Arwain Tîm y Diwydiant Bwyd

Cynnwys y Rhaglen Ddysgu

Bydd darpariaeth y Rhaglen Ddysgu yn cynnwys tair elfen orfodol:

• Cymwysterau,
• Sgiliau Hanfodol
• Hyfforddiant yn y gwaith/i ffwrdd o'r gwaith

Yr isafswm credyd gofynnol ar gyfer Lefel 2 - Llwybr Arwain Tîm yn y Diwydiant Bwyd yw 39 credyd (sef cyfanswm yr hyfforddiant yn y gwaith ac i ffwrdd o'r gwaith ar gyfer yr holl elfennau).

Gofynion mynediad

Dyma rai enghreifftiau:

• Llwybrau academaidd (ee TGAU, Bagloriaeth Cymru)
• Drwy gwblhau cymwysterau galwedigaethol
• Cwblhau cyfnod ar leoliad gyda chyflogwr
• Profiad gwaith
• Hyfforddiant

Efallai y bydd dysgwyr sydd wedi cwblhau Bagloriaeth Cymru wedi cwblhau unedau neu gyrsiau byr a fydd yn cynnwys gwybodaeth danategol tuag at y Brentisiaeth. Bydd hyn yn cael ei asesu yn ystod asesiad cychwynnol, gan ganiatáu Cydnabyddiaeth o Ddysgu Blaenorol (RPL) lle bo'n briodol.

Rhaglen(ni) dd/dysgu'r llwybr prentisiaeth

Lefel 2: Arwain Tîm y Diwydiant Bwyd

Lefel 2: Arwain Tîm y Diwydiant Bwyd Cymwysterau

Mae'n rhaid gyfranogwyr gwblhau'r cymhwyster cyfun isod.

Gweler Atodiad 1 am y berthynas rhwng yr unedau cymhwysedd a gwybodaeth o fewn y cymhwyster cyfun.

Sgiliau Hanfodol Cymru (ESW)

Asesir cymwysterau Sgiliau Hanfodol Cymru yn Gymraeg ac yn Saesneg.

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

Argymhellir y dylai gymryd 12 mis o leiaf i gwblhau'r llwybr.

Cyfanswm gwerth credyd isaf y cymhwyster cymhwysedd a gwybodaeth cyfun: 27 credyd

Sgiliau Hanfodol Cymru (SHC) mewn Cyfathrebu a Chymhwyso Rhif: 12 credyd

Cyfanswm yr oriau hyfforddi isafswm yn y gwaith ac i ffwrdd o'r gwaith: 300 o oriau dysgu

• Cymhwysedd = isafswm o 57 awr
• Gwybodaeth = isafswm o 79 awr
• Sgiliau Hanfodol Cymru (gwerth tybiannol 45 awr x 2) = 90 awr
• Gweithgareddau mentora, hyfforddi a chefnogi 44 wythnos x 1 awr/wythnos = 44 awr
• Mentora yn y swydd = 30 awr

Isafswm Oriau Hyfforddi i Ffwrdd o'r Gwaith = 213 awr

• Elfen wybodaeth - Tystysgrif Lefel 2 Hyfedredd wrth Arwain Tîm Bwyd = 79 awr
• Sgiliau Hanfodol Cymru a Mentora i Ffwrdd o'r Gwaith = 134 awr

Isafswm Oriau Hyfforddi yn y Gwaith = 87 o oriau hyfforddi

• Elfen gymhwysedd - Tystysgrif Lefel 2 Hyfedredd wrth Arwain Tîm Bwyd = 57 awr
• Mentora yn y swydd = 30 awr

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd/45 ODDA Lefel 1 Cyfathrebu Sgiliau Hanfodol Cymru
• 6 chredyd/45 ODDA Lefel 1 Cymhwyso Rhif Sgiliau Hanfodol Cymru

Gofynion eraill ychwanegol

Nid oes unrhyw ofynion ychwanegol ar wahân i'r gofynion mynediad cyffredinol.

Dilyniant

Dilyniant o'r Brentisiaeth Sylfaen mewn Bwyd a Diod (Arwain Tîm y Diwydiant Bwyd):

Dyma rai enghreifftiau:

• I swydd, er enghraifft, fel arweinydd neu oruchwylydd tîm bwyd a diod, arweinydd tîm gweithrediadau, neu arweinydd tîm sifft;
• Dilyniant gyrfa uniongyrchol i Brentisiaeth Lefel 3 mewn Bwyd a Diod (Rheolaeth Dechnegol yn y Diwydiant Bwyd) neu lwybr arall sy'n addas i rôl a chynlluniau gyrfa'r prentis;
• Datblygu i rôl wahanol ar yr un lefel neu'n uwch;
• Lefel 3 Bagloriaeth Cymru.

