Swyddog y Ddalfa neu Swyddog Cadwr

Cynnwys y Rhaglen Ddysgu

Bydd darpariaeth y Rhaglen Ddysgu yn cynnwys