- Framework:
- Systemau Oeri ac Aerdymheru
- Lefel:
- 2/3
Mae'r fframweithiau galwedigaeth yn y ddogfen hon wedi'u cynllunio i roi cyfle i newydd-ddyfodiaid a'r rhai sydd am gamu ymlaen yn eu gyrfa ddatblygu cymwyseddau sydd eu hangen i gyflawni swyddi a chyfrifoldebau sy'n gysylltiedig â gosod, cynnal a chadw a chomisiynu systemau oeri ac aerdymheru, gan gynnwys:
Arferion Gorau, Adeiladu Cynaliadwy, Technolegau Amgylcheddol, Gofynion a Newidiadau Technolegol Rheoliadau a gofynion statudol ac anstatudol.
Mae'r rhaglen yn debygol o fod yn addas os oes gennych y priodweddau canlynol:
- Dawn ar gyfer pynciau technegol a/neu waith ymarferol a diddordeb mewn technoleg
- Gallu dangos y gallu i ddatrys problemau ymarferol.
Gall meini prawf dethol eraill gynnwys:
- Cymhelliant i lwyddo
- Parodrwydd i ddysgu a defnyddio'r hyn a ddysgir yn y gweithle/swydd
- Brwdfrydedd ac agwedd dda at waith
- Y gallu i ddangos bod gennych y potensial i ennill y cymwysterau sy'n rhan o'r rhaglenni Sylfaen (Lefel 2) a/neu raglenni Prentisiaeth (Lefel 3)
- Y gallu i gyfathrebu'n effeithiol ag amrywiaeth o bobl
- Sgiliau rhifedd a llythrennedd
- Gallu gweld lliwiau'n dda er mwyn adnabod gwifrau a chydrannau â chod lliw
- Y gallu i weithio ar uchder neu mewn mannau cyfyng
- Parodrwydd i weithio yn yr awyr agored
- Parodrwydd i weithio oriau anghymdeithasol
- Parodrwydd i gael gwiriad gan y Gwasanaeth Datgelu a Gwahardd (DBS) pan fydd angen.
Opsiynau a lefelau llwybrau
Systemau Oeri ac Aerdymheru – Lefel 2
Llwybr 1: Addas ar gyfer swydd Gweithiwr Systemau Oeri.
Llwybr 2: Addas ar gyfer swydd Gweithiwr Systemau Aerdymheru.
Systemau Oeri ac Aerdymheru - Lefel 3
Llwybr 2: Addas ar gyfer swydd Technegydd Gwasanaethu a Chynnal a Chadw Systemau Oeri.
Llwybr 4: Addas ar gyfer swydd Technegydd Gwasanaethu a Chynnal a Chadw Systemau Aerdymheru.
Mwy o wybodaeth
Hyd
Lefel 2: 24 mis
Lefel 3: 24 mis
Llwybrau dilyniant
Lefel 2 Mae'r llwybrau'n cynnwys:
- Cofrestru ar Gynllun Ardystio priodol
- Camu ymlaen i raglenni dysgu ac asesu sy'n arwain at gymwysterau Lefel 3 perthnasol a/neu Brentisiaeth
- Camu ymlaen i gyflogaeth.
Lefel 3 Mae'r llwybrau'n cynnwys:
- Cofrestru ar gyfer Cynllun Ardystio perthnasol y diwydiant
- Camu ymlaen i gymwysterau Lefel 4/5 perthnasol e.e. Gradd Rheoli Technoleg a Phrosiectau Peirianneg Gwasanaethau Adeiladu neu Radd Sylfaen mewn Peirianneg
- Camu ymlaen i Brentisiaethau Lefel 6 sy'n gysylltiedig â'r maes hwn, fel ym maes Rheoli Technoleg a Phrosiectau Peirianneg Gwasanaethau Adeiladu
- Sefyll Prawf Masnach perthnasol i ddangos cymhwysedd i weithio yng ngwledydd eraill y DU
- Derbyn rhagor o hyfforddiant er mwyn camu ymlaen i swyddi fel Technegydd, Dylunydd, Amcangyfrifwr, Rheolwr Prosiect, Goruchwylydd/Rheolwr Safle/Gweithdy, Peiriannydd Siartredig, Peiriannydd Gwerthiant neu Reolwr Masnachol.
Cymwysterau
Lefel 2: Diploma NVQ yn y llwybr o’ch dewis
Lefel 3: Llwybr 2: Tystysgrif NVQ yn y llwybr o’ch dewis
Beth yw'r gofynion mynediad ar gyfer y llwybr hwn?
Mae gan bob llwybr prentisiaeth yng Nghymru ofynion mynediad. Os oes gennych ddiddordeb mewn dilyn y llwybr hwn – mae angen i chi gael y cymhwyster lefel mynediad canlynol;
Lefel 2
Lefel 2: Dyma enghreifftiau o gymwysterau ffurfiol y gellir eu defnyddio i ddangos bod gan ymgeisydd y potensial i gamu ymlaen i'r fframwaith Sylfaen (Lefel 2) mewn Systemau Oeri, a'i gwblhau:
- Diploma Sylfaen Bagloriaeth Cymru
- Cwblhau 'Llwybr at Brentisiaeth' ym maes Peirianneg
- Cymhwyster TGAU gradd A-D ym mhob un o'r canlynol:- pwnc cyfathrebu, mathemateg a naill ai pwnc gwyddoniaeth neu bwnc technegol
- Cymwysterau GNVQ Lefel 1 mewn pynciau galwedigaethol/technegol perthnasol
- Cymhwyster Safon Uwch 1 'Mynediad at Beirianneg Gwasanaethau Adeiladu'.
Lefel 3
Lefel 3: Fel arfer, byddai'r Diwydiant Systemau Oeri/Aerdymheru yn disgwyl bod mynediad at y fframwaith hwn ar gyfer pobl sydd eisoes wedi cwblhau Prentisiaeth Lefel Ganolradd mewn Systemau Oeri/Aerdymheru, neu ar gyfer unigolion sydd â phrofiad a gwybodaeth sy'n cyfateb i ofynion y rhaglen.
Gweld llwybr llawn