Gweithrediadau Logisteg

Cynnwys y Rhaglen Ddysgu

Bydd darpariaeth y Rhaglen Ddysgu yn cynnwys tair elfen orfodol:

• Cymwysterau,
• Sgiliau Hanfodol
• Hyfforddiant yn y gwaith/i ffwrdd o'r gwaith

43 credyd yw'r isafswm credydau  gofynnol ar gyfer Lefel 2 Gweithrediadau Logisteg – Gweithiwr Logisteg.

44 credyd yw'r isafswm credydau gofynnol ar gyfer Lefel 3 Gweithrediadau Logisteg – Arweinydd Tîm/Goruchwyliwr Adran Gweithrediadau Logisteg.

Gofynion mynediad

Lefel 2: Gweithrediadau Logisteg-Gweithiwr Logisteg/Gweithiwr Cymorth Logisteg

Mae cyflogwyr yn ceisio denu ymgeiswyr sydd â diddordeb brwd mewn gweithio mewn busnes Cludiant a Warysau yn y Sector Logisteg. Rhaid iddynt fod yn barod i weithio shifftiau fel rhan o dîm a gallu cadw amser yn dda. Mae gan gyflogwyr ddiddordeb arbennig mewn ymgeiswyr sydd â sgiliau llythrennedd, rhifedd a TGCh sylfaenol y bydd y Brentisiaeth/Brentisiaeth Sylfaen hon yn adeiladu arnynt.

Bydd ymgeiswyr i'r Brentisiaeth Sylfaen/Brentisiaeth hon yn amrywio o ran oedran a phrofiad. Fel canllaw, gall ymgeiswyr ddod o amrywiaeth o lwybrau, gan gynnwys:

• Gwaith neu brofiad gwaith
• Hyfforddiant a/neu brofiad a allai gynnwys portffolio sy'n dangos yr hyn y maent wedi'i wneud
• Unrhyw un o Sgiliau Hanfodol Cymru neu Sgiliau Allweddol Ehangach Cymru
• Prentisiaeth Sylfaen y Swyddfa Draffig
• Prentisiaeth Sylfaen Warysau a Storio
• Prentisiaeth Sylfaen Gyrru Cerbydau Nwyddau
• Prentisiaeth Sylfaen Gweithrediadau Masnachu a Logisteg Rhyngwladol
• Bagloriaeth Cymru, gan gynnwys y Cymhwyster Prif Ddysgu Busnes Manwerthu sydd â chynnwys logisteg
• Cymhwyster/Cymwysterau galwedigaethol neu academaidd

 Asesiad Cychwynnol

Bydd darparwyr hyfforddiant a chyflogwyr yn defnyddio asesiadau cychwynnol i sicrhau bod ymgeiswyr yn cael cyfle teg i ddangos eu gallu ac i deilwra rhaglenni i ddiwallu anghenion unigol, gan gydnabod cymwysterau a phrofiad blaenorol.

Lefel 3: Gweithrediadau Logisteg - Gweithrediadau Logisteg - Arweinydd Tîm/Goruchwyliwr Adran

Dim byd yn ychwanegol at yr amodau mynediad ar gyfer y llwybr Lefel 2.

Rhaglen(ni) dd/dysgu'r llwybr prentisiaeth

Lefel 2: Gweithrediadau Logisteg – Gweithiwr Logisteg

Lefel 2: Gweithrediadau Logisteg – Gweithiwr Logisteg Cymwysterau

Mae'n rhaid i ddysgwyr gwblhau un o'r cymwysterau cyfun isod.

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd/55 GLH ar gyfer Lefel 1 Cyfathrebu Sgiliau Hanfodol Cymru
• 6 chredyd/55 GLH ar gyfer Lefel 1 Cymhwyso Rhif Sgiliau Hanfodol Cymru
• 6 chredyd/55 GLH ar gyfer Lefel 1 Llythrennedd Digidol Sgiliau Hanfodol Cymru

Lefel 3: Gweithrediadau Logisteg - Arweinydd Tîm/Goruchwyliwr Adran

Lefel 3: Gweithrediadau Logisteg - Arweinydd Tîm/Goruchwyliwr Adran Cymwysterau

Mae'n rhaid i ddysgwyr gwblhau un o'r cymwysterau cyfun isod.

