Seilwaith TG

Cynnwys y Rhaglen Ddysgu

Bydd darpariaeth y Rhaglen Ddysgu yn cynnwys tair elfen orfodol:

• Cymwysterau,
• Sgiliau Hanfodol
• Hyfforddiant yn y gwaith / i ffwrdd o'r gwaith

Yr isafswm credyd gofynnol ar gyfer:

Lefel 3 - Seilwaith TG yw 114 o gredydau

Lefel 4 - Seilwaith TG yw 168 o gredydau

Gofynion mynediad

Seilwaith TG Lefel 3 a Seilwaith TG Lefel 4:

Nid oes unrhyw amodau penodol er mwyn cael mynediad i lwybrau L3 a L4 Seilwaith TG.

Yn gyffredinol, fodd bynnag, dylai dysgwyr feddu ar gymwysterau (neu brofiad cyfatebol) ar yr un lefel â'r dyfarniad neu ychydig yn is na'r dyfarniad. Er enghraifft, efallai y bydd gan ymgeiswyr gymhwyster FfCChC lefel 2, 3 neu 4. Byddai cymwysterau ar y lefelau hyn mewn pynciau STEM yn fanteisiol.

Fel arall, gall yr ymgeisydd fod wedi cwblhau Prentisiaeth yn llwyddiannus ar Lefelau 2 neu 3 FfCChC. Nid yw'n ofyniad llym bod yn rhaid i ddysgwyr feddu ar gymwysterau Cyfrifiadura neu TG cyn dilyn y llwybr hwn, ond oherwydd gofynion gwybyddol y cymhwyster tanategol, mae'n annhebygol y bydd ymgeiswyr yn llwyddo i gwblhau'r llwybr heb rywfaint o wybodaeth am gyfrifiaduron a phrofiad ohonynt ac/neu brawf o sgiliau deallusol ar lefel briodol.

Rhaglen(ni) dd/dysgu'r llwybr prentisiaeth

Lefel 3: Seilwaith TG

Lefel 3: Seilwaith TG Cymwysterau

Mae'n rhaid i gyfranogwyr ennill y cymhwyster cyfun isod.

Gweler Atodiad 1 am y berthynas rhwng yr unedau cymhwysedd a gwybodaeth o fewn y cymhwyster cyfun.

Sgiliau Hanfodol Cymru (ESW)

Asesir cymwysterau Sgiliau Hanfodol Cymru yn Gymraeg ac yn Saesneg.

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

96 credyd am gymhwysedd a gwybodaeth -  Diploma Lefel 3 Seilwaith TG (Cyfun).

600 yw cyfanswm yr oriau dysgu ar gyfer y Brentisiaeth Seilwaith TG, sy'n cynnwys hyfforddiant yn y gwaith ac i ffwrdd o'r gwaith.

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd/60 GLH Lefel 2 Cyfathrebu Sgiliau Hanfodol Cymru
• 6 chredyd/60 GLH Lefel 2 Cymhwyso Rhif Sgiliau Hanfodol Cymru
• 6 chredyd/60 GLH Lefel 2 Llythrennedd Digidol Sgiliau Hanfodol Cymru

Lefel 4: Seilwaith TG

Lefel 4: Seilwaith TG Cymwysterau

Mae'n rhaid i gyfranogwyr ennill y cymhwyster cyfun isod

Gweler Atodiad 2 am y berthynas rhwng yr unedau cymhwysedd a gwybodaeth o fewn y cymhwyster cyfun.

Sgiliau Hanfodol Cymru (ESW)

Asesir cymwysterau Sgiliau Hanfodol Cymru yn Gymraeg ac yn Saesneg.

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

150 credyd am gymhwysedd a gwybodaeth - Diploma  Lefel 4 Seilwaith TG (Cyfun).

1500 yw cyfanswm yr oriau dysgu ar gyfer y Brentisiaeth Uwch Seilwaith TG, sy'n cynnwys hyfforddiant yn y gwaith ac i ffwrdd o'r gwaith.

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd/60 GLH Lefel 3 Cyfathrebu Sgiliau Hanfodol Cymru
• 6 chredyd/60 GLH Lefel 3 Cymhwyso Rhif Sgiliau Hanfodol Cymru
• 6 chredyd/60 GLH Lefel 3 Llythrennedd Digidol Sgiliau Hanfodol Cymru

Gofynion eraill ychwanegol

Amh

Dilyniant

Dilyniant o'r Brentisiaeth Lefel 3 yma mewn Seilwaith TG:

Mae'r Rhaglen Brentisiaeth Lefel 3 yn cynnig cyfle i brentisiaid llwyddiannus gael astudio ymhellach a mynd rhagddynt i ddilyn rhaglen gradd gysylltiedig. Gallent ddewis gradd Baglor, gradd Sylfaen, cymhwyster Cenedlaethol Uwch neu gymhwyster lefel uwch arall. Gall prentisiaid hefyd ddewis parhau o fewn eu rôl swydd a dysgu drwy ddilyn hyfforddiant a chymwysterau technegol, busnes neu reoli ychwanegol.

Bydd prentisiaid sydd wedi cwblhau rhaglen brentisiaeth Lefel 3 yn aml wedi symud ymlaen o fewn eu gyrfa i swydd arweinydd tîm neu lefel uwch, gan ddefnyddio eu harbenigedd technegol cynyddol - a llywio a hyfforddi eraill o fewn y sefydliad.

