Mae’r Grŵp Llywio arbenigol a hwyluswyd gan CITB wedi cytuno ar gynnwys y Llwybr hwn. Mae’r Llwybr Prentisiaethau Adeiladu hyn yn y sector Adeiladu wedi’u cymeradwyo i’w defnyddio yng Nghymru ac maent yn gymwys i gael cyllid gan Medr.
DYDDIAD CYHOEDDI: 01/08/2022 ACW Fframwaith Rhif. FR05070
Cynnwys y Rhaglen Ddysgu
Bydd darpariaeth y rhaglen dysgu’n cynnwys pedair elfen orfodol:
- Cymwysterau
- Sgiliau Hanfodol.
- Hyfforddiant mewn swydd/i ffwrdd o’r gwaith
- Gofynion ychwanegol Cyflogwr? (sgiliau digidol)
Cyfanswm yr isafswm o werth credyd sydd ei angen ar gyfer Llwybr Lefel 3 (Gweithrediadau Peiriannau) yw 80 credyd.
Gofynion mynediad
rhestr a - Mae’r brentisiaeth hwn yn addas i ddysgwyr sy’n:
- 16 oed a hŷn sy’n gweithio yn y grefft ar hyn o bryd ac sydd wedi1:
- Cyflawni’r Sylfaen mewn Adeiladu a Pheirianneg Gwasanaethau Adeiladu
neu
- Cyflawni y Cymhwyster Dilyniant mewn Adeiladu: 2.
neu
- cyflawni Tystysgrif neu Ddiploma Lefel 2 neu 3 yn y grefft y mae'r brentisiaeth i'w chyflawni ynddi.
neu
- 3 blynedd neu fwy o gyflogaeth dilys3 yn y grefft y mae'r brentisiaeth i'w chyflawni ynddi.
Rhestr b, ac un neu fwy o'r canlynol, neu gymwysterau cyfwerth, ar neu uwch lefel y rhestr isod 4:
- Cymhwyster Sylfaen Adeiladu a Pheirianneg Gwasanaethau Adeiladu.
- Cymhwyster Sylfaen mewn Adeiladu a Pheirianneg Gwasanaethau Adeiladu.
- Diploma Lefel 2 neu 3 mewn Grefft Adeiladu.
- Diploma Cenedlaethol Bagloriaeth Cymru.
- Sgiliau Hanfodol Cymru neu Sgiliau Allweddol mewn Cyfathrebu a Chymhwyso Rhif ar Lefel 1 neu uwch.
- TGAU gradd A*-D yn unrhyw ddwy o’r canlynol: - pwnc cyfathrebu, mathemateg, ac un ai gwyddoniaeth neu bwnc technegol.
- Gradd A*- D mewn TGAU Amgylchedd Adeiledig CBAC.
- Lefel 2 Teilyngdod Dyfarniad Galwedigaethol Lefel 1/2 mewn Dylunio'r Amgylchedd Adeiledig.
- A/AS CBAC Amgylchedd Adeiledig, GCE
- Dyfarniad cymhwyster Lefel 1 Lefel 2 BTEC Pearsons mewn Adeiladu a’r Amgylchedd Adeiledig
1 Dim ond un o'r gofynion mynediad o restr b y bydd yn rhaid ei gyflawni i gael mynediad uniongyrchol i'r llwybr Adeiladu Craidd mewn Adeiladu a Pheirianneg Gwasanaethau Adeiladu
2 O 2023 ymlaen ni fydd y Cymhwyster Dilyniant yn gymwys fel opsiwn gofyniad mynediad.
3 Bydd angen cadarnhad gan y cyflogwr bod gan y dysgwr y profiad cyflogaeth crefft angenrheidiol.
4 Gall fod gan ddysgwyr profiadol fel y'u diffinnir yn rhestr a hefyd rinweddau neu gyraeddiadau y tu hwnt i gyrhaeddiad cymhwyster y dylid eu hystyried. Ni fydd yn rhaid iddynt ennill un o'r cymwysterau yn rhestr b.
