Cynnal a Chadw ac Atgyweirio Cerbydau

Framework:

Cynnal a Chadw ac Atgyweirio Cerbydau

Lefel:

2/3/4

---

Mae Prentisiaeth Cynnal a Chadw ac Atgyweirio Cerbydau Lefel 2 a 3 yn cynnwys atgyweirio a chynnal a chadw pob math o gerbydau. Byddwch yn cynnal gwaith cynnal a chadw rheolaidd ac atgyweiriadau sylfaenol, ynghyd â nodi a rhoi gwybod am ddiffygion.

Fel prentis, byddwch yn dysgu sut i ddiagnosio, profi ac atgyweirio cerbydau amrywiol, gan gynnwys cerbydau ysgafn a thrwm, trelars, beiciau modur, carafanau a chartrefi modur.

Gallech weithio i ddelwriaewth a chanolbwyntio ar wneuthurwr penodol, neu weithio i garej annibynnol sy’n delio â gwneuthurwyr cerbydau amrywiol.

Mae atgyweirio cerbydau yn waith ymarferol gyda phob cerbyd yn dod â phroblem newydd. Bydd gofyn i chi gyflawni tasgau anodd yn fanwl-gywir ac yn fedrus felly mae deheurwydd llaw yn hollbwysig. Bydd disgwyl i chi hefyd drin cyfarpar trwm a sefyll am gyfnodau maith gydol eich diwrnod gwaith.

Bydd hefyd angen sgiliau cyfathrebu da arnoch er mwyn egluro popeth yn glir i’r cwsmer.

Ar ôl cwblhau’r llwybr, gallwch symud ymlaen i Brentisiaeth Lefel Uwch Lefel 4 lle byddwch yn dysgu sut i fod yn rheolwr tro cyntaf effeithiol mewn gweithdy cynnal a chadw neu atgyweirio.

Opsiynau a lefelau llwybrau

Mwy o wybodaeth

Hyd

Lefel 2: 22 mis

Lefel 3: 18 mis

Lefel 4: 18 mis

Llwybrau dilyniant

Lefel 2 Mae’r llwybrau’n cynnwys:

• Cyflogaeth
• Prentisiaeth (Lefel 3) mewn Cynnal a Chadw ac Atgyweirio Cerbydau (unrhyw lwybr)
• Addysg Bellach ac Uwch – Diploma Lefel 3/Diploma Estynedig

Lefel 3 Mae’r llwybrau’n cynnwys:

• Cyflogaeth

• Prentisiaeth Uwch (Lefel 4) mewn Cynnal a Chadw ac Atgyweirio
• Gradd sylfaen
• Rhaglenni Addysg Uwch fel rhaglenni MEng a BEng mewn Cerbydau Modur.

Lefel 4 Mae’r rolau’n cynnwys

• Cyflogaeth

• Prentisiaeth Uwch (Lefel 5) mewn Cynnal a Chadw ac Atgyweirio
• Gradd sylfaen er enghraifft, mewn Peirianneg Fodurol neu Dechnoleg Fodurol
• Rhaglenni Addysg Uwch fel rhaglenni MEng a BEng Peirianneg Fodurol.

Cymwysterau

Lefel 2: Diploma mewn llwybr o’ch dewis.

Lefel 3: Diploma mewn llwybr o’ch dewis

Diploma estynedig lefel 3 (Llwybr 6)

Lefel 4: Tystysgrif mewn Diagnosteg Cerbydau a Rheoli Uwch

Beth yw'r gofynion mynediad ar gyfer y llwybr hwn?

Mae gan bob llwybr prentisiaeth yng Nghymru ofynion mynediad. Os oes gennych ddiddordeb mewn dilyn y llwybr hwn – mae angen i chi gael y cymhwyster lefel mynediad canlynol;

Lefel 2

Mae gofynion mynediad yn hyblyg ac mae gan y rhan fwyaf o gyflogwyr ddiddordeb penodol mewn ymgeiswyr a all ddangos agwedd hyderus a phositif a pharodrwydd i weithio’n galed.

Mae sgiliau cyfathrebu da yn hanfodol ynghyd â dealltwriaeth o bwysigrwydd darparu gwasanaeth cwsmeriaid rhagorol. Mae prawf dallineb lliw yn orfodol i’r rhai sydd am weithio gyda systemau trydanol.

Lefel 2: Dim gofynion mynediad penodol.

Lefel 3

Lefel 3: Dim gofynion mynediad penodol ar gyfer y rhan fwyaf o lwybrau, ac eithrio Llwybr 6: Carafán a Chartref Modur lle bydd angen i unigolion fod â diddordeb mewn hyfforddiant ‘aml-sgiliau’ oherwydd bydd yn gweithio ar systemau amrywiol, gan gynnwys mecaneg, siasi, brêcs, nwy, plymio, gwaith saer/gwaith coed, electroneg a thechnoleg cyfathrebu yn defnyddio systemau diagnostig a lloeren yn y cerbyd.

Lefel 4

Lefel 4: Cwblhau Prentisiaeth (Lefel 3) mewn Cynnal a Chadw ac Atgyweirio Cerbydau neu gyda phrofiad blaenorol o weithio yn y diwydiant cerbydau modur neu beirianneg ar Lefel 3.

Gweld llwybr llawn

---

Diwygiadau dogfennau