Rheoli Prosiectau

Learning Programme Content

Bydd darpariaeth y Rhaglen Ddysgu yn cynnwys tair elfen orfodol:

• Cymwysterau,
• Sgiliau Hanfodol
• Hyfforddiant yn y gwaith / i ffwrdd o'r gwaith

138 credyd yw'r isafswm credyd gofynnol ar gyfer Llwybr Lefel 4 Rheoli Prosiectau.

Entry requirements

Nid oes unrhyw ofynion mynediad gorfodol ar gyfer y Llwybr Uwch Brentisiaeth hwn.

Fodd bynnag, mae cyflogwyr yn awyddus i ddenu prentisiaid a chanddynt ddiddordeb brwd mewn gyrfa rheoli prosiect, neu brofiad ymarferol o hynny. Yn ogystal â hynny, maen nhw'n disgwyl i ymgeiswyr arddangos agwedd "medru gwneud" a meddu ar sgiliau rhifedd,  llythrennedd a chyfathrebu da yn sail ar gyfer y brentisiaeth.

Bydd ymgeiswyr yn dod o amrywiaeth o gefndiroedd ac yn amrywio o ran profiad, oedran, cyflawniadau personol ac, mewn rhai achosion, cymwysterau a dyfarniadau blaenorol a allai gyfrif tuag at gyflawni Prentisiaeth.

Gallai'r enghreifftiau gynnwys dysgwyr sydd:

• wedi dal swydd gyfrifol mewn ysgol neu goleg
• wedi ennill Dyfarniadau, Tystysgrifau neu Ddiplomas Cymhwyso Rheoleiddio
• wedi ennill cymwysterau TGAU neu Safon Uwch

• wedi cyflawni Bagloriaeth Cymru, gan gynnwys unrhyw Gymwysterau Prif Ddysgu ar lefel sylfaen a lefel uwch

• wedi cwblhau Prentisiaethau Lefel 3 o amrywiaeth eang o sectorau, gan gynnwys Adeiladu, Peirianneg, TG, Telathrebu a Manwerthu
• eisoes wedi ennill cymhwyster rheoli prosiect fel APMP, PMP a PRINCE2©

Apprenticeship pathway learning programme(s)

Nid oes unrhyw ofynion mynediad gorfodol ar gyfer y Llwybr Uwch Brentisiaeth hwn. Fodd bynnag, mae cyflogwyr yn awyddus i ddenu prentisiaid a chanddynt ddiddordeb brwd mewn gyrfa rheoli prosiect, neu brofiad ymarferol o hynny. Yn ogystal â hynny, maen nhw

Nid oes unrhyw ofynion mynediad gorfodol ar gyfer y Llwybr Uwch Brentisiaeth hwn. Fodd bynnag, mae cyflogwyr yn awyddus i ddenu prentisiaid a chanddynt ddiddordeb brwd mewn gyrfa rheoli prosiect, neu brofiad ymarferol o hynny. Yn ogystal â hynny, maen nhw Cymwysterau

Mae'n rhaid i'r cyfranogwyr ennill un o'r cymwysterau cyfun isod.

Edrychwch ar Atodiad 1 i weld y berthynas rhwng yr unedau cymhwysedd a gwybodaeth o fewn y cymhwyster cyfun.

Essential Skills Wales (ESW)

Asesir cymwysterau Sgiliau Hanfodol Cymru yn Gymraeg ac yn Saesneg.

On/Off the Job training

On/Off the Job Qualification details (Minimum Credit & Hours)

120 o gredydau ar gyfer y cymhwyster cymhwysedd a gwybodaeth cyfun, gan gynnwys: isafswm o 30 credyd ar gyfer gwybodaeth ac isafswm o 90 credyd ar gyfer cymhwysedd

Isafswm yr oriau hyfforddi ar gyfer y Brentisiaeth Uwch Rheoli Prosiect yw 853 o oriau.

Disgwylir i'r Brentisiaeth fod yn 24 mis o hyd o leiaf

On/Off the Job Essential Skills details (Minimum Credit & Hours)

• 6 chredyd/60 GLH Lefel 2 Cyfathrebu Sgiliau Hanfodol Cymru
• 6 chredyd/60 GLH Lefel 2 Cymhwyso Rhif Sgiliau Hanfodol Cymru
• 6 chredyd/60 GLH Lefel 2 Llythrennedd Digidol Sgiliau Hanfodol Cymru

Other additional requirements

Amh.

Progression

Lefel 4: Rheoli Prosiectau

Dilyniant i'r Brentisiaeth Uwch Rheoli Prosiectau

Oherwydd yr amrywiaeth yng nghefndiroedd a phrofiadau academaidd a gwaith prentisiaid, gellir defnyddio amrywiaeth eang o lwybrau i symud ymlaen i'r Brentisiaeth Uwch hon. Gallai'r llwybrau hynny gynnwys:

• bod wedi cwblhau Prentisiaeth Lefel 3 mewn ystod o sectorau, gan gynnwys Adeiladu, Peirianneg, TG, Telathrebu a Manwerthu
• wedi ennill Dyfarniadau, Tystysgrifau neu Ddiplomas Cymhwyso Rheoleiddio  sector-benodol neu faes yn gysylltiedig â busnes
• wedi ennill cymwysterau TGAU neu Safon Uwch
• wedi cyflawni Bagloriaeth Cymru, gan gynnwys unrhyw Gymwysterau Prif Ddysgu ar lefel sylfaen a lefel uwch
• wedi ennill cymhwyster rheoli prosiect fel APMP, PMP, a PRINCE2©

Gall dysgwyr hefyd symud ymlaen i'r brentisiaeth uwch heb gymwysterau blaenorol.

