Gwasanaethau Glanhau ac Amgylcheddol

Cynnwys y Rhaglen Ddysgu

Bydd darpariaeth y Rhaglen Ddysgu yn cynnwys tair elfen orfodol:

• Cymwysterau,
• Sgiliau Hanfodol
• Hyfforddiant yn y gwaith/i ffwrdd o'r gwaith

49 credyd yw’r isafswm credydau gofynnol ar gyfer Llwybr Lefel 3 mewn Goruchwylio Gwaith Glanhau.

Gofynion mynediad

Mae cyflogwyr yn ceisio denu ymgeiswyr o amrywiaeth eang o gefndiroedd a gyda gwahanol brofiadau. Nid oes gofynion sylfaenol ac nid yw cymwysterau ffurfiol yn angenrheidiol.

Gall ymgeiswyr ddod o amrywiaeth eang o lwybrau mynediad, gan gynnwys astudiaethau Amgylcheddol a Thir Bagloriaeth Cymru.

Bydd disgwyl i ymgeiswyr feddu ar sgiliau llythrennedd a rhifedd sylfaenol y bydd y brentisiaeth hon yn adeiladu arnynt, bod yn barod i weithio fel rhan o dîm a bod â diddordeb brwd mewn darparu gwasanaethau o safon uchel i gwsmeriaid.

Bydd darparwyr hyfforddiant a chyflogwyr yn defnyddio asesiad cychwynnol i sicrhau bod gan yr ymgeiswyr gyfle teg i arddangos eu gallu ac er mwyn teilwra rhaglenni i ateb anghenion unigolion, gan gydnabod cymwysterau a phrofiad blaenorol.

Os bydd unigolion yn gweithio fel glanhawyr ffenestri neu lanhawyr arbenigol, bydd angen iddynt weithio ar uchder ac mewn mannau caeedig.

Rhaglen(ni) dd/dysgu'r llwybr prentisiaeth

Lefel 3: Goruchwylio Gwaith Glanhau

Lefel 3: Goruchwylio Gwaith Glanhau Cymwysterau

Rhaid i ddysgwyr gyflawni un o’r cymwysterau cyfunol isod.

Edrychwch ar Atodiad 1 i weld y berthynas rhwng yr unedau cymhwysedd a gwybodaeth o fewn y cymhwyster cyfun

Sgiliau Hanfodol Cymru (ESW)

Saesneg-Cymraeg yw ieithoedd asesu cymwysterau Sgiliau Hanfodol Cymru.

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

Goruchwylio Gwaith Glanhau – 49 credyd/347 awr

Isafswm o 11 credyd Cymhwysedd*

Isafswm o 10 credyd Gwybodaeth*

12 credyd ar gyfer Cymhwyso Rhif a Chyfathrebu Sgiliau Hanfodol Cymru

*16 credyd sy’n weddill i gael eu cyflawni o’r unedau Dewisol cyfun

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd/45 GLH ar gyfer Lefel 2 Cyfathrebu Sgiliau Hanfodol Cymru
• 6 chredyd/45 GLH ar gyfer Lefel 2 Cymhwyso Rhif Sgiliau Hanfodol Cymru

Gofynion eraill ychwanegol

Dim

Dilyniant

Lefel 3: Goruchwylio Gwaith Glanhau

Dilyniant i’r Brentisiaeth Lefel 3 hon

• Prentisiaeth Sylfaen mewn Gwasanaethau Glanhau a Chymorth Amgylcheddol
• Prentisiaeth Sylfaen mewn Gwasanaethau Cyfleusterau

Dilyniant o’r Brentisiaeth Goruchwylio Gwaith Glanhau hon

• Prentisiaeth Uwch mewn Rheoli Cyfleusterau
• Prentisiaeth Uwch mewn Arweinyddiaeth a Rheoli
• Gradd Sylfaen a chymwysterau Lefel Gradd mewn Rheoli

Cydraddoldeb ac Amrywiaeth

Mae'n bwysig bod Llwybrau prentisiaeth yn gynhwysol ac yn gallu dangos dull gweithredol o nodi a chael gwared ar ffactorau sy'n atal mynediad a chynnydd. Dylai Llwybrau hyrwyddo cyfle cyfartal rhwng unigolion sydd â nodweddion gwarchodedig a'r rhai heb y nodweddion hynny, fel y nodir yn Neddf Cydraddoldeb 2010.

