Llyfrgelloedd, Archifau, Cofnodion a Gwasanaethau Rheoli Gwybodaeth

Cynnwys y Rhaglen Ddysgu

Bydd darpariaeth y Rhaglen Ddysgu yn cynnwys tair elfen orfodol:

• Cymwysterau,
• Sgiliau Hanfodol
• Hyfforddiant yn y gwaith/i ffwrdd o'r gwaith

45 credyd yw'r isafswm credyd gofynnol ar gyfer Llwybr Lefel 3 Llyfrgelloedd, Archifau, Cofnodion a Gwasanaethau Rheoli Gwybodaeth.

Gofynion mynediad

Nid oes unrhyw ofynion penodol o ran mynediad. Er hynny, byddai'n fanteisiol i ddechreuwyr fod wedi cwblhau unrhyw un o'r canlynol:

• Rhaglenni astudio dysgu sylfaen;
• Unrhyw waith neu hyfforddiant blaenorol perthnasol mewn meysydd sy'n gysylltiedig â llyfrgelloedd, archifau, cofnodion a gwasanaethau rheoli gwybodaeth, gan gynnwys gwaith gwirfoddol.

 Bydd angen i'r rhai a dderbynnir i'r Brentisiaeth Sylfaen hefyd fod:

•  â diddordeb mewn gweithio yn y sector;
• â chymhelliant i gwblhau'r brentisiaeth yn llwyddiannus;
• yn barod i fod yn drefnus;
• yn barod i ddysgu a chymhwyso'r hyn a ddysgwyd yn y gwaith;
• yn barod ac yn gallu cyfathrebu'n effeithiol ag amrywiaeth o bobl; yn rhifog, yn llythrennog, a gallu defnyddio TGCh.

Rhaglen(ni) dd/dysgu'r llwybr prentisiaeth

Lefel 3: Llyfrgelloedd, Archifau, Cofnodion a Gwasanaethau Rheoli Gwybodaeth

Lefel 3: Llyfrgelloedd, Archifau, Cofnodion a Gwasanaethau Rheoli Gwybodaeth Cymwysterau

Mae'n rhaid gyfranogwyr gwblhau'r cymhwyster cyfun isod.

Edrychwch ar Atodiad 1 i weld y berthynas rhwng yr unedau cymhwysedd a gwybodaeth o fewn y cymhwyster cyfun.

Sgiliau Hanfodol Cymru (ESW)

Ieithoedd asesu cymwysterau Sgiliau Hanfodol Cymru yw Cymraeg a Saesneg.

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

Diploma Lefel 3 mewn Gwasanaeth Llyfrgelloedd, Archifau a Gwybodaeth - O leiaf 45 credyd/415 GLH dros gyfnod o 16 mis.

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd/60 GLH Lefel 2 Cyfathrebu Sgiliau Hanfodol Cymru
• 6 chredyd/60 GLH Lefel 2 Cymhwyso Rhif Sgiliau Hanfodol Cymru
• 6 chredyd/60 GLH Lefel 2 Llythrennedd Digidol Sgiliau Hanfodol Cymru

Gofynion eraill ychwanegol

Gallai'r Brentisiaeth gynnwys gweithio gyda phlant/pobl ifanc ac/neu oedolion agored i niwed, felly bydd yn rhaid i ddechreuwyr fod yn barod i dderbyn gwiriad y Swyddfa Cofnodion Troseddol (DBS).

Dilyniant

Gall llwybrau dilyniant i'r Brentisiaeth gynnwys:

• Chymwysterau academaidd (ee, Bagloriaeth Cymru, cymwysterau TGAU a Safon Uwch);
• Cymwysterau galwedigaethol (gan gynnwys Prentisiaethau a Dysgu Sylfaen); ac
• Unrhyw waith, hyfforddiant neu gyfnod gwirfoddoli perthnasol arall

Llwybrau dilyniant allan o'r Brentisiaeth

Mae'r Brentisiaeth hon yn creu sylfaen gadarn i bobl gael dysgu a datblygu eu gyrfa ymhellach yn y sector Llyfrgelloedd, Archifau, Cofnodion a Gwasanaethau Rheoli Gwybodaeth, gan gynnwys dilyniant i gyrsiau a chymwysterau lefel uwch a rolau lefel uwch. Gallai enghreifftiau o gyrsiau lefel uwch ac/neu gyfleoedd Addysg Uwch gynnwys (ymhlith eraill) graddau sylfaen, graddau proffesiynol a chymwysterau ôl-radd yn y sector Llyfrgelloedd, Archifau, Cofnodion a Gwasanaethau Rheoli Gwybodaeth, a chymwysterau a dyfarniadau proffesiynol gan gyrff eraill fel y Gymdeithas Amgueddfeydd, y Gymdeithas Rheoli Cofnodion a Chymdeithas Cyfrifiaduron Prydain.

Cyflwynwyd 'Ardystiad', dyfarniad proffesiynol CILIP, ym mis Ebrill 2005. Mae'n cydnabod y cyfraniad a wneir at waith llyfrgelloedd a gwybodaeth gan weithwyr parabroffesiynol. Bydd ymgeiswyr llwyddiannus yn cael eu derbyn i'r Gofrestr o Aelodau Ardystiedig ac yn derbyn y llythrennau ACLIIP ar ôl eu henw. Ystyr y llythrennau yw Certified Affiliate of CILIP (Aelod Ardystiedig o CILIP).

