Rheoli Adnoddau Dynol

Learning Programme Content

Bydd darpariaeth y Rhaglen Ddysgu yn cynnwys tair elfen orfodol:

• Cymwysterau,
• Sgiliau Hanfodol
• Hyfforddiant yn y gwaith/i ffwrdd o'r gwaith

60 credyd yw'r isafswm credyd gofynnol ar gyfer Llwybr Lefel 5 Rheoli Adnoddau  Dynol.

Entry requirements

Mae'r Llwybr Prentisiaeth Rheoli Adnoddau Dynol ar agor i rai sydd heb brofiad AD blaenorol yn ogystal â rhai sy'n gweithio ym maes AD.

Bydd angen i brentis AD feddu ar lefelau da o rifedd a llythrennedd, yn ogystal â diddordeb cryf yn yr hyn sy'n peri i fusnes lwyddo, a sut i gael y gorau o bobl. Mae sgiliau dadansoddi da a'r gallu i weithio gyda chydweithwyr i ennyn eu hymddiriedaeth a'u parch hefyd yn bwysig.

Mae'r CIPD wedi nodi wyth ymddygiad sy'n allweddol er mwyn llwyddo mewn AD. Dyma nhw:

• chwilfrydedd
• meddyliwr pendant
• dylanwadwr medrus
• ysgogiad i gyflawni
• yn gallu cydweithio 
• dewrder i herio
• bod yn esiampl
• hygrededd personol

Wrth recriwtio prentisiaid AD, dylid defnyddio prosesau sy'n asesu addasrwydd ymgeisydd i weithio ym maes AD, yn ogystal â'i gyflawniadau addysgol.

Apprenticeship pathway learning programme(s)

Lefel 5: Rheoli Adnoddau Dynol

Lefel 5: Rheoli Adnoddau Dynol Cymwysterau

Mae'n rhaid i'r cyfranogwyr ennill un o'r cymwysterau cyfun isod.

Edrychwch ar Atodiad 1 i weld y berthynas rhwng yr unedau cymhwysedd a gwybodaeth o fewn y cymwysterau cyfun.

Essential Skills Wales (ESW)

Asesir cymwysterau Sgiliau Hanfodol Cymru yn Gymraeg ac yn Saesneg.

On/Off the Job training

On/Off the Job Qualification details (Minimum Credit & Hours)

Diploma Lefel 5 CIPD Cysylltiol mewn Rheoli Pobl - 42 credyd

Diploma Lefel 5 CIPD mewn Dysgu a Datblygu Sefydliadol - 42 credyd

Isafswm yr oriau hyfforddi ar gyfer y Brentisiaeth Rheoli Adnoddau Dynol yw 717 o oriau.

Disgwylir i'r Brentisiaeth fod yn 12 mis o hyd o leiaf.

On/Off the Job Essential Skills details (Minimum Credit & Hours)

• 6 chredyd/60 GLH Lefel 2 Cyfathrebu Sgiliau Hanfodol Cymru
• 6 chredyd/60 GLH Lefel 2 Cymhwyso Rhif Sgiliau Hanfodol Cymru
• 6 chredyd/60 GLH Lefel 2 Llythrennedd Digidol Sgiliau Hanfodol Cymru

Other additional requirements

Mae Diploma Lefel 5 CIPD yn mynnu bod dysgwyr yn 18 oed o leiaf. Sefydlwyd y gofyniad hwn oherwydd lefel yr aeddfedrwydd sydd ei hangen i reoli materion AD sensitif.

Progression

Lefel 5: Rheoli Adnoddau Dynol

Oherwydd yr amrywiaeth yng nghefndiroedd a phrofiadau academaidd a gwaith prentisiaid, gellir defnyddio nifer fawr o lwybrau i symud ymlaen i'r Brentisiaeth Uwch mewn Rheoli Adnoddau Dynol.

Llwybrau dilyniant i'r Brentisiaeth Uwch mewn Rheoli AD ar Lefel 5:

• Prentisiaeth Uwch mewn Busnes a Gweinyddu neu Reoli;
• Prentisiaeth Uwch mewn Busnes a Gweinyddu neu Reoli Proffesiynol;
• Dyfarniadau, Tystysgrifau neu Ddiplomas Cymhwyso Rheoleiddio AD neu feysydd yn gysylltiedig â busnes; cymwysterau TGAU;
• Bagloriaeth Cymru, gan gynnwys unrhyw un o'r Cymwysterau Prif Ddysgu ar lefel sylfaen a lefel uwch;
• cymwysterau Safon Uwch neu gyfwerth;
• cymwysterau CIPD blaenorol, fel Tystysgrif Sylfaen Lefel 3 neu Ddiploma mewn
• Ymarfer Adnoddau Dynol.

