Ymarferwyr Therapi Cynorthwyol

Cynnwys y Rhaglen Ddysgu

Bydd darpariaeth y Rhaglen Ddysgu yn cynnwys tair elfen orfodol:

• Cymwysterau,
• Sgiliau Hanfodol
• Hyfforddiant yn y gwaith/i ffwrdd o'r gwaith

138 credyd yw’r isafswm credydau gofynnol ar gyfer Llwybr Lefel 4 Ymarferwyr Therapi Cynorthwyol.

Gofynion mynediad

Mynediad i’r Llwybr Prentisiaeth hwn.

Dylai Prentisiaid:

• Arddangos dysgu blaenorol mewn disgyblaeth gysylltiedig neu brofiad cyfatebol
•  Bod wedi cyflawni cymhwyster lefel 3 o leiaf mewn disgyblaeth gysylltiedig berthnasol
• Eisoes fod wedi cyflawni neu fod yn barod i weithio tuag at gyflawni’r sgiliau llythrennedd, rhifedd, cyfathrebu a llythrennedd digidol y bydd y brentisiaeth yn adeiladu arnynt o fewn y rhaglen brentisiaeth.
• Ymgymryd â gwiriadau’r Gwasanaeth Datgelu a Gwahardd (bydd angen hyn oherwydd mae’n bosibl y bydd prentisiaid yn dod i gysylltiad â phlant, pobl ifanc neu oedolion sy’n agored i niwed)
• Bod yn hyblyg oherwydd mae’n bosibl y bydd gofyniad i weithio sifftiau
• Meddu ar lefel addas o ffitrwydd corfforol i wneud rhai agweddau ar y rolau swydd (e.e. cynorthwyo i symud a chodi gwrthrychau).

Mae’n bosibl y bydd gan gyflogwyr unigol yn y sector iechyd ofynion mynediad ychwanegol o ran cyflogaeth e.e. byddai trwydded yrru gyfredol hefyd o fantais (a gallai fod yn angenrheidiol ar gyfer rhai rolau).

Bydd ymgeiswyr i’r Brentisiaeth hon yn dod o wahanol grwpiau oedran, o wahanol gefndiroedd a gyda phrofiadau amrywiol.

Fel canllaw, gall ymgeiswyr sicrhau mynediad drwy amrywiaeth o lwybrau, gan gynnwys:

• gwaith (a allai gynnwys rôl flaenorol yn y GIG)
• profiad gwaith
• coleg/ysgol
• hyfforddiant a/neu brofiad a allai gynnwys portffolio sy’n dangos yr hyn y maent wedi’i wneud

Mae’n bosibl y bydd yr ymgeiswyr eisoes wedi cyflawni amrywiaeth o gymwysterau, er enghraifft:

• Sgiliau Hanfodol Cymru
• Prentisiaeth
• Cymwysterau TGAU
• Cymwysterau TAG
• Bagloriaeth Cymru (ni ellir trosglwyddo credydau ar hyn o bryd)
• Bagloriaeth Cymru gyda Phrif Ddysgu (ni ellir trosglwyddo credydau ar hyn o bryd)
• Cymwysterau lefel 3 perthnasol eraill

Asesiad Cychwynnol

Bydd darparwyr hyfforddiant a chyflogwyr yn defnyddio asesiad cychwynnol i sicrhau bod ymgeiswyr yn cael cyfle teg i arddangos eu gallu ac i deilwra rhaglenni i ddiwallu anghenion unigol, gan gydnabod cymwysterau a phrofiad blaenorol.

Rhaglen(ni) dd/dysgu'r llwybr prentisiaeth

Lefel 4: Ymarferwyr Therapi Cynorthwyol

Lefel 4: Ymarferwyr Therapi Cynorthwyol Cymwysterau

Rhaid i ddysgwyr gyflawni’r cymhwyster cyfun isod.

Edrychwch ar Atodiad 1 i weld y berthynas rhwng yr unedau cymhwysedd a gwybodaeth o fewn y cymhwyster cyfun.

Please see Annex 1 for the relationship between the competence and knowledge units within the combined qualifications.