Edrychwch ar Atodiad 2 i weld y berthynas rhwng yr unedau cymhwysedd a gwybodaeth o fewn y cymhwyster cyfun.

Sgiliau Hanfodol Cymru (ESW)

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

21 credyd am gymhwysedd a gwybodaeth.

Cyfanswm yr oriau dysgu sy'n cynnwys hyfforddiant yn y gwaith ac i ffwrdd o'r gwaith ar gyfer y Brentisiaeth Lefel 3 Gweithrediadau Logisteg – Gweithiwr Logisteg yw 393.

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd/55 GLH ar gyfer Lefel 2 Cyfathrebu Sgiliau Hanfodol Cymru
• 6 chredyd/55 GLH ar gyfer Lefel 2 Cymhwyso Rhif Sgiliau Hanfodol Cymru
• 6 chredyd/55 GLH ar gyfer Lefel 2 Llythrennedd Digidol Sgiliau Hanfodol Cymru

Gofynion eraill ychwanegol

Dim

Dilyniant

Dilyniant i'r Brentisiaeth Lefel 2:

Gall hyn fod o ystod eang o lwybrau, gan gynnwys:

• gwaith neu brofiad gwaith
• hyfforddiant (heb ei achredu)
• unrhyw un o Sgiliau Hanfodol Cymru neu Sgiliau Allweddol Ehangach Cymru
• Bagloriaeth Cymru, gan gynnwys unrhyw un o'r Cymwysterau Prif Ddysgu (14-19), yn enwedig Busnes Manwerthu sydd â chynnwys logisteg
• cymhwyster/cymwysterau galwedigaethol neu academaidd

Dilyniant o'r Brentisiaeth Lefel 2:

Prentisiaethau mewn unrhyw un o'r canlynol:

• Prentisiaeth y Swyddfa Draffig
• Prentisiaeth Gweithrediadau Logisteg
• Prentisiaeth Gyrru Cerbydau Nwyddau
• Prentisiaeth Warysau a Storio

I mewn i swydd fel Aelod o Dîm y Swyddfa Draffig, Prif Yrrwr, Uwch-weithiwr Warws neu gyda datblygiad a hyfforddiant pellach e.e. rhaglen ddatblygu fewnol/allanol (DPP) wedi'i hachredu/heb ei hachredu i'r swyddi canlynol:

• Rheolwr Warws
• Rheolwr Cludiant

Ar ôl hyfforddiant a datblygiad pellach i'r rhai sy'n dewis gwneud hynny:

• Gradd sylfaen mewn logisteg, cynllunio cludiant, gweithrediadau logisteg a gweinyddu.

Dilyniant i'r Brentisiaeth Lefel 3:

Gall hyn fod o ystod eang o lwybrau, gan gynnwys:

• gwaith neu brofiad gwaith
• hyfforddiant (heb ei achredu)
• Prentisiaeth Sylfaen Gweithrediadau Logisteg
• Prentisiaeth Sylfaen y Swyddfa Draffig
• Prentisiaeth Sylfaen Warysau a Storio
• Prentisiaeth Sylfaen Gyrru Cerbydau Nwyddau
• Prentisiaeth Sylfaen Gweithrediadau Masnachu a Logisteg Rhyngwladol
• unrhyw un o Sgiliau Hanfodol Cymru neu Sgiliau Allweddol Ehangach Cymru
• Bagloriaeth Cymru, gan gynnwys y Cymhwyster Prif Ddysgu Busnes Manwerthu sydd â chynnwys logisteg
• cymhwyster/cymwysterau galwedigaethol neu academaidd

Dilyniant o'r Brentisiaeth Lefel 3:

Prentisiaethau mewn unrhyw un o'r canlynol:

• Prentisiaeth Uwch Rheoli Prynu a Chyflenwi

I mewn i swydd fel Arweinydd Tîm Gweithrediadau Warysau neu gyda datblygiad a hyfforddiant pellach e.e. rhaglen ddatblygu fewnol/allanol (DPP) wedi'i hachredu/heb ei hachredu i'r swyddi canlynol:

• Rheolwr Warws
• Arbenigwr Cludiant sy'n gyfrifol am bob agwedd ar ddosbarthu a chludo nwyddau