Llwybrau dilyniant o'r Brentisiaeth Uwch mewn Rheoli Adnoddau Dynol ar Lefel 5:

• Graddau israddedig ac ôl-radd mewn Rheoli AD neu feysydd yn gysylltiedig â busnes;
• Diploma Uwch Lefel 7 CIPD mewn Rheoli AD;
• Rolau rheolwr/cynghorydd AD, cyffredinol neu arbenigol;
• Aelodaeth siartredig o'r Sefydliad Siartredig Personél a Datblygu (CIPD).

Equality and diversity

Mae'n bwysig bod Llwybrau prentisiaeth yn gynhwysol ac yn gallu dangos dull gweithredol o nodi a chael gwared â ffactorau sy'n atal mynediad a dilyniant. Dylai llwybrau hyrwyddo cyfle cyfartal rhwng unigolion a chanddynt nodweddion gwarchodedig a'r rhai nad oes ganddynt y nodweddion hynny, fel y nodir yn Neddf Cydraddoldeb 2010.

Y nodweddion gwarchodedig a nodwyd yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, beichiogrwydd a mamolaeth. Mae priodas a phartneriaeth sifil hefyd wedi'u cynnwys, ond dim ond yng nghyswllt y gofyniad i gael gwared â gwahaniaethu mewn cyflogaeth.

Mae'n RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall o dan Ddeddf Cydraddoldeb 2010 i sicrhau na wahaniaethir yn erbyn ymgeiswyr yn nhermau mynediad i'r diwydiant ar sail y naw o nodweddion gwarchodedig hynny.

Yn ôl y Swyddfa Ystadegau Gwladol, merched yw dros ddeuparth o weithwyr proffesiynol Adnoddau Dynol y DU, a dynion yw ychydig yn llai na thraean ohonynt.

Mae CIPD yn gweithio i fynd i'r afael â chanfyddiadau mai gyrfa i ferched yw gyrfa ym maes AD, drwy ddangos esiamplau o yrfaoedd gweithwyr proffesiynol AD o amrywiaeth o gefndiroedd. Bydd y dull hwn yn parhau wrth hyrwyddo'r brentisiaeth uwch.

Mae AD yn gynyddol yn troi'n yrfa i raddedigion. Bydd y brentisiaeth uwch yn agor llwybr newydd i'r proffesiwn i unigolion talentog nad ydynt eisiau mynd i'r brifysgol, ond sydd am ganlyn gyrfa broffesiynol mewn AD.

Nid yw'r amodau er mwyn cael mynediad i'r Llwybr hwn yn gwahaniaethu yn erbyn unrhyw unigolion, ac mae'r Llwybr ar agor ac yn hygyrch i bob darpar brentis.

Bydd mentora hefyd yn cael ei hyrwyddo o fewn y brentisiaeth, er mwyn cynnig cymorth ychwanegol a chynyddu'r tebygolrwydd y bydd prentisiaid yn aros.

Mae Instructus Skills yn monitro cyflawniad a'r defnydd o'r holl brentisiaethau, a bydd yn cymryd camau i fynd i'r afael ag unrhyw rwystrau sy'n atal defnydd a chyflawniad (Chwefror 2018).

Employment responsibilities and rights

Nid yw Cyfrifoldebau a Hawliau Cyflogaeth (CHC) yn orfodol mwyach.  Ond argymhellir bod pob prentis yn derbyn rhaglen sefydlu yn y cwmni.

Responsibilities

Cyfrifoldeb Darparydd yr Hyfforddiant  a'r Cyflogwr yw sicrhau bod gofynion y Llwybr hwn yn cael eu cyflawni'n unol â Chanllawiau Prentisiaethau Llywodraeth Cymru.

Ceir rhagor o wybodaeth gan: Llywodraeth Cymru

DfES-ApprenticeshipUnit@llyw.cymru

Document revisions