Disgwylir y bydd bron pob prentis yn datblygu ei yrfa drwy ddatblygiad a dilyniant pellach, a bod cyfleoedd i gyflawni hynny ar gael ar draws yr holl sectorau diwydiant.

Cydraddoldeb ac Amrywiaeth

Mae'n bwysig bod Llwybrau prentisiaeth yn gynhwysol ac yn gallu arddangos dull gweithredol o nodi a chael gwared â ffactorau sy'n atal mynediad a dilyniant. Dylai llwybrau hyrwyddo cyfle cyfartal rhwng unigolion a chanddynt nodweddion gwarchodedig a'r rhai nad oes ganddynt y nodweddion hynny, fel y nodir yn Neddf Cydraddoldeb 2010.

Y nodweddion gwarchodedig a nodwyd yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, Beichiogrwydd a mamolaeth. Mae priodas a phartneriaeth sifil hefyd wedi'u cynnwys, ond dim ond yng nghyswllt y gofyniad i gael gwared â gwahaniaethu mewn cyflogaeth.

Mae'n RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall o dan Ddeddf Cydraddoldeb 2010 i sicrhau na wahaniaethir yn erbyn ymgeiswyr yn nhermau mynediad i'r diwydiant ar sail y naw o nodweddion gwarchodedig hynny

Mae Llyfrgelloedd, Archifau, Cofnodion a Gwasanaethau Rheoli Gwybodaeth (LARIMS) yn dathlu ac yn rhoi gwerth ar gyfraniadau gwahanol unigolion, grwpiau a chymunedau ac yn ymrwymo i'w cefnogi a'u hyrwyddo. Mae addysg a hyfforddiant ar gyfer LARIMS wedi ymrwymo i gael gwared â gwahaniaethu, i hyrwyddo cyfle cyfartal i bawb sy'n cymryd rhan ac i feithrin perthnasoedd da rhwng grwpiau amrywiol.

Ceir rhai problemau allweddol yn gysylltiedig â recriwtio a chadw o fewn y sector LARIMS. Yn fwy penodol, ceir tangynrychiolaeth o grwpiau lleiafrifol ethnig o fewn y sector. Un o'r prif flaenoriaethau felly fydd defnyddio'r Llwybr Prentisiaeth er mwyn helpu i hyrwyddo LARIMS fel opsiwn gyrfa ymhlith grwpiau amrywiol nad ydynt o bosib wedi cael eu denu i'r maes gwaith hwn yn y gorffennol, ac annog cyfranogiad ymhlith amrywiaeth ehangach o grwpiau o ddysgwyr. Bydd amodau mynediad hyblyg hefyd yn helpu i ddenu ymgeiswyr o grwpiau wedi'u tangynrychioli, gan greu potensial drwy hynny am weithlu mwy amrywiol.

Mae'r egwyddorion cydraddoldeb ac amrywiaeth yn berthnasol i'r holl systemau a gweithdrefnau hynny, y mae potensial iddynt wahaniaethu yn erbyn prentisiaid ar unrhyw bryd yn ystod y rhaglen - o recriwtio, dethol ac ymsefydlu hyd at gwblhau'n llwyddiannus. Disgwylir i'r holl bartneriaid sy'n ymwneud â chyflenwi'r Bartneriaeth - darparwyr, canolfannau asesu a chyflogwyr:

• Bydd yn rhaid arddangos ymrwymiad i gydraddoldeb ac amrywiaeth a sefydlu polisi cydraddoldeb ac amrywiaeth neu ddatganiad cenhadaeth;
• Dylid cael proses recriwtio agored, sydd ar gael i bob ymgeisydd, waeth beth fo'i oedran, anabledd, hil neu darddiad ethnig, rhyw neu hunaniaeth ryweddol, crefydd neu gred a chyfeiriadedd rhywiol, sy'n bodloni'r meini prawf dethol a nodwyd; ac wedi
• Bydd yn rhaid i gyflogwyr a darparwyr allu dangos nad oes unrhyw arferion gwahaniaethol amlwg wrth ddethol a chyflogi.

Cesglir data a gwybodaeth arall i fonitro effaith Prentisiaethau yn gysylltiedig â chydraddoldeb ac amrywiaeth, ac i gymryd camau i unioni unrhyw ddiffyg cydbwysedd posibl ym mhroffil unigolion sy'n cael eu recriwtio i raglen y Brentisiaeth, neu'n sail i ddatblygu astudiaethau achos i hyrwyddo arfer da.

Cyfrifoldebau a hawliau cyflogaeth (CHC)

Nid yw CHC yn orfodol mwyach.  Ond argymhellir bod pob prentis (yn enwedig y grŵp 16-18 oed) yn derbyn rhaglen sefydlu yn y cwmni.

Cyfrifoldebau

Cyfrifoldeb Darparydd yr Hyfforddiant  a'r Cyflogwr yw sicrhau bod gofynion y Llwybr hwn yn cael eu bodloni yn unol â Chanllawiau Prentisiaethau Llywodraeth Cymru/Medr.

Gellir cael rhagor o wybodaeth gan: Medr

Diwygiadau dogfennau