Sgiliau Hanfodol Cymru (ESW)

Saesneg-Cymraeg yw ieithoedd asesu cymwysterau Sgiliau Hanfodol Cymru

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

Cymhwyster Cyfun - 120 credyd

Sgiliau Hanfodol -18 credyd

Ymarferydd Therapi Cynorthwyol – Cyfanswm o 138 credyd

I fodloni gofynion y llwybr prentisiaeth hwn, bydd yn rhaid i brentis gwblhau cyfanswm o 1901 o oriau hyfforddi yn y gwaith ac i ffwrdd o’r gwaith – fel arfer dros 24 mis.

.

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd/45 GLH Lefel 2 Cyfathrebu Sgiliau Hanfodol Cymru
• 6 chredyd/45 GLH Lefel 2 Cymhwyso Rhif Sgiliau Hanfodol Cymru
• 6 chredyd/45 GLH Lefel 2 Llythrennedd Digidol Sgiliau Hanfodol Cymru

Lefel 4: Ymarferwyr Therapi Cynorthwyol

Lefel 4: Ymarferwyr Therapi Cynorthwyol Cymwysterau

Rhaid i ddysgwyr gyflawni’r cymhwyster cyfun isod.

Edrychwch ar Atodiad 1 i weld y berthynas rhwng yr unedau cymhwysedd a gwybodaeth o fewn y cymhwyster cyfun.

Please see Annex 2 for the relationship between the competence and knowledge units within the combined qualifications.

Sgiliau Hanfodol Cymru (ESW)

Saesneg-Cymraeg yw ieithoedd asesu cymwysterau Sgiliau Hanfodol Cymru

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

Cymhwyster Cyfun - 120 credyd

Sgiliau Hanfodol -18 credyd

Ymarferydd Therapi Cynorthwyol – Cyfanswm o 138 credyd

I fodloni gofynion y llwybr prentisiaeth hwn, bydd yn rhaid i brentis gwblhau cyfanswm o 1901 o oriau hyfforddi yn y gwaith ac i ffwrdd o’r gwaith – fel arfer dros 24 mis.

.

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd/45 GLH Lefel 2 Cyfathrebu Sgiliau Hanfodol Cymru
• 6 chredyd/45 GLH Lefel 2 Cymhwyso Rhif Sgiliau Hanfodol Cymru
• 6 chredyd/45 GLH Lefel 2 Llythrennedd Digidol Sgiliau Hanfodol Cymru

Gofynion eraill ychwanegol

Dim

Rolau swydd

Ymarferydd Therapi Cynorthwyol

Y fersiwn ddiweddaraf o’r rolau swydd a’r swydd-ddisgrifiadau ar gyfer y Llwybr hwn.

Dilyniant

Gall dysgwyr symud ymlaen o’r Llwybr hwn i gymwysterau pellach sy’n benodol i’w cyd-destun gwaith, a allai fod mewn gwasanaethau gofal iechyd a gwasanaethau cyswllt eraill. Gall y rhain gynnwys cymwysterau neu addysg a hyfforddiant arall sy’n gysylltiedig â gwaith i gefnogi Datblygiad Proffesiynol Parhaus.

Gall dysgwyr hefyd symud ymlaen o’r llwybr hwn i Addysg Uwch ac ymgymryd ag amrywiaeth o raddau cysylltiedig a fyddai’n arwain at gofrestriad proffesiynol ar yr amod eu bod yn bodloni’r gofynion mynediad. 

Ni ddylid gweld dilyniant fel llwybr fertigol. Mewn rhai achosion, gall symud ymlaen i rôl arall ar yr un lefel fod yr un mod werthfawr oherwydd mae’n cynnig cyfle i ddatblygu sgiliau a gwybodaeth newydd.

Ceir gwybodaeth a chyngor manwl pellach ar yrfaoedd yn y sector iechyd yma http://www.wales.nhs.uk/cym

Cydraddoldeb ac Amrywiaeth

Mae'n bwysig bod Llwybrau prentisiaeth yn gynhwysol ac yn gallu dangos dull gweithredol o nodi a chael gwared ar ffactorau sy'n atal mynediad a chynnydd. Dylai Llwybrau hyrwyddo cyfle cyfartal rhwng unigolion sydd â nodweddion gwarchodedig a'r rhai heb y nodweddion hynny, fel y nodir yn Neddf Cydraddoldeb 2010.

