Datblygu a Chefnogi Datrysiadau TG

Cynnwys y Rhaglen Ddysgu

Bydd darpariaeth y Rhaglen Ddysgu yn cynnwys tair elfen orfodol:

• Cymwysterau,
• Sgiliau Hanfodol
• Hyfforddiant yn y gwaith/i ffwrdd o'r gwaith

Yr isafswm credyd gofynnol ar gyfer:

Lefel 3 - Datblygu a Chefnogi Datrysiadau TG yw 114 credyd.

Lefel 4 - Datblygu a Chefnogi Datrysiadau TG yw 168 credyd.

Gofynion mynediad

Lefel 3: Datblygu a Chefnogi Datrysiadau TG

Dylai dysgwyr feddu ar gymwysterau (neu brofiad cyfatebol) ar yr un lefelau â'r dyfarniad neu ychydig yn is na'r dyfarniad. Er enghraifft, efallai y bydd gan ymgeiswyr gymhwyster FfCChC ar lefelau 2, 3 neu 4. Yn benodol, byddai cymwysterau ar y lefelau hyn mewn Mathemateg yn fanteisiol.

Fel arall, gall ymgeisydd fod wedi cwblhau Prentisiaeth yn llwyddiannus ar Lefel 2 neu 3 FfCChC. Nid yw'n ofyniad llym bod yn rhaid i ddysgwyr feddu ar gymwysterau Cyfrifiadura neu TG cyn dilyn y llwybr hwn, ond oherwydd gofynion gwybyddol y cymhwyster tanategol, mae'n annhebygol y bydd ymgeiswyr yn llwyddo i gwblhau'r llwybr heb rywfaint o wybodaeth am gyfrifiaduron a phrofiad ohonynt ac/neu brawf o sgiliau deallusol ar lefel briodol.

Mae mwyafrif y cyflogwyr yn y maes hwn yn gofyn am ymgeiswyr sydd:

• yn ddysgwyr rhagweithiol, cyflym;
• yn gallu gweithio mewn tîm ac weithiau ar eu pen eu hunain, yn gallu canolbwyntio ar helpu cwsmeriaid a chydweithwyr i ganfod atebion i broblemau
• yn gallu gweithio'n rhesymegol ac fesul cam, yn aml o dan bwysau yn erbyn dyddiadau terfyn llym
• yn gallu gwneud yr hyn sydd ei angen, pan fo angen
• yn agored i newid ac yn canolbwyntio ar ofynion y busnes ar bob achlysur

 Dylai ymgeiswyr fod â diddordeb brwd mewn technolegau digidol a rhywfaint o brofiad o adeiladu a chynnal presenoldeb ar y we.

Lefel 4: Datblygu a Chefnogi Datrysiadau TG

Yn ogystal â'r gofynion mynediad Cyffredinol, bydd angen i ymgeiswyr sydd am gael mynediad i Brentisiaeth Uwch fod wedi cyflawni un o'r canlynol:

• Cymwysterau Safon Uwch, neu gyrhaeddiad addysgol cyfwerth, gan gynnwys y Diploma TG Lefel 3
• Bagloriaeth Cymru neu'r Fagloriaeth Ryngwladol neu Dystysgrif Dechnegol Lefel 3 berthnasol.
• Prentisiaeth (Lefel 3)
• Cyflogaeth o fewn y diwydiant technoleg/telathrebu ers rhai blynyddoedd, ac wedi dangos i'w gyflogwr y gellir disgwyl yn rhesymol iddo gyflawni deilliannau gofynnol y Brentisiaeth Uwch. Gellir ategu hyn drwy dystiolaeth neu ddangos ei fod wedi cyflawni neu berfformio yn y rôl cyn cychwyn y Brentisiaeth Uwch.

Dylai darpar brentisiaid gofio bod Prentisiaeth Uwch yn cyfuno heriau addysg lefel uwch â chyflogaeth amser llawn, a dylent fod yn barod am fwy o waith astudio, a hynny ar lefel uwch, nag a gafwyd yn y Brentisiaeth neu mewn unrhyw gymhwyster arall Lefel 3.

Rhaglen(ni) dd/dysgu'r llwybr prentisiaeth

Lefel 3: Datblygu a Chefnogi Datrysiadau TG

Lefel 3: Datblygu a Chefnogi Datrysiadau TG Cymwysterau

Mae'n rhaid i gyfranogwyr ennill y cymhwyster cyfun isod.

Gweler Atodiad 1 am y berthynas rhwng yr unedau cymhwysedd a gwybodaeth o fewn y cymhwyster cyfun.

Sgiliau Hanfodol Cymru (ESW)

Asesir cymwysterau Sgiliau Hanfodol Cymru yn Gymraeg ac yn Saesneg.

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

96 credyd ar gyfer cymhwysedd a gwybodaeth -  Diploma Lefel 3 Agored Cymru mewn Datblygu Datrysiadau TG (Cyfun).

600 yw cyfanswm yr oriau dysgu  ar gyfer y Brentisiaeth Datblygu a Chefnogi Datrysiadau TG, sy'n cynnwys hyfforddiant yn y gwaith ac i ffwrdd o'r gwaith.

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd / 60 GLH Lefel 2 Cyfathrebu Sgiliau Hanfodol Cymru
• 6 chredyd / 60 GLH Lefel 2 Cymhwyso Rhif Sgiliau Hanfodol Cymru
• 6 chredyd / 60 GLH Lefel 2 Llythrennedd Digidol Sgiliau Hanfodol Cymru

Lefel 4: Datblygu a Chefnogi Datrysiadau TG

Lefel 4: Datblygu a Chefnogi Datrysiadau TG Cymwysterau

Mae'n rhaid i gyfranogwyr gwblhau'r cymwysterau cyfun isod.