Dilyniant o'r Brentisiaeth Uwch Rheoli Prosiect

Gyda chymorth a chyfleoedd yn y gweithle, gall prentisiaid uwch symud ymlaen i:

• ystod o gymwysterau Rheoli Prosiect a chymwysterau eraill, gan gynnwys cymwysterau ar lefel 5 ac uwch, a chymwysterau wedi'u hachredu'n rhyngwladol
• addysg uwch i ddilyn cymwysterau Rheoli Prosiect neu gymwysterau eraill, gan gynnwys Graddau neu Raddau Meistr Rheoli Prosiect
• Cyfleoedd am gyflogaeth bellach o fewn eu rôl swydd gyfredol/rolau swydd eraill
• Aelodaeth gysylltiol o gyrff proffesiynol, gan gynnwys y Gymdeithas Rheoli *rosiectau (APM)

Gyda hyfforddiant ychwanegol, efallai y bydd prentisiaid uwch yn gallu symud ymlaen yn eu gyrfa i rolau Rheoli Prosiectau uwch.

Equality and diversity

Mae'n bwysig bod Llwybrau prentisiaeth yn gynhwysol ac yn gallu dangos dull gweithredol o nodi a chael gwared â ffactorau sy'n atal mynediad a dilyniant. Dylai llwybrau hyrwyddo cyfle cyfartal rhwng unigolion a chanddynt nodweddion gwarchodedig a'r rhai nad oes ganddynt y nodweddion hynny, fel y nodir yn Neddf Cydraddoldeb 2010.

Y nodweddion gwarchodedig a nodwyd yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, beichiogrwydd a mamolaeth. Mae priodas a phartneriaeth sifil hefyd wedi'u cynnwys, ond dim ond yng nghyswllt y gofyniad i gael gwared â gwahaniaethu mewn cyflogaeth.

Mae'n RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall o dan Ddeddf Cydraddoldeb 2010 i sicrhau na wahaniaethir yn erbyn ymgeiswyr yn nhermau mynediad i'r diwydiant ar sail y naw o nodweddion gwarchodedig hynny.

Yn ôl y Swyddfa Ystadegau Gwladol, merched yw tua 30% o weithwyr proffesiynol Rheoli Prosiect y DU a dynion yw tua 70% ohonynt. Mae 25% o reolwyr prosiect yn 18-34 oed, 9% rhwng 35 a 49 oed, 26% yn 50 oed neu'n hŷn (Ffynhonnell: Arras People Project Management Benchmark Report, 2012).

Ystyrir bod prentisiaethau yn llwybr hanfodol i hyrwyddo ac annog carfan amrywiol o unigolion i ymuno â'r byd Rheoli Prosiectau.

Nid yw'r amodau er mwyn cael mynediad i'r Llwybr hwn yn gwahaniaethu yn erbyn unrhyw unigolion, ac mae'r Llwybr ar agor ac yn hygyrch i bob darpar brentis.

Bydd mentora hefyd yn cael ei hyrwyddo o fewn y Brentisiaeth, er mwyn cynnig cymorth ychwanegol a chynyddu'r tebygolrwydd y bydd prentisiaid yn aros. 

Er ei bod hi'n anodd amcangyfrif beth yw union faint y gweithlu rheoli prosiect gan fod dosbarthiad rheoli prosiect ar draws y gwahanol ddiwydiannau'n amrywio,

amcangyfrifir bod 80,000 o reolwyr prosiect yn y DU yn 2011 (Ffynhonnell: Arras People Project Management Benchmark Report, 2011).

Rhagwelir y bydd demograffeg Prentisiaid Rheoli Prosiect yn debyg i Brentisiaid Rheoli, oherwydd tebygrwydd rhwng y cynulleidfaoedd targed, a natur draws-sector y naill Brentisiaeth a'r llall.

Mewn ystadegau diweddar a gynhyrchwyd gan y Sefydliad Astudiaethau Cyflogaeth, dangosir mai merched yn bennaf sy'n dechrau Prentisiaethau Rheoli (63.3% o'r holl ddechreuwyr).

9.8% yw canran y prentisiaid Du, Asiaidd a Lleiafrifol Ethnig, sydd yn cyd-fynd yn fras â chyfran y boblogaeth gyfan. Mae 10.3% o ddechreuwyr prentisiaeth Rheoli wedi'u cofnodi'n anabl (sy'n uwch na'r niferoedd cynrychioliadol cenedlaethol), tra bod anableddau dysgu wedi'u cofnodi ymhlith 3.4% o brentisiaid, sydd yn dangynrychiolaeth wrth gymharu â'r boblogaeth gyfan.

Drwy ei Grwpiau Cynghori, mae Instructus Skills yn parhau i fonitro'r nifer sy'n manteisio ar yr holl Brentisiaethau ac yn eu cwblhau, ac yn parhau i gymryd camau i ymdrin ag unrhyw rwystrau sy'n atal defnydd a chyflawniad yn rhan o'i Strategaeth Cymwysterau (Chwefror 2018).

Employment responsibilities and rights

Nid yw Cyfrifoldebau a Hawliau Cyflogaeth (CHC) yn orfodol mwyach.  Ond argymhellir bod pob prentis (yn enwedig y grŵp 16-18 oed) yn derbyn rhaglen sefydlu yn y cwmni.

Responsibilities

Cyfrifoldeb Darparydd yr Hyfforddiant a'r Cyflogwr yw sicrhau bod gofynion y Llwybr hwn yn cael eu cyflawni'n unol â Chanllawiau Prentisiaethau Llywodraeth Cymru.

Ceir rhagor o wybodaeth gan: Llywodraeth Cymru

DfES-ApprenticeshipUnit@llyw.cymru

Document revisions