Y nodweddion gwarchodedig a nodir yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, beichiogrwydd a mamolaeth. Mae priodas a phartneriaeth sifil hefyd wedi'u cynnwys, ond dim ond yng nghyswllt y gofyniad i gael gwared ar wahaniaethu mewn cyflogaeth.

RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall dan Ddeddf Cydraddoldeb 2010 i sicrhau nad ydynt yn gwahaniaethu yn erbyn ymgeiswyr o ran mynediad i'r diwydiant ar sail y naw nodwedd warchodedig hynny

Rhaid i gyflogwyr/darparwyr allu arddangos nad oes unrhyw arferion gwahaniaethol amlwg neu gudd wrth ddewis, recriwtio a chyflogi. Rhaid monitro pob gweithgaredd hyrwyddo, dewis a hyfforddi a rhaid iddynt gydymffurfio â deddfwriaeth. 

Mae anghydbwysedd rhwng y rhywiau yn y sector iechyd, gan fod mwy o fenywod yn gweithio yn y sector. Mae pob swydd yn agored i ddynion a menywod ac fe’u hysbysebir yn unol â hynny. Mae modelau rôl gwrywaidd yn cael eu hyrwyddo mewn ffordd gadarnhaol drwy ddeunydd marchnata, ffotograffau ac astudiaethau achos. Fodd bynnag, mae rhagdybiaeth o hyd bod rhai rolau swydd ar gyfer menywod a gallai hyn atal rhai dynion rhag ymgeisio i weithio yn y rolau swydd hyn.

Gall cyflogwyr gynllunio rhaglenni prentisiaeth lleol i annog nifer uwch o ymgeiswyr gwrywaidd i’r rolau hyn ac i mewn i’r gweithlu cyfan.

Nid yw Skills for Health yn ymwybodol o unrhyw anghydbwysedd arall mewn perthynas â’r rheiny sy’n ymgymryd â’r Llwybr hwn e.e. gan grwpiau Du, Asiaidd ac Ethnig Leiafrifol. Ar gyfer pob prentisiaeth iechyd, anogir recriwtio lleol i adlewyrchu’r gymuned leol.

Bydd Skills for Health yn monitro'r niferoedd sy’n ymgymryd â Phrentisiaethau ac yn eu cyflawni a bydd yn cymryd camau i fynd i’r afael ag unrhyw rwystrau i wneud hynny fel rhan o Strategaeth Cymwysterau ein Sector.

Y Gymraeg

Mae Skills for Health yn cydnabod yr egwyddor y dylai’r Gymraeg a’r Saesneg gael eu trin yn gyfartal. Dylid rhoi ystyriaeth i’r rheiny y mae’r Gymraeg yn iaith gyntaf iddynt neu’r rheiny sy’n gallu siarad Cymraeg ac yn dewis gwneud hynny. Dylai Cyrff Dyfarnu, cyflogwyr, Sefydliadau Addysg Uwch a darparwyr hyfforddiant weithredu mewn ffordd gymesur o ran darparu elfennau o raglenni ac elfen asesu’r cymwysterau a ddarperir yng Nghymru yn Gymraeg; ar sail lefel y galw wedi’i sefydlu am y naill iaith a’r llall lle bo angen a/neu lle bo hynny’n ofynnol wrth ddarparu’r brentisiaeth hon.

Cyfrifoldebau a hawliau cyflogaeth (CHC)

Nid yw Cyfrifoldebau a Hawliau Cyflogaeth (CHC) yn orfodol mwyach.  Ond argymhellir bod pob prentis (yn enwedig y grŵp 16-18 oed) yn dilyn rhaglen sefydlu yn y cwmni.

Cyfrifoldebau

Cyfrifoldeb y Darparwr Hyfforddiant a'r Cyflogwr yw sicrhau bod gofynion y Llwybr hwn yn cael eu cyflawni’n unol â Chanllawiau Llywodraeth Cymru ar Brentisiaethau.

Gellir cael rhagor o wybodaeth gan: Llywodraeth Cymru

DfES-ApprenticeshipUnit@llyw.cymru

Diwygiadau dogfennau