Warysau a Storio

Learning Programme Content

Bydd darpariaeth y Rhaglen Ddysgu yn cynnwys tair elfen orfodol:

• Cymwysterau,
• Sgiliau Hanfodol
• Hyfforddiant yn y gwaith/i ffwrdd o'r gwaith

43 credyd yw'r cyfanswm isafswm credydau gofynnol ar gyfer Lefel 2 Warysau a Storio.

Entry requirements

Lefel 2: Warysau a Storio – Gweithiwr mewn Warws

Nid oes unrhyw ofynion mynediad penodol, ond mae cyflogwyr yn ceisio denu ymgeiswyr sydd â diddordeb brwd mewn gweithio mewn busnes warysau yn y sector logisteg. Rhaid i ymgeiswyr fod yn barod i weithio shifftiau, gallu gweithio fel rhan o dîm a bod â sgiliau cadw amser da. Mae gan gyflogwyr ddiddordeb hefyd mewn ymgeiswyr sydd â sgiliau llythrennedd a rhifedd sylfaenol y bydd y Brentisiaeth Sylfaen hon yn adeiladu arnynt.

 Bydd ymgeiswyr i'r Brentisiaeth Sylfaen hon yn amrywio o ran oedran a phrofiad. Fel canllaw, gall ymgeiswyr ddod o amrywiaeth o lwybrau, gan gynnwys:

• Gwaith neu brofiad gwaith
• Hyfforddiant a/neu brofiad. Gallai hyn gynnwys portffolio sy'n dangos yr hyn y maent wedi'i wneud
• Unrhyw un o Sgiliau Hanfodol Cymru neu'r Sgiliau Allweddol Ehangach
• Bagloriaeth Cymru, gan gynnwys y Cymhwyster Prif Ddysgu ar gyfer Busnes Manwerthu sydd â chynnwys logisteg yn rhan ohono
• Cymwysterau galwedigaethol neu academaidd

Apprenticeship pathway learning programme(s)

Lefel 2: Warysau a Storio – Gweithiwr mewn Warws

Lefel 2: Warysau a Storio – Gweithiwr mewn Warws Cymwysterau

Rhaid i ddysgwyr gyflawni un o'r cymwysterau cymhwysedd a gwybodaeth isod.

Edrychwch ar Atodiad 1 i weld y berthynas rhwng yr unedau cymhwysedd a gwybodaeth o fewn y cymhwyster cyfun.

Essential Skills Wales (ESW)

On/Off the Job training

On/Off the Job Qualification details (Minimum Credit & Hours)

26 credyd am gymhwysedd a gwybodaeth - Tystysgrif Lefel 2 mewn Warysau a Storio (Cyfun)

Cyfanswm yr oriau dysgu sy'n cynnwys dysgu yn y gwaith ac i ffwrdd o'r gwaith ar gyfer y Brentisiaeth Sylfaen Gweithiwr mewn Warws yw 321.

On/Off the Job Essential Skills details (Minimum Credit & Hours)

• 6 chredyd/55 GLH ar gyfer Lefel 1 Cyfathrebu Sgiliau Hanfodol Cymru
• 6 chredyd/55 GLH ar gyfer Lefel 1 Cymhwyso Rhif Sgiliau Hanfodol Cymru

Other additional requirements

Dim

Progression

Dilyniant o'r Brentisiaeth Lefel 2 hon:

 Prentisiaethau Sylfaen/Prentisiaethau mewn unrhyw un o'r canlynol:

• Prentisiaeth Sylfaen mewn Arwain Tîm
• Prentisiaeth Gweithrediadau Logisteg
• Prentisiaeth Warysau a Storio
• Prentisiaeth Gyrru Cerbydau Nwyddau

I swydd fel Aelod o Dîm Gweithrediadau Warws neu ar ôl datblygiad a hyfforddiant pellach e.e. rhaglen ddatblygu fewnol/allanol (DPP) wedi'i hachredu/heb ei hachredu i'r swyddi canlynol ar lefel 3:

• Arweinydd Tîm
• Rheolwr Warws 
• Rheolwr Cludiant

 Ar ôl hyfforddiant a datblygiad pellach i'r rhai sy'n dewis gwneud hynny:

