 Medi 2025 - By Nicola Beasley Level 3 removed