Rhaglen(ni) dd/dysgu'r llwybr prentisiaeth
Level 2: Craidd Prentisiaeth mewn Adeiladu a Pheirianneg Gwasanaethau Adeiladu
Level 2: Craidd Prentisiaeth mewn Adeiladu a Pheirianneg Gwasanaethau Adeiladu Cymwysterau
| Lefel 2 Llwybr Adeiladu | |||||
|---|---|---|---|---|---|
| Corff Dyfarnu | Rhif y Cymhwyster | Gwerth Credyd | Cyfanswm Amser y Cymhwyster | Cymhwysedd / Gwybodaeth / Cyfun | Iaith/Ieithoedd Asesu'r Cymhwyster |
| City & Guilds | C00/4414/0 | 41 | 414 | Cyfun | Saesneg-Cymraeg |
Lle mae dysgwyr wedi cyflawni un o'r gofynion mynediad yn rhestr a, ni fydd angen iddynt ymgymryd â'r Cymhwyster Craidd Adeiladu.
Bydd angen i bob dysgwr fod wedi cyflawni o leiaf un o'r gofynion o restr b i gael mynediad.
| Lefel 3 Llwybr Adeiladu | |||||
|---|---|---|---|---|---|
| Corff Dyfarnu | Rhif y Cymhwyster | Gwerth Credyd | Cyfanswm Amser y Cymhwyster | Cymhwysedd / Gwybodaeth / Cyfun | Iaith/Ieithoedd Asesu'r Cymhwyster |
| City & Guilds | C00/4491/9 | 80 | 802 | Cymhwysedd | Saesneg-Cymraeg |
Sgiliau Hanfodol Cymru (ESW)
| Level 2: Craidd Prentisiaeth mewn Adeiladu a Pheirianneg Gwasanaethau Adeiladu | Lefel | Isafswm Gwerth Credyd |
|---|---|---|
| Cyfathrebu | 2 | 6 |
| Cymhwyso Rhif | 2 | 6 |
Ieithoedd asesu cymwysterau Sgiliau Hanfodol Cymru yw Cymraeg-Saesneg.
Bydd yn ofynnol i ddysgwyr a fydd yn dechrau eu Cymhwyster Sylfaen mewn Adeiladu a Pheirianneg Gwasanaethau Adeiladu, Craidd Sylfaen mewn Adeiladu a Pheirianneg Gwasanaethau Adeiladu neu Gymhwyster Dilyniant mewn Adeiladu yn 2022 weithio tuag at Sgiliau Hanfodol lefel 2 - Cymhwyso Rhif a Chyfathrebu yn ystod eu prentisiaeth.
Ar ôl cwblhau eu prentisiaeth bydd y dysgwr yn anelu at fod wedi cyflawni sgiliau hanfodol lefel 2 yn y ddau bwnc ond pennir ei fod wedi cwblhau ei brentisiaeth os yw wedi llwyddo i basio un o'r sgiliau hanfodol ar lefel 2 a'r llall ar lefel 1. Bydd hyn, fel yr uchod, yn caniatáu cyfnod pontio digonol a theg i'r dysgwyr hyn.
O fis Awst 2023 bydd yn ofynnol i unrhyw ddysgwr newydd sy'n cychwyn ar ei Sylfaen mewn Peirianneg Adeiladu a Gwasanaethau Adeiladu, Craidd Sylfaen mewn Adeiladu a Pheirianneg Gwasanaethau Adeiladu, neu Gymhwyster Dilyniant mewn Adeiladu lwyddo yn y ddau Sgil Hanfodol ar lefel 2 fel rhan o'u prentisiaeth.