• Gradd sylfaen mewn logisteg, cynllunio cludiant, gweithrediadau logisteg a gweinyddu. Ewch i www.fdf.ac.uk

Equality and diversity

Mae'n bwysig bod Llwybrau prentisiaeth yn gynhwysol ac yn gallu dangos dull gweithredol o nodi a chael gwared ar ffactorau sy'n atal mynediad a chynnydd. Dylai Llwybrau hyrwyddo cyfle cyfartal rhwng unigolion sydd â nodweddion gwarchodedig a'r rhai heb y nodweddion hynny, fel y nodir yn Neddf Cydraddoldeb 2010.

Y nodweddion gwarchodedig a nodir yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, beichiogrwydd a mamolaeth. Mae priodas a phartneriaeth sifil hefyd wedi'u cynnwys, ond dim ond yng nghyswllt y gofyniad i gael gwared ar wahaniaethu mewn cyflogaeth.

RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall dan Ddeddf Cydraddoldeb 2010 i sicrhau nad ydyn nhw'n gwahaniaethu yn erbyn ymgeiswyr o ran mynediad i'r diwydiant ar sail y naw nodwedd warchodedig hynny.

Dynion gwyn yn bennaf sydd yng ngweithlu'r sector Logisteg ac, er gwaethaf cynnydd yn ystod y blynyddoedd diwethaf, nid yw menywod, pobl Ddu, Asiaidd ac Ethnig Leiafrifol a phobl ag anhawster dysgu neu anabledd yn cael eu denu i'r diwydiant. Mae'r gweithlu presennol yn heneiddio sy’n golygu bod angen mwy o bobl i lenwi ystod o rolau logisteg.

 Fodd bynnag, mae'r Diwydiant Warysau yn denu mwy o fenywod gan fod cyfleoedd ar gyfer gwaith rhan-amser a gweithio shifftiau hyblyg.

Mae ymwybyddiaeth o Logisteg fel proffesiwn yn cael ei chodi drwy Gymhwyster Prif Ddysgu Bagloriaeth Cymru mewn Busnes Manwerthu, sydd â chynnwys logisteg, a hefyd drwy daflenni hyrwyddo sydd wedi'u hanelu at bobl ifanc 14 – 19 oed mewn ysgolion. Mae'r taflenni hyn yn cynnwys "Getting more girls into Logistics and Retail" a fydd yn helpu i hyrwyddo'r amrywiaeth o swyddi mewn logisteg. Mae mentrau eraill sy'n ceisio denu ymgeiswyr o boblogaeth amrywiol a ddatblygwyd gan Skills for Logistics yn cynnwys:

• Gwefan gyrfaoedd Delivering your Future sy'n dangos rolau nad ydynt yn stereoteipiau www.deliveringyourfuture.co.uk
• Made in China - adnodd addysgu am ddim i gefnogi Mathemateg a Menter mewn ysgolion gan ddefnyddio taith chwaraewr MP3 o Tsieina i'r DU. http://www.madeinchinaresources.co.uk/

Ystyrir bod prentisiaethau'n ffordd hanfodol o annog a hwyluso mwy o amrywiaeth o unigolion i mewn i’r diwydiant ac mae cynlluniau gweithredu ar waith i gynyddu nifer y prentisiaethau o leiaf 10% bob blwyddyn.

Mae'r camau i gynyddu’r nifer o bobl sy’n dod i mewn i’r diwydiant a chynyddu amrywiaeth yn y gweithlu Logisteg yn cynnwys:

• amodau mynediad hyblyg i ddenu ystod eang o ymgeiswyr;
• Ymgorffori canllawiau ar asesu cychwynnol i sicrhau nad yw'n gwahaniaethu yn erbyn ymgeiswyr i'r fframwaith hwn;
• Cysylltiadau â'r Ganolfan Byd Gwaith, gan hyrwyddo logisteg fel llwybr gyrfa;
• Hyrwyddo cynnwys logisteg yn y cwricwlwm drwy'r Sefydliad Siartredig Logisteg a Thrafnidiaeth (CILTUK);
• Datblygu rhaglen mynediad at gyflogaeth wedi'i hanelu at grwpiau anodd eu cyrraedd;
• Codi proffil Logisteg mewn digwyddiadau gyrfaoedd.