Y nodweddion gwarchodedig a nodir yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, beichiogrwydd a mamolaeth. Mae priodas a phartneriaeth sifil hefyd wedi'u cynnwys, ond dim ond yng nghyswllt y gofyniad i gael gwared ar wahaniaethu mewn cyflogaeth.

RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall dan Ddeddf Cydraddoldeb 2010 i sicrhau nad ydyn nhw'n gwahaniaethu yn erbyn ymgeiswyr o ran mynediad i'r diwydiant ar sail y naw nodwedd warchodedig hynny.

Mae nifer o resymau dros yr anghydbwysedd mewn Cydraddoldeb ac Amrywiaeth, sy’n cynnwys o bosibl,

• bod gwaith rhan-amser yn dueddol o ddenu mwy o fenywod
• nid yw glanhau’n cael ei ystyried yn ddiwydiant deniadol a’r ffaith bod cyfleoedd gyrfaol hirdymor da yn y sector.

Mae Instructus Skills yn cymryd y camau a ganlyn i fynd i’r afael â phroblemau amrywiaeth yn y gweithle:

• Codi ymwybyddiaeth mewn ysgolion am wasanaethau glanhau a gwasanaethau amgylcheddol lleol fel gyrfa
• Drwy weithio gyda chynghorwyr gyrfaoedd ysgolion a ffeiriau gyrfaoedd
• Menywod a Gwaith sy’n cynorthwyo menywod i gyflawni eu potensial
• Defnyddio lluniau nad ydynt yn dangos stereoteipiau ar y wefan yrfaoedd ac mewn deunyddiau gyrfaoedd
• Astudiaethau achos ar gyfer prentisiaid sy’n adlewyrchu mwy o grwpiau heb gynrychiolaeth ddigonol

Gwelir prentisiaethau fel llwybr hanfodol i annog, a hwyluso, mwy o amrywiaeth o unigolion i ymuno â’r diwydiant, ac felly mae’r amodau mynediad i’r llwybr hwn yn hyblyg iawn.

Mae’r llwybr Gwasanaethau Glanhau a Chymorth Amgylcheddol hefyd yn ymwneud ag annog cynhwysiant cymdeithasol, gan sicrhau bod mwy o bobl yn y sector yn cyflawni cymwysterau lefel 2 o leiaf, gan gynnwys sgiliau llythrennedd a rhifedd.

RHAID i ddarparwyr hyfforddiant a chyflogwyr gydymffurfio â Deddf Cydraddoldeb 2010 i sicrhau na wahaniaethir yn erbyn ymgeiswyr o ran mynediad i’r Diwydiant na dyrchafiad oddi mewn i’r diwydiant.

Bydd Instructus Skills yn monitro nifer y bobl sy’n cofrestru ar gyfer Prentisiaethau ac yn eu cyflawni drwy gyfarfodydd ei Fwrdd Cyflogwyr a bydd yn parhau i gymryd camau i fynd i’r afael ag unrhyw rwystrau i gofrestru ar gyfer Prentisiaeth a’i chyflawni fel rhan o’n Strategaeth ar Gymwysterau’r Sector.  

Cyfrifoldebau a hawliau cyflogaeth (CHC)

Nid yw Cyfrifoldebau a Hawliau Cyflogaeth (CHC) yn orfodol mwyach.  Ond argymhellir bod pob prentis (yn enwedig y grŵp 16-18 oed) yn dilyn rhaglen sefydlu yn y cwmni.

Cyfrifoldebau

Cyfrifoldeb y Darparwr Hyfforddiant a'r Cyflogwr yw sicrhau bod gofynion y Llwybr hwn yn cael eu cyflawni’n unol â Chanllawiau Llywodraeth Cymru/Medr ar Brentisiaethau.

Gellir cael rhagor o wybodaeth gan: Medr

Diwygiadau dogfennau