Hyfforddi yn y gwaith / i ffwrdd o'r gwaith
| Llwybr | Isafswm Oriau Hyfforddi yn y Gwaith | Isafswm Oriau Hyfforddi i Ffwrdd o'r Gwaith |
|---|---|---|
| Level 2: Craidd Prentisiaeth mewn Adeiladu a Pheirianneg Gwasanaethau Adeiladu | 2768 | 744 |
Rhagwelir y bydd y Brentisiaeth Gweithrediadau Peiriannau yn para rhwng 2 flynedd (Cymhwyster Ôl-Sylfaen) a 3 blynedd (gan gynnwys Craidd Sylfaen mewn Adeiladu a Pheirianneg Gwasanaethau Adeiladu).
Canllaw yn unig yw’r ffigyrau uchod a gallant fod yn wahanol ar gyfer gweithwyr profiadol/hŷn yn dibynnu ar faint/natur y profiad perthnasol, ac wedi’u lleihau’n sylweddol ar gyfer y rheini sy’n symud ymlaen o gymwysterau cysylltiedig.
Rolau swydd
Mae'r Fframwaith hwn yn nodi'r safonau a'r meini prawf ar gyfer y Brentisiaeth Lefel 3 mewn Gweithrediadau Peiriannau. Bydd cyflawni holl gydrannau'r Fframwaith hwn yn llwyddiannus yn arwain at ddyfarnu cymhwyster Lefel 3 a chydnabyddiaeth fel Gweithiwr Peiriannau cymwys yn y sector. Bydd Dyfarniad y Cymhwyster hwn yn galluogi'r dysgwr i wneud cais am Gerdyn Gweithredwr Cymwys.
Mae gan y fframwaith hwn un llwybr:
- Gweithrediadau Peiriannau
Gweithio ar safle adeiladu, mewn man cyhoeddus neu ar y priffyrdd gan weithredu offer/peiriannau i drosglwyddo llwythi, cloddio, codi, a symud deunyddiau i fanylebau a roddir.
Cynlluniwyd y Brentisiaeth hon i roi cyfle i unigolion ddatblygu’r sgiliau a’r wybodaeth sydd eu hangen i gyflawni gwaith gweithiwr peiriannau sy’n defnyddio’r peiriannau canlynol.
- Dadlwythwr Blaen
- Triniwr Telesgopig
- Rholer y gallwch eistedd arno
- Cloddiwr 180 gradd neu 360 gradd
Ar ôl cwblhau gofynion y Fframwaith hwn, dylai’r Prentis feddu ar y sgiliau craidd a’r wybodaeth graidd sydd eu hangen i gyflawni Gweithrediadau Peiriannau, mewn modd diogel, cynaliadwy a chymwys. Mae manylion y sgiliau i'w datblygu wedi'u hamlinellu yn y manylebau cymhwyster a llawlyfrau cadarnhau cyflogwyr.
Yn ogystal, dylai Prentis hefyd allu:
- Rhoi barn a chefnogaeth broffesiynol
- Herio ymddygiadau/gweithgareddau peryglus
- Dangos arloesedd drwy ddynodi meysydd ar gyfer gwella ac awgrymu a/neu ddatblygu datrysiadau arloesol.
- Dynodi risgiau i’w hun ac eraill a’u rheoli
- Cadw’r ardal waith yn lân a thaclus
- Rheoli amser yn effeithiol
- Meddwl yn rhesymegol ac yn unol â gofynion y sefyllfa gan ddefnyddio rhesymu clir a dilys wrth wneud penderfyniadau i ymgymryd â'r cyfarwyddiadau gwaith
- Gweithio’n effeithiol ar ei ben ei hun ac mewn tîm
- Gweithio’n unol â gofynion ansawdd
- Gweithio’n gynhyrchiol
- Gweithio’n ddiogel a sicrhau diogelwch eraill
- Gweithio o fewn lefel ei gymhwysedd a gwybod pa bryd i gael cyngor gan eraill.