Dilyniant o'r Brentisiaeth Lefel 4 hon mewn Seilwaith TG:

Ar ôl cwblhau llwybr Prentisiaeth Uwch Lefel 4, bydd prentisiaid yn gallu cwblhau astudiaethau gwybodaeth dilynol a symud ymlaen i gwblhau rhaglenni gradd Anrhydedd llawn.

Neu gymwysterau rôl-benodol eraill a gydnabyddir gan ddiwydiant:

 Hyfforddiant ac achrediad Rheoli Prosiect (PRINCE2, MSP, PMI, APM ac Agile)

•  Hyfforddiant ac achrediad Rheoli Gwasanaeth (hyfforddiant ITIL, SDI ac ISO/IEC 2000)
•  Hyfforddiant Rheoli a Datblygiad Personol

 Mae ystod eang o hyfforddiant technoleg craidd a gwerthu hefyd ar gael - sy'n arwain at gymwysterau a gydnabyddir gan y diwydiant.

Bydd rhai cymwysterau'n rhoi'r hawl i fod yn aelod o sefydliad proffesiynol, gan gynnig cyfleoedd i rwydweithio a datblygu gyrfa. Er enghraifft, dod yn aelod o'r sefydliadau proffesiynol a ganlyn.

• Cymdeithas Cyfrifiaduron Prydain (BCS)
• Y Sefydliad Peirianneg a Thechnoleg (IET)

Cydraddoldeb ac Amrywiaeth

Mae'n bwysig bod Llwybrau prentisiaeth yn gynhwysol ac yn gallu dangos sut i fynd ati’n weithredol i nodi a chael gwared â ffactorau sy'n atal mynediad a dilyniant. Dylai llwybrau hyrwyddo cyfle cyfartal rhwng unigolion a chanddynt nodweddion gwarchodedig a'r rhai nad oes ganddynt y nodweddion hynny, fel y nodir yn Neddf Cydraddoldeb 2010.

Y nodweddion gwarchodedig a nodwyd yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, Beichiogrwydd a mamolaeth. Mae priodas a phartneriaeth sifil hefyd wedi'u cynnwys, ond dim ond yng nghyswllt y gofyniad i gael gwared â gwahaniaethu mewn cyflogaeth.

Mae'n RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall o dan Ddeddf Cydraddoldeb 2010 i sicrhau na wahaniaethir yn erbyn ymgeiswyr yn nhermau mynediad i'r diwydiant ar sail y naw o nodweddion gwarchodedig hynny.

Nid oes unrhyw rwystrau o ran mynediad i'r llwybr Telathrebu Digidol, a bwriedir iddo gynnwys pob dysgwr waeth beth fo'i ryw, ei oedran, ei anabledd neu ei darddiad ethnig.

CYDRADDOLDEB RHYW

Mae diffyg cydbwysedd rhwng y rhywiau yn parhau i fod yn broblem sylweddol o fewn y sector TG a Thelathrebu. Mae'r gynrychiolaeth o ferched wedi gostwng o 22% yn 2001 i 16% yn 2016 (51% ar draws Cymru gyfan) Mae'r diffyg cydbwysedd yn gwaethygu ar draws y diwydiant TG, a chyrsiau'n gysylltiedig â TG. Mae Instructus wedi cychwyn nifer o raglenni i annog merched i ystyried gyrfa ym maes TG.

OED Y GWEITHLU

Oed cyfartalog gweithwyr proffesiynol ym maes TG a Thelathrebu yn y DU yw 39 oed (41 oed ar gyfer gweithwyr yn fwy cyffredinol). Mae 47% yn 40 oed neu'n hŷn, a dim ond 19% sy'n 16-29 oed (gostyngiad o gymharu â 33% yn 2001). Bydd rhaglenni prentisiaeth cryf yn y sector hwn o gymorth i sefydlu cyflenwad o weithwyr proffesiynol medrus a fydd yn symud i rolau swydd lefel uwch ymhen 5 i 10 mlynedd.

ETHNIGRWYDD AC ANABLEDD

Mae'r diwydiant technolegau gwybodaeth a chyfathrebu ymhlith diwydiannau mwyaf amrywiol y DU o ran ethnigrwydd, gyda 13% o'r gweithlu (cynnydd o gymharu ag 8% o'r gweithlu yn 2002) yn bobl Ddu, Asiaidd neu Leiafrifol Ethnig o gymharu â 9% ar draws yr economi gyfan.

Ceir darpariaeth sylweddol i unigolion ag anableddau drwy'r holl sector TG a Thelathrebu gyda llawer o gyfleoedd amrywiol am yrfaoedd boddhaus ar bob lefel. Mae ystod eang o brentisiaethau TG ar gael i'r rhai a chanddynt wahanol lefelau anabledd.

Cyfrifoldebau a hawliau cyflogaeth (CHC)

Nid yw Cyfrifoldebau a Hawliau Cyflogaeth (CHC) yn orfodol mwyach.  Ond argymhellir bod pob prentis (yn enwedig y grŵp 16-18 oed) yn derbyn rhaglen sefydlu yn y cwmni.

Cyfrifoldebau

Cyfrifoldeb Darparydd yr Hyfforddiant  a'r Cyflogwr yw sicrhau bod gofynion y Llwybr hwn yn cael eu bodloni yn unol â Chanllawiau Prentisiaethau Llywodraeth Cymru.

Gellir cael rhagor o wybodaeth gan: Llywodraeth Cymru

DfES-ApprenticeshipUnit@llyw.cymru

Diwygiadau dogfennau