Ar ôl hyfforddiant a datblygiad pellach i'r rhai sy'n dewis gwneud hynny:

• Gradd sylfaen mewn logisteg, cynllunio cludiant, gweithrediadau logisteg a gweinyddu.
• Rhaglenni Addysg Uwch megis Rheoli Logisteg a’r Gadwyn Gyflenwi, Busnes a Rheoli

Cydraddoldeb ac Amrywiaeth

Mae'n bwysig bod Llwybrau prentisiaeth yn gynhwysol ac yn gallu dangos dull gweithredol o nodi a chael gwared ar ffactorau sy'n atal mynediad a chynnydd. Dylai Llwybrau hyrwyddo cyfle cyfartal rhwng unigolion sydd â nodweddion gwarchodedig a'r rhai heb y nodweddion hynny, fel y nodir yn Neddf Cydraddoldeb 2010.

Y nodweddion gwarchodedig a nodir yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, beichiogrwydd a mamolaeth. Mae priodas a phartneriaeth sifil hefyd wedi'u cynnwys, ond dim ond yng nghyswllt y gofyniad i gael gwared ar wahaniaethu mewn cyflogaeth.

RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall dan Ddeddf Cydraddoldeb 2010 i sicrhau nad ydynt yn gwahaniaethu yn erbyn ymgeiswyr o ran mynediad i'r diwydiant ar sail y naw nodwedd warchodedig hynny.

Dynion gwyn yn bennaf sydd yng ngweithlu'r Diwydiant Logisteg ac, er gwaethaf cynnydd yn ystod y blynyddoedd diwethaf, nid yw menywod, pobl Ddu, Asiaidd ac Ethnig Leiafrifol a phobl ag anhawster dysgu neu anabledd yn cael eu denu i'r diwydiant ac wrth i’r gweithlu cyfredol heneiddio, mae angen mwy o bobl i lenwi ystod o rolau logisteg.

Fodd bynnag, mae'r Diwydiant Warysau yn denu mwy o fenywod gan fod cyfleoedd ar gyfer gwaith rhan-amser a gweithio shifft hyblyg.

Mae ymwybyddiaeth o Logisteg fel proffesiwn yn cael ei chodi drwy Gymhwyster Prif Ddysgu Bagloriaeth Cymru mewn Busnes Manwerthu, sydd â chynnwys logisteg, a thrwy daflenni hyrwyddo wedi'u hanelu at bobl ifanc 14 – 19 oed mewn ysgolion. Mae'r taflenni hyn yn cynnwys "Getting more girls into Logistics and Retail" a fydd yn helpu i hyrwyddo'r amrywiaeth o swyddi mewn logisteg.

Mae mentrau eraill sy'n ceisio denu ymgeiswyr o boblogaeth amrywiol a ddatblygwyd gan Skills for Logistics yn cynnwys:

• Gwefan gyrfaoedd Delivering your Future sy'n dangos rolau nad ydynt yn stereoteipiau www.deliveringyourfuture.co.uk
• Made in China - adnodd addysgu am ddim i gefnogi Mathemateg a Menter mewn ysgolion gan ddefnyddio taith chwaraewr MP3 o Tsieina i'r DU. http://www.madeinchinaresources.co.uk/

Ystyrir bod prentisiaethau yn ffordd hanfodol o annog a hwyluso mwy o amrywiaeth o unigolion i mewn i’r Sector Logisteg ac mae cynlluniau gweithredu ar waith i gynyddu nifer y Prentisiaethau o leiaf 10% bob blwyddyn. Mae'r camau i gynyddu’r nifer o bobl sy’n dod i mewn i’r sector a chynyddu amrywiaeth yn y gweithlu Logisteg yn cynnwys:

• Amodau mynediad hyblyg ar gyfer y llwybr hwn i ddenu ystod eang o ymgeiswyr Ymgorffori canllawiau ar asesiad cychwynnol i sicrhau nad yw'r llwybr yn gwahaniaethu yn erbyn ymgeiswyr i'r llwybr hwn.
• Cysylltiadau â'r Ganolfan Byd Gwaith, gan hyrwyddo logisteg fel llwybr gyrfa.
• Hyrwyddo cynnwys logisteg yn y cwricwlwm drwy'r Sefydliad Siartredig Logisteg a Thrafnidiaeth (CILTUK).
• Datblygu rhaglen mynediad at gyflogaeth wedi'i hanelu at grwpiau anodd eu cyrraedd. Codi proffil Logisteg mewn digwyddiadau gyrfaoedd.