- Cymhwyso deddfwriaeth iechyd a diogelwch ac amgylcheddol yn y sector Adeiladu.
- Creu a meithrin perthnasoedd yn y sector Adeiladu
- Deall Gofynion technolegol a newidiadau
- Deall Rheoliadau a Gofynion Statudol ac Anstatudol
- Deall Arferion gwaith yn unol â gofynion Iechyd a Diogelwch
- Deall Gweithdrefnau arolygu, profi a chomisiynu
Drwy gydol y broses Brentisiaeth dylai’r Prentis, o leiaf, ddatblygu ac arddangos yr ymddygiadau sy’n dangos ei fod yn gyson:
- Pendant
- Hyderus
- Wedi gwisgo’n addas
- Empathi
- Teg
- Gonest
- Rhagweithiol
- Cynhyrchiol
- Prydlon
- Dibynadwy
- Parchus (o ran cydraddoldeb, amrywiaeth a chynhwysiant)
Dilyniant
Nod y Fframwaith hwn yw sicrhau bod y dysgwyr llwyddiannus yn ennill:
- Y Sgiliau a'r Wybodaeth sydd eu hangen ar y diwydiant i gyflawni cymhwysedd
- Sgiliau sy’n gysylltiedig â swydd a fydd yn cael eu defnyddio yn yr amgylchedd gwaith
- Gwybodaeth a sgiliau sy'n cyd-fynd ag arferion gwaith, rheoliadau statudol ac anstatudol perthnasol
- Sgiliau Craidd a Throsglwyddadwy
- Y sail i ddatblygiad gyrfa
Pan fydd prentisiaid wedi cwblhau’r Fframwaith hwn, mae ganddynt nifer o opsiynau i ddatblygu, gan gynnwys:
- Galwedigaethol: datblygu eich hun yn y rôl a cheisio am ddyrchafiad
- Academaidd: defnyddio’r cymwysterau a enillwyd fel sail ar gyfer astudiaeth bellach a mynediad i Addysg Bellach neu Addysg Uwch fel y bo’n briodol
- Cyfuniad o opsiynau Galwedigaethol ac Academaidd: ymgymryd ag astudiaeth ran-amser wrth barhau i weithio. Gall hyn fod yn rhan o Brentisiaeth Lefel Uwch (HLA) strwythuredig os yw hyn yn berthnasol/ar gael.
Yn fwy penodol, ar ôl cwblhau’r Brentisiaeth hon mewn Gweithrediadau Peiriannau, yn llwyddiannus, bydd prentis yn meddu ar y sgiliau a’r wybodaeth, a bydd ganddo’r cymwysterau i:
- Gwneud cais am Gerdyn Gweithredwr Cymwys. Mae rhagor o wybodaeth ac opsiynau ar gael ar www.cscs.uk.com/about/plant-partner-card-schemes/
- Symud ymlaen i Brentisiaeth Lefel Uwch berthnasol
- Datblygu yn ei yrfa gyda hyfforddiant pellach ar gyfer swydd megis, Goruchwyliwr/Rheolwr Safle/Gweithdy ayb
Gellir gweld arweiniad pellach o ran gyrfa ar:
- https://www.goconstruct.org/cy-gb/gyrfaoedd-adeiladu/pa-swyddi-syn-briodol-i-mi/gweithredwr-peiriannau/
- https://gyrfacymru.llyw.cymru/gwybodaeth-am-swyddi/gweithredwyr-peiriannau-adeiladu
Rhagwelir y bydd ymgeiswyr llwyddiannus yn symud ymlaen yn y diwydiant Adeiladu mewn swyddi cymwys megis swyddi goruchwylwyr, rheolwyr cyflogedig neu hunangyflogedig.
Disgwylir i’r ymgeiswyr cymwys ddysgu’n barhaus er mwyn cynnal ymwybyddiaeth o'r rheoliadau sy'n effeithio ar y diwydiant a newidiadau/datblygiadau technolegol.
