Gweithiwr Proffesiynol Telathrebu

Cynnwys y Rhaglen Ddysgu

Bydd darpariaeth y Rhaglen Ddysgu yn cynnwys tair elfen orfodol: 

• Cymwysterau, 

• Sgiliau Hanfodol 

• Hyfforddiant yn y gwaith / i ffwrdd o'r gwaith 

Cyfanswm y gwerth credyd lleiaf sydd ei angen ar gyfer y Lefel 3 Telathrebu yw 96 credyd.

Cyfanswm y gwerth credyd lleiaf sydd ei angen ar gyfer y Lefel 4 Telathrebu yw 200 credyd.

Gofynion mynediad

Nid oes unrhyw ofynion mynediad penodol ar gyfer y fframwaith hwn. 

Fodd bynnag, er mwyn cael mynediad i'r Brentisiaeth Lefel 3, argymhellir bod gan yr ymgeisydd TGAU Saesneg a Mathemateg gradd C neu uwch (neu gymwysterau cyfatebol).  

Ar gyfer y Brentisiaeth Lefel 4, argymhellir bod gan yr ymgeisydd TGAU Saesneg a Mathemateg gradd C neu uwch o leiaf (neu gymwysterau cyfatebol) ynghyd â chymwysterau Lefel 3 perthnasol. Byddai'r rhain fel arfer yn cynnwys dau neu fwy o gymwysterau Safon Uwch, diplomâu cysylltiedig (neu NVQs) neu gymhwyster cyfwerth. 

Fodd bynnag, nid yw'r argymhellion hyn yn hanfodol. 

Efallai y bydd gan ymgeiswyr brofiad neu gymwysterau blaenorol ym maes technoleg ddigidol, ond nid yw hynny'n orfodol gan y bydd darparwyr hyfforddiant a chyflogwyr yn cyflenwi rhaglenni hyfforddiant yn seiliedig ar gymwysterau cyfredol cymeradwy wedi'u teilwra i fodloni anghenion unigol, gan gydnabod cymwysterau a phrofiad blaenorol. 

Rhaglen(ni) dd/dysgu'r llwybr prentisiaeth

Gweithiwr Proffesiynol Telathrebu

Gweithiwr Proffesiynol Telathrebu Cymwysterau

Rhaid i gyfranogwyr ennill y cymhwyster cymhwysedd canlynol ac un o’r cymwysterau gwybodaeth a restrir isod.

Atodiad 1

Sgiliau Hanfodol Cymru (ESW)

Asesir cymwysterau Sgiliau Hanfodol Cymru yn Gymraeg ac yn Saesneg.

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

Cymhwyster cyfunol - 72 credyd, cymhwyster gwybodaeth 24 credyd cyfanswm isafswm o 941 awr hyfforddi

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd / 60 GLH Lefel 2 Cyfathrebu Sgiliau Hanfodol Cymru
• 6 chredyd / 60 GLH Lefel 2 Cymhwyso Rhif Sgiliau Hanfodol Cymru

Lefel 4: Gweithiwr Proffesiynol Telathrebu

Lefel 4: Gweithiwr Proffesiynol Telathrebu Cymwysterau

Rhaid i gyfranogwyr ennill y cymwysterau cymhwysedd a gwybodaeth canlynol.

Atodiad 2

Sgiliau Hanfodol Cymru (ESW)

Asesir cymwysterau Sgiliau Hanfodol Cymru yn Gymraeg ac yn Saesneg.  

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

Cymhwyster cyfunol - 80 credyd, cymhwyster gwybodaeth 120 credyd cyfanswm isafswm o 1990 awr hyfforddi

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd / 60 GLH Lefel 3 Cyfathrebu Sgiliau Hanfodol Cymru

6 chredyd / 60 GLH Lefel 3 Cymhwyso Rhif Sgiliau Hanfodol Cymru

Gofynion eraill ychwanegol

Amh.

Rolau swydd

ROLAU SWYDD 

Wrth i sefydliadau yng Nghymru fynd drwy broses o drawsnewid digidol, bydd eu dibyniaeth ar fand eang a rhwydweithiau cyflym dibynadwy yn cynyddu. Ceir angen cynyddol i weithredu a chynnal rhwydweithiau telathrebu cyflym, i gefnogi sawl sector ar draws Cymru. Mae'r rhaglenni prentisiaeth gweithiwr proffesiynol telathrebu hyn yn cynnig llwybr i ddatblygu ac ymwreiddio sgiliau telathrebu drwy ddysgu galwedigaethol yn y gwaith.  

Lefel 3: Gweithiwr Proffesiynol Telathrebu

Mae Prentisiaeth Gweithiwr Proffesiynol Telathrebu Lefel 3 wedi cael ei dylunio ar y cyd â chyflogwyr yng Nghymru i roi'r prif sgiliau telathrebu sydd eu hangen ar gyflogeion i gyflawni eu rôl. Mae'r rhaglen Brentisiaeth hon wedi'i chynllunio i ddarparu llwybr galwedigaethol cadarn i fodloni'r sgiliau telathrebu sydd eu hangen yn y gwaith, gan gynnwys gosod telathrebu yn ddiogel, cynnal profion comisiynu a chanfod diffygion ar osodiadau telathrebu. 

