Systemau Gwresogi ac Awyru

Framework:

Systemau Gwresogi ac Awyru

Lefel:

2/3

---

Mae peirianwyr gwresogi ac awyru yn gosod ac yn gwasanaethu systemau gwresogi ac awyru mewn adeiladau mawr fel ffatrïoedd, ysgolion ac ysbytai.

Fel peiriannydd bydd angen i chi allu:

• gweithio ar uchder ac mewn mannau cyfyng
• gweithio ar eich pen eich hun neu heb fawr o oruchwyliaeth
• meithrin cydberthnasau a chyfathrebu'n effeithiol ag amrywiaeth o bobl
• darllen lluniadau adeiladau a pheirianneg
• deall gwifrau rheoli gwres a diagramau cylched/ gallu gweld lliwiau'n dda er mwyn adnabod gwifrau a chydrannau wedi'u codio
• dewis deunyddiau a chyfarpar
• archwilio a phrofi gosodiadau
• canfod ac atgyweirio namau
• ysgrifennu adroddiadau
• bod yn barod i ddysgu gyrru os nad oes gennych drwydded yrru eisoes gan y bydd angen i chi yrru i safle cwsmeriaid ar gyfer llawer o'r gwaith.

Bydd gyrfa yn y Diwydiant Gwresogi ac Awyru  nid yn unig yn gwobrwyo potensial, ond bydd yn cynnig cyfleoedd i wella eich gallu technegol hefyd.

Opsiynau a lefelau llwybrau

Mwy o wybodaeth

Hyd

Lefel 2: 24 mis

Lefel 3: 24 mis

Llwybrau dilyniant

Lefel 2

Mae'r llwybrau'n cynnwys:

• Cofrestru ar gyfer Cynllun Ardystio priodol
• Rhaglenni dysgu ac asesu sy'n arwain at gymwysterau Lefel 3 perthnasol a/neu Brentisiaeth (Lefel 3)
• Rhagor o hyfforddiant i wneud swyddi fel Technegydd, Amcangyfrifwr Dylunio, Rheolwr Prosiect, Goruchwylydd/Rheolwr Safle/Gweithdy, Peiriannydd Siartredig, Peiriannydd Gwerthiant neu Reolwr Masnachol.

 

Lefel 3

Mae'r llwybrau'n cynnwys:

• cofrestru ar gyfer Cynllun Ardystio perthnasol y diwydiant
• cymwysterau Lefel 4/5 perthnasol e.e. Gradd Rheoli Technoleg a Phrosiectau Peirianneg Gwasanaethau Adeiladu neu Radd Sylfaen mewn Peirianneg
• Prentisiaethau Lefel 6 sy'n gysylltiedig â'r maes hwn fel Rheoli Technoleg a Phrosiectau Peirianneg Gwasanaethau Adeiladu

Rhagor o hyfforddiant er mwyn camu ymlaen i swyddi fel Technegydd, Amcangyfrifwr Dylunio, Rheolwr Prosiect, Goruchwylydd/Rheolwr Safle/Gweithdy, Peiriannydd Siartredig, Peiriannydd Gwerthiant neu Reolwr Masnachol.

Cymwysterau

Lefel 2: Diploma NVQ yn y llwybr sy'n cael ei ddewis

Lefel 3: Diploma NVQ yn y llwybr sy'n cael ei ddewis

Beth yw'r gofynion mynediad ar gyfer y llwybr hwn?

Mae gan bob llwybr prentisiaeth yng Nghymru ofynion mynediad. Os oes gennych ddiddordeb mewn dilyn y llwybr hwn – mae angen i chi gael y cymhwyster lefel mynediad canlynol;

Lefel 2

Er nad oes unrhyw ofynion mynediad neu brofiad blaenorol sylfaenol wedi'u pennu yn genedlaethol yn gyffredinol, gellir defnyddio'r enghreifftiau canlynol o gymwysterau ffurfiol fel arwydd o'r potensial i gamu ymlaen i'r brentisiaeth:

Lefel 2: 

• Diploma Sylfaen Bagloriaeth Cymru
• Cwblhau 'Llwybr at Brentisiaeth' ym maes Plymio
• Cymhwyster TGAU gradd A-D ym mhob un o'r canlynol:- pwnc cyfathrebu, mathemateg a naill ai pwnc gwyddoniaeth neu bwnc technegol
• Cymwysterau GNVQ Lefel 1 mewn pynciau galwedigaethol/technegol perthnasol
• Cymhwyster 'Mynediad at Beirianneg Gwasanaethau Adeiladu' Lefel 1.

Lefel 3

Er nad oes unrhyw ofynion mynediad neu brofiad blaenorol sylfaenol wedi'u pennu yn genedlaethol yn gyffredinol, gellir defnyddio'r enghreifftiau canlynol o gymwysterau ffurfiol fel arwydd o'r potensial i gamu ymlaen i'r brentisiaeth:

Lefel 3:

• Diploma Canolradd Bagloriaeth Cymru
• Cwblhau 'Llwybr at Brentisiaeth' ym maes Plymio
• Cymhwyster TGAU gradd A-C ym mhob un o'r canlynol:- pwnc cyfathrebu, mathemateg a naill ai pwnc gwyddoniaeth neu bwnc technegol
• Cymwysterau GNVQ Lefel 2 mewn pynciau galwedigaethol/technegol perthnasol
• Cymhwyster 'Mynediad at Beirianneg Gwasanaethau Adeiladu' Lefel 2.

Fel arfer, byddai'r Diwydiant Gwresogi ac Awyru yn disgwyl bod mynediad i Lefel 3 ar gyfer unigolion sydd eisoes wedi cwblhau Prentisiaeth Sylfaen (Lefel 2) mewn Gosod Systemau Piblinellau Gwresogi ac Awyru Diwydiannol a Masnachol, neu ar gyfer unigolion sydd â phrofiad a gwybodaeth gyfwerth.

Gweld llwybr llawn

---

Diwygiadau dogfennau