Cydraddoldeb ac Amrywiaeth
Mae'n bwysig bod Llwybrau prentisiaeth yn gynhwysol ac yn gallu dangos dull gweithredol o nodi a dileu rhwystrau i fynediad a dilyniant. Dylai llwybrau hybu cyfle cyfartal rhwng pobl sy’n rhannu nodweddion gwarchodedig a’r bobl hynny nad ydynt yn rhannu nodweddion gwarchodedig fel y nodir yn Neddf Cydraddoldeb 2010.
Y nodweddion gwarchodedig a ddynodir yn y Ddeddf Cydraddoldeb yw oed, anabledd, ailbennu rhywedd, hil, crefydd neu gred, rhyw, cyfeiriadedd rhywiol, beichiogrwydd a mamolaeth. Mae priodas a phartneriaeth sifil hefyd wedi’u cynnwys, er, dim ond o ran y gofyniad i ddileu gwahaniaethu mewn cyflogaeth.
RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall o dan Ddeddf Cydraddoldeb 2010 i sicrhau na wahaniaethir yn erbyn ymgeiswyr o ran mynediad i'r diwydiant ar sail y naw nodwedd warchodedig hynny.
Er nad yw’r diwydiant adeiladu, yn hanesyddol, wedi bod yn ddewis gyrfa draddodiadol i fenywod. Mae hyn bellach wedi newid, ac mae menywod yn cael eu cefnogi’n well ac yn gweithio’n llwyddiannus yn y diwydiant. Mae'r cyrff sectoraidd yn gweithio ar lefelau lleol, rhanbarthol a chenedlaethol i ddynodi a mynd i'r afael â materion yn ymwneud â chydraddoldeb ac amrywiaeth. Cefnogir y gwaith hwn gan lywodraeth leol/cenedlaethol, cyrff/asiantaethau anllywodraethol ac Undebau perthnasol. Mae’n ofynnol bod recriwtio prentisiaid yn agored ac yn deg i bawb sy’n bodloni’r meini prawf dethol, waeth beth fo’u rhyw, tarddiad ethnig, crefydd/cred, cyfeiriadedd rhywiol neu anabledd. Rhaid i bob partner sy’n ymwneud â darparu’r brentisiaeth a chyflogwyr fod yn ymrwymedig i bolisi cyfle cyfartal a rhaid iddynt fod â pholisi a gweithdrefn cyfle cyfartal ffurfiol ar waith. Rhaid i gyflogwyr/darparwyr allu dangos nad oes unrhyw arferion gwahaniaethol amlwg neu gudd wrth ddethol a chyflogi. Rhaid i bob gweithgaredd hyrwyddo, dethol a hyfforddi gydymffurfio â deddfwriaeth berthnasol megis Deddf Cydraddoldeb 2010. Bydd darparwyr yn monitro arferion a gweithdrefnau cyfle cyfartal yn eu sefydliad eu hunain ac yn cymryd camau cadarnhaol pan fo angen Argymhellir hefyd bod cyflogwyr/darparwyr yn cynnal cyfweliad ymadael os yw’r prentis yn gadael y rhaglen cyn ei chwblhau. |
Cyfrifoldebau a hawliau cyflogaeth (CHC)
Nid yw Cyfrifoldebau a Hawliau Cyflogaeth (ERR) bellach yn orfodol. Ond argymhellir bod pob prentis (yn enwedig y grŵp blwyddyn 16 -18) yn cael rhaglen ymsefydlu gan y cwmni.
Cyfrifoldebau
Cyfrifoldeb y Darparwr Hyfforddiant a'r Cyflogwr yw sicrhau bod gofynion y Llwybr hwn yn cael eu cyflawni’n unol ag Arweiniad Prentisiaethau Llywodraeth Cymru/Medr.
Gellir cael mwy o wybodaeth gan: Medr