Lefel 4: Gweithiwr Proffesiynol Telathrebu

Mae Prentisiaeth Gweithiwr Proffesiynol Telathrebu Lefel 4 wedi cael ei dylunio ar y cyd â chyflogwyr yng Nghymru i roi'r prif sgiliau telathrebu sydd eu hangen ar gyflogeion i gyflawni eu rôl. Mae'r rhaglen Brentisiaeth hon wedi'i chynllunio i gynnig llwybr galwedigaethol cadarn er mwyn bodloni'r angen am sgiliau telathrebu yn y gwaith, gan gynnwys cynllunio i osod systemau telathrebu, ac uwchraddio systemau telathrebu ar osodiadau telathrebu

Dilyniant

Llwybrau dilyniant i Brentisiaeth Lefel 3: 

Gellid symud ymlaen i'r Brentisiaeth Gweithiwr Proffesiynol Telathrebu Lefel 3 yn syth o  gymwysterau galwedigaethol neu brentisiaethau cysylltiedig. Fel arall gellid cael mynediad yn syth o'r ysgol ar ôl ennill cymwysterau TGAU / Safon UG (neu gyfwerth), neu Gymwysterau Bagloriaeth Cymru.  

Efallai y bydd gan ymgeiswyr eraill brofiad perthnasol a'u bod yn ceisio cymhwyso drwy ddilyn rhaglen brentisiaeth.

Dilyniant o'r  Brentisiaeth Lefel 3: 

Ar ôl cwblhau Prentisiaeth Gweithiwr Proffesiynol Telathrebu Lefel 3, gall prentisiaid llwyddiannus symud ymlaen i Brentisiaeth Gweithiwr Proffesiynol Telathrebu Lefel 4 – neu barhau i weithio ac ymgymryd ag ystod o gymwysterau a hyfforddiant proffesiynol penodol i'r swydd. 

Efallai y bydd rhai prentisiaid yn dewis parhau â'u hastudiaethau technegol a chychwyn astudio cymwysterau proffesiynol/gwerthu swydd-benodol.

Llwybrau dilyniant i Brentisiaeth Lefel 4:

Gellid symud ymlaen i'r Brentisiaeth Gweithiwr Proffesiynol Telathrebu Lefel 4 yn syth o  Brentisiaeth Gweithiwr Proffesiynol Telathrebu Lefel 3 neu gymwysterau galwedigaethol neu brentisiaethau eraill cysylltiedig. Fel arall gellid cael mynediad yn syth o'r ysgol ar ôl ennill cymwysterau TGAU / Safon Uwch (neu gyfwerth), neu Gymwysterau Bagloriaeth Cymru.

Efallai y bydd gan ymgeiswyr eraill brofiad perthnasol a'u bod yn ceisio cymhwyso drwy ddilyn rhaglen brentisiaeth.

Dilyniant o'r  Brentisiaeth Lefel 4:

Ar ôl cwblhau Prentisiaeth Gweithiwr Proffesiynol Telathrebu Lefel 4, gall prentisiaid llwyddiannus symud ymlaen i brentisiaethau gradd technoleg ddigidol mewn maes perthnasol - neu barhau i weithio ac ymgymryd ag ystod o gymwysterau a hyfforddiant proffesiynol penodol i'r swydd.

Efallai y bydd rhai prentisiaid yn dewis parhau â'u hastudiaethau technegol a chychwyn astudio cymwysterau proffesiynol/gwerthu swydd-benodol.

Cydraddoldeb ac Amrywiaeth

Mae'n bwysig bod Llwybrau Prentisiaethau yn gynhwysol ac yn gallu dangos ymagwedd weithredol tuag at nodi a chael gwared ar rwystrau i fynediad a dilyniant. Dylai llwybrau hyrwyddo cyfle cyfartal rhwng personau sy'n rhannu nodweddion gwarchodedig a'r personau hynny nad ydynt fel y nodwyd yn Neddf Cydraddoldeb 2010.  

Y nodweddion gwarchodedig a nodir yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, beichiogrwydd a mamolaeth. Mae priodas a phartneriaeth sifil hefyd wedi'i chynnwys er mai dim ond mewn perthynas â'r gofyniad i ddileu gwahaniaethu mewn cyflogaeth.  

Rhaid i ddarparwyr hyfforddiant a chyflogwyr hefyd gydymffurfio â'r ddyletswydd arall o dan Ddeddf Cydraddoldeb 2010 i sicrhau na wahaniaethir yn erbyn ymgeiswyr o ran mynediad i'r diwydiant yn seiliedig ar y naw nodwedd warchodedig hynny.  

Cyfrifoldebau a hawliau cyflogaeth (CHC)

Nid yw Cyfrifoldebau a Hawliau Cyflogaeth (ERR) bellach yn orfodol. Ond argymhellir bod pob prentis (yn enwedig y grŵp 16 oed -18 oed) yn derbyn rhaglen sefydlu cwmni.  

Cyfrifoldebau

Diwygiadau dogfennau