Electrodechnegol

Framework:

Electrodechnegol

Lefel:

3

---

Bwriad y llwybrau hyn yw rhoi cyfle i chi ddatblygu’r cymwyseddau sydd eu hangen i gyflawni rolau a chyfrifoldebau swyddi sy'n gysylltiedig â gosod a/neu gynnal a chadw systemau a chyfarpar electrodechnegol mewn adeiladau, adeileddau a'r amgylchedd.

Bydd gyrfa yn y Diwydiant Electrodechnegol nid yn unig yn gwobrwyo potensial, ond bydd yn cynnig cyfleoedd i wella eich gallu technegol hefyd. Mae angen unigolion o allu priodol ar y diwydiant bob amser, ac yn gyfnewid am hynny mae'n cynnig gyrfa amrywiol a phleserus mewn amgylchedd gwaith heriol.

Opsiynau a lefelau llwybrau

Mwy o wybodaeth

Hyd

42 mis

Llwybrau dilyniant

Ar ôl cwblhau'r Brentisiaeth (Lefel 3) mewn Gosodiadau Trydanol yn llwyddiannus, bydd gennych chi'r sgiliau, y wybodaeth a'r cymwysterau i wneud y canlynol:

• Cofrestru ar gyfer Cynllun Ardystio perthnasol y diwydiant
• Camu ymlaen i gymwysterau Lefel 4/5 perthnasol e.e. Gradd Rheoli Technoleg a Phrosiectau Peirianneg Gwasanaethau Adeiladu neu Radd Sylfaen mewn Peirianneg

• Camu ymlaen i Brentisiaethau Lefel 6 sy'n gysylltiedig â'r maes hwn megis Rheoli Technoleg a Phrosiectau Peirianneg Gwasanaethau Adeiladu
• Camu ymlaen i hyfforddiant pellach i wneud swyddi fel Technegydd, Dylunydd System, Amcangyfrifwr, Rheolwr Prosiect, Goruchwylydd/Rheolwr Safle/Gweithdy, Peiriannydd Siartredig, Peiriannydd Gwerthiant neu Reolwr Masnachol.

Cymwysterau

  Diploma NVQ Lefel 3 yn y llwybr o'ch dewis. 

Beth yw'r gofynion mynediad ar gyfer y llwybr hwn?

Mae gan bob llwybr prentisiaeth yng Nghymru ofynion mynediad. Os oes gennych ddiddordeb mewn dilyn y llwybr hwn – mae angen i chi gael y cymhwyster lefel mynediad canlynol;

Lefel 3

Er nad oes unrhyw ofynion mynediad sylfaenol neu ofynion profiad blaenorol yn gyffredinol, mae'r rhaglen yn debygol o fod yn addas ar gyfer yr unigolion canlynol:

• Unigolion sydd â dawn ar gyfer pynciau technegol a/neu waith ymarferol. Unigolion sydd â diddordeb mewn technoleg
• Unigolion sy'n gallu dangos y gallu i ddatrys problemau ymarferol.

Gall meini prawf dethol eraill gynnwys:

• Cymhelliant i lwyddo
• Parodrwydd i ddysgu a defnyddio'r hyn a ddysgir yn y gweithle/swydd
• Brwdfrydedd ac agwedd at waith
• Y gallu i ddangos bod ganddynt y potensial i gyflawni'r cymwysterau sy'n rhan o'r fframweithiau Prentisiaeth (Lefel 3)
• Y gallu i gyfathrebu'n effeithiol ag amrywiaeth o bobl
• Bod yn rhifog ac yn llythrennog
• Gallu gweld lliwiau'n dda er mwyn adnabod gwifrau a chydrannau â chod lliw
• Y gallu i weithio ar uchder neu mewn mannau cyfyng
• Parodrwydd i weithio yn yr awyr agored. Parodrwydd i weithio oriau anghymdeithasol
• Parodrwydd i gael gwiriad gan y Gwasanaeth Datgelu a Gwahardd (DBS) pan fo angen.

Dyma enghreifftiau o gymwysterau ffurfiol a allai awgrymu bod gan ymgeisydd y potensial i gamu ymlaen i'r brentisiaeth:

• Diploma Canolradd Bagloriaeth Cymru
• Cwblhau 'Llwybr at Brentisiaeth' ym maes Peirianneg
• Cwblhau un o fframweithiau Sylfaen (Lefel 2) yn llwyddiannus yn y sector Peirianneg Gwasanaethau Adeiladu
• Cymhwyster TGAU gradd A-C ym mhob un o'r canlynol:- pwnc cyfathrebu, mathemateg a naill ai pwnc gwyddoniaeth neu bwnc technegol
• Cymwysterau GNVQ Lefel 2 mewn pynciau galwedigaethol/technegol perthnasol
• Cymhwyster Safon Uwch 2 'Mynediad at Beirianneg Gwasanaethau Adeiladu'.

Gweld llwybr llawn

---

Diwygiadau dogfennau