Bydd llawer o opsiynau gyrfa ar gael i'r Prentis ar ôl cwblhau'r llwybr yn llwyddiannus.

Cydraddoldeb ac Amrywiaeth

Mae'n bwysig bod Llwybrau prentisiaeth yn gynhwysol ac yn gallu dangos sut mae mynd ati'n weithredol i nodi a chael gwared â ffactorau sy'n atal mynediad a dilyniant. Dylai llwybrau hyrwyddo cyfle cyfartal rhwng unigolion a chanddynt nodweddion gwarchodedig a'r rhai nad oes ganddynt y nodweddion hynny, fel y nodir yn Neddf Cydraddoldeb 2010.

Y nodweddion gwarchodedig a nodwyd yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, Beichiogrwydd a mamolaeth. Mae priodas a phartneriaeth sifil hefyd wedi'u cynnwys, ond dim ond yng nghyswllt y gofyniad i gael gwared â gwahaniaethu mewn cyflogaeth.

Mae'n RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall o dan Ddeddf Cydraddoldeb 2010 i sicrhau na wahaniaethir yn erbyn ymgeiswyr yn nhermau mynediad i'r diwydiant ar sail y naw o nodweddion gwarchodedig hynny.

Dynion yn bennaf sy'n gweithio yn y diwydiant bwyd a diod yng Nghymru, ac maent yn cynrychioli dros ddeuparth (68%) y gweithlu; Mae 32% yn fenywod. Mewn cymhariaeth, mae dosbarthiad rhywiau ar draws pob diwydiant yng Nghymru yn fwy cytbwys, gyda 53% yn ddynion a 47% yn ferched. Rhwng 2006 a 2011, cafwyd cynnydd o 7% yng nghyfran y dynion yn y gweithlu (o 13,000 i 13,800) ond gostyngiad o 4% yng nghyfran merched o'r gweithlu (o 6,900 i 6,600). Mae 36% o weithwyr bwyd a diod Cymru oddi mewn i'r grŵp oedran 45 i 54 oed; mae 8% rhwng 30 a 34 oed; a dim ond 17% sydd rhwng 16 a 29 oed. Mae’r grŵp oedran 16 i 29 oed gryn dipyn yn llai na gwledydd eraill y DU. Mewn cymhariaeth, mae 38% o'r gweithlu bwyd a diod yn y grŵp oedran hwn yng Ngogledd Iwerddon; ynghyd â 26% yn Lloegr a 25% yn yr Alban.

Bydd dros ddeuparth (68%) o’r gweithlu presennol yn gymwys i ymddeol yn yr 20 mlynedd nesaf. Mae’r amcangyfrifir bod 3,500 o wladolion y tu allan i’r DU yn gweithio yn niwydiant bwyd a diod Cymru yn 2011 yn werth ei nodi, sef cynnydd o 86% ers 2006. (Skills Insights and Labour Market Facts about the Food and Drink Manufacturing and Processing industry in Wales 2013-2014, Improve Limited 2013)

Mae’r llwybr hwn yn llwybr pwysig i annog mwy o amrywiaeth o fewn y diwydiant ac mae’r camau canlynol yn cael eu cymryd i hyrwyddo cydraddoldeb a chynhwysiant:

• Monitro data yn barhaus er mwyn canfod unrhyw broblemau ac ymyrryd pan fydd angen
• Hyrwyddo'r diwydiant ymhlith cynulleidfa amrywiol drwy ein gwefan gyrfaoedd Gyrfaoedd Blasus www.tastycareers.org.uk a Llysgenhadon Gyrfaoedd Blasus
• Gweithdai prentisiaeth i godi ymwybyddiaeth ynghylch manteision Prentisiaethau ymhlith cyflogwyr

Mae'n rhaid i'r holl bartneriaid sy'n ymwneud â darpariaeth prentisiaethau, gan gynnwys darparwyr hyfforddiant, canolfannau a chyflogwyr, ymrwymo i bolisi cyfle cyfartal, a chael polisïau a gweithdrefnau cadarn ar waith ar gyfer cydraddoldeb ac amrywiaeth.

Cyfrifoldebau a hawliau cyflogaeth (CHC)

Nid yw Cyfrifoldebau a Hawliau Cyflogaeth (CHC) yn orfodol mwyach.  Ond argymhellir bod pob prentis (yn enwedig y grŵp 16-18 oed) yn derbyn rhaglen sefydlu yn y cwmni.

Cyfrifoldebau

Cyfrifoldeb Darparydd yr Hyfforddiant  a'r Cyflogwr yw sicrhau bod gofynion y Llwybr hwn yn cael eu bodloni yn unol â Chanllawiau Prentisiaethau Llywodraeth Cymru/Medr.

Gellir cael rhagor o wybodaeth gan: Medr

Diwygiadau dogfennau