Gweler Atodiad 2 am y berthynas rhwng yr unedau cymhwysedd a gwybodaeth o fewn y cymhwyster cyfun.

Sgiliau Hanfodol Cymru (ESW)

Asesir cymwysterau Sgiliau Hanfodol Cymru yn Gymraeg ac yn Saesneg.

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

150 credyd ar gyfer cymhwysedd a gwybodaeth - Diploma Lefel 4 Agored Cymru mewn Datblygu Datrysiadau TG (Cyfun).

1500 yw cyfanswm yr oriau dysgu ar gyfer y Brentisiaeth Uwch Datblygu a Chefnogi Datrysiadau TG, sy'n cynnwys hyfforddiant yn y gwaith ac i ffwrdd o'r gwaith.

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd / 60 GLH Lefel 3 Cyfathrebu Sgiliau Hanfodol Cymru
• 6 chredyd / 60 GLH Lefel 3 Cymhwyso Rhif Sgiliau Hanfodol Cymru
• 6 chredyd / 60 GLH Lefel 3 Llythrennedd Digidol Sgiliau Hanfodol Cymru

Gofynion eraill ychwanegol

Amh

Dilyniant

Dilyniant o'r Brentisiaeth Lefel 3 hon mewn : Datblygu a Chefnogi Datrysiadau TG

Mae'r Rhaglen Brentisiaeth Lefel 3 yn cynnig cyfle i brentisiaid llwyddiannus gael astudio ymhellach a mynd rhagddynt i ddilyn rhaglen gradd gysylltiedig. Gallent ddewis gradd Baglor, gradd Sylfaen, cymhwyster Cenedlaethol Uwch neu gymhwyster lefel uwch arall. Gall prentisiaid hefyd ddewis parhau o fewn eu rôl swydd a dysgu drwy ddilyn hyfforddiant a chymwysterau technegol, busnes neu reoli ychwanegol.

Bydd prentisiaid sydd wedi cwblhau rhaglen brentisiaeth Lefel 3 yn aml wedi symud ymlaen o fewn eu gyrfa i swydd arweinydd tîm neu lefel uwch, gan ddefnyddio eu harbenigedd technegol cynyddol - a llywio a hyfforddi eraill o fewn y sefydliad.

Dilyniant o'r Brentisiaeth Lefel 4 hon mewn Datblygu a Chefnogi Datrysiadau TG:

Ar ôl cwblhau llwybr Prentisiaeth Uwch Lefel 4, bydd prentisiaid yn gallu cwblhau astudiaethau gwybodaeth dilynol a symud ymlaen i gwblhau rhaglenni gradd Anrhydedd llawn.

Neu gymwysterau rôl-benodol eraill a gydnabyddir gan ddiwydiant:

• Hyfforddiant ac achrediad Rheoli Prosiect (PRINCE2, MSP, PMI, APM ac Agile)
• Hyfforddiant ac achrediad Rheoli Gwasanaeth (hyfforddiant ITIL, SDI ac ISO/IEC 2000)
• Hyfforddiant Rheoli a Datblygiad Personol

Mae ystod eang o hyfforddiant technoleg craidd a hyfforddiant gwerthwr hefyd ar gael - sy'n arwain at gymwysterau a gydnabyddir gan y diwydiant.

Bydd rhai cymwysterau'n rhoi'r hawl i fod yn aelod o sefydliad proffesiynol, gan gynnig cyfleoedd i rwydweithio a datblygu gyrfa. Er enghraifft, dod yn aelod o'r sefydliadau proffesiynol a ganlyn.

• Cymdeithas Cyfrifiaduron Prydain (BCS)
• Y Sefydliad Peirianneg a Thechnoleg (IET)

Cydraddoldeb ac Amrywiaeth

Mae'n bwysig bod Llwybrau prentisiaeth yn gynhwysol ac yn gallu dangos sut i fynd ati’n weithredol i nodi a chael gwared â ffactorau sy'n atal mynediad a dilyniant.  Dylai llwybrau hyrwyddo cyfle cyfartal rhwng unigolion a chanddynt nodweddion gwarchodedig a'r rhai nad oes ganddynt y nodweddion hynny, fel y nodir yn Neddf Cydraddoldeb 2010.

Y nodweddion gwarchodedig a nodwyd yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, Beichiogrwydd a mamolaeth. Mae priodas a phartneriaeth sifil hefyd wedi'u cynnwys, ond dim ond yng nghyswllt y gofyniad i gael gwared â gwahaniaethu mewn cyflogaeth.

Mae'n RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall o dan Ddeddf Cydraddoldeb 2010 i sicrhau na wahaniaethir yn erbyn ymgeiswyr yn nhermau mynediad i'r diwydiant ar sail y naw o nodweddion gwarchodedig hynny.

Cyfrifoldebau a hawliau cyflogaeth (CHC)

Nid yw Cyfrifoldebau a Hawliau Cyflogaeth (CHC) yn orfodol mwyach.  Ond argymhellir bod pob prentis (yn enwedig y grŵp 16-18 oed) yn derbyn rhaglen sefydlu yn y cwmni.

Cyfrifoldebau

Cyfrifoldeb Darparydd yr Hyfforddiant  a'r Cyflogwr yw sicrhau bod gofynion y Llwybr hwn yn cael eu bodloni yn unol â Chanllawiau Prentisiaethau Llywodraeth Cymru.

Gellir cael rhagor o wybodaeth gan:

Llywodraeth Cymru

DfES-ApprenticeshipUnit@llyw.cymru

Diwygiadau dogfennau