 Mae Skills for Logistics yn disgwyl i ddarparwyr a chyflogwyr gadw at Ddeddf Cydraddoldeb 2010 i sicrhau na wahaniaethir yn erbyn ymgeiswyr o ran mynediad i'r sector a dyrchafiad o fewn y sector.

 Bydd Skills for Logistics yn monitro'r niferoedd sy'n dilyn pob Prentisiaeth, ac yn eu cyflawni, ac yn cymryd camau i fynd i'r afael ag unrhyw rwystrau i ddilyn prentisiaethau a'u cyflawni fel rhan o'n Strategaeth Cymwysterau Sector.

Employment responsibilities and rights

Nid yw Cyfrifoldebau a Hawliau Cyflogaeth (CHC) yn orfodol mwyach. Fodd bynnag, mae'n ofynnol cynnal CHC.

Rhaid i bob Prentis Sylfaen dderbyn hyfforddiant sefydlu i'r gweithle ac i'r rhaglen Brentisiaeth. Bydd CHC yn cael ei gynnwys drwy Ddyfarniad FfCCh ar wahân o'r enw Hawliau a Chyfrifoldebau Gweithwyr yn y Diwydiant Logisteg, a fydd yn sicrhau bod y Prentis yn gwybod ac yn deall pob un o'r naw canlyniad cenedlaethol ar gyfer CHC fel a ganlyn:

1. Yr ystod o hawliau a chyfrifoldebau statudol cyflogwyr a gweithwyr o dan gyfraith cyflogaeth a’r ffaith y gall deddfwriaeth arall effeithio ar hawliau cyflogaeth hefyd. Dylai hyn gynnwys hawliau a chyfrifoldebau'r prentis o dan y Ddeddf Gwahaniaethu ar sail Anabledd, deddfwriaeth cydraddoldeb berthnasol arall ac iechyd a diogelwch, ynghyd â dyletswyddau cyflogwyr.
2. Gweithdrefnau a dogfennau sy'n cydnabod ac yn diogelu ei berthynas â'i gyflogwr, gan gynnwys hyfforddiant iechyd a diogelwch a chydraddoldeb ac amrywiaeth fel rhan o'r brentisiaeth
3. Yr ystod o ffynonellau a gwybodaeth a chyngor sydd ar gael iddo ar ei hawliau a'i gyfrifoldebau cyflogaeth, gan gynnwys Mynediad i Waith a Chymorth Dysgu Ychwanegol
4. Y cyfraniad mae ei alwedigaeth yn ei wneud yn ei sefydliad ac yn y diwydiant.
5. Yn meddu ar farn wybodus am y mathau o lwybrau gyrfa sy'n agored iddo.
6. Y mathau o gyrff cynrychiadol a deall eu perthnasedd i'r diwydiant a'r sefydliad a'r prif rolau a chyfrifoldebau.
7. Ble a sut i gael gwybodaeth a chyngor am ei ddiwydiant, ei alwedigaeth, ei hyfforddiant a’i yrfa.
8. Gallu disgrifio a gweithio o fewn egwyddorion a chodau ymarfer ei sefydliad.
9. Gallu cydnabod a llunio barn ar faterion sy'n peri pryder i'r cyhoedd sy'n effeithio ar y sefydliad a'r diwydiant.

Rhaid cyflwyno tystysgrif cyflawniad y Dyfarniad CHC i Skills for Logistics wrth wneud cais am y dystysgrif cwblhau Prentisiaeth.

Responsibilities

Cyfrifoldeb y Darparwr Hyfforddiant / Cyflogwr yw sicrhau bod gofynion y Llwybr hwn yn cael eu cyflawni yn unol â Chanllawiau Prentisiaethau Llywodraeth Cymru.

Gellir cael rhagor o wybodaeth gan: Llywodraeth Cymru

DfES-ApprenticeshipUnit@llyw.cymru

Document revisions