Mae Skills for Logistics yn disgwyl i ddarparwyr a chyflogwyr gadw at Ddeddf Cydraddoldeb 2010 i sicrhau na wahaniaethir yn erbyn ymgeiswyr o ran mynediad i'r sector a dyrchafiad o fewn y sector

Bydd Skills for Logistics yn monitro'r nifer sy'n penderfynu dilyn pob Prentisiaeth, ac yn eu cyflawni, ac yn cymryd camau i fynd i'r afael ag unrhyw rwystrau i ddilyn prentisiaethau a'u cyflawni fel rhan o'n Strategaeth Cymwysterau Sector.

Cyfrifoldebau a hawliau cyflogaeth (CHC)

Nid yw Cyfrifoldebau a Hawliau Cyflogaeth (CHC) yn orfodol mwyach. Fodd bynnag, mae'n ofynnol cynnal CHC.

Rhaid i bob Prentis Sylfaen dderbyn hyfforddiant sefydlu i'r gweithle ac i'r rhaglen Brentisiaeth. Bydd CHC yn cael ei gynnwys drwy Ddyfarniad FfCCh ar wahân o'r enw Hawliau a Chyfrifoldebau Gweithwyr yn y Diwydiant Logisteg, a fydd yn sicrhau bod y Prentis yn gwybod ac yn deall pob un o'r naw canlyniad cenedlaethol ar gyfer CHC fel a ganlyn:

1. Yr ystod o hawliau a chyfrifoldebau statudol cyflogwyr a gweithwyr o dan gyfraith cyflogaeth a’r ffaith y gall deddfwriaeth arall effeithio ar hawliau cyflogaeth hefyd. Dylai hyn gynnwys hawliau a chyfrifoldebau'r prentis o dan y Ddeddf Gwahaniaethu ar sail Anabledd, deddfwriaeth cydraddoldeb berthnasol arall ac iechyd a diogelwch, ynghyd â dyletswyddau cyflogwyr.
2. Gweithdrefnau a dogfennau sy'n cydnabod ac yn diogelu ei berthynas â'i gyflogwr, gan gynnwys hyfforddiant iechyd a diogelwch a chydraddoldeb ac amrywiaeth fel rhan o'r brentisiaeth
3. Yr ystod o ffynonellau a gwybodaeth a chyngor sydd ar gael iddo ar ei hawliau a'i gyfrifoldebau cyflogaeth, gan gynnwys Mynediad i Waith a Chymorth Dysgu Ychwanegol
4. Y cyfraniad mae ei alwedigaeth yn ei wneud yn ei sefydliad ac yn y diwydiant.
5. Yn meddu ar farn wybodus am y mathau o lwybrau gyrfa sy'n agored iddo.
6. Y mathau o gyrff cynrychiadol a deall eu perthnasedd i'r diwydiant a'r sefydliad a'r prif rolau a chyfrifoldebau.
7. Ble a sut i gael gwybodaeth a chyngor am ei ddiwydiant, ei alwedigaeth, ei hyfforddiant a'i yrfa.
8. Gallu disgrifio a gweithio o fewn egwyddorion a chodau ymarfer eu sefydliad.
9. Gallu cydnabod a llunio barn ar faterion sy'n peri pryder i'r cyhoedd sy'n effeithio ar ei sefydliad a'r diwydiant.

Rhaid cyflwyno tystysgrif cyflawniad y Dyfarniad CHC i Skills for Logistics wrth wneud cais am y dystysgrif cwblhau Prentisiaeth.

Cyfrifoldebau

Cyfrifoldeb y Darparwr Hyfforddiant/Cyflogwr yw sicrhau bod gofynion y Llwybr hwn yn cael eu cyflawni yn unol â Chanllawiau Prentisiaethau Llywodraeth Cymru/Medr.

Gellir cael rhagor o wybodaeth gan: Medr

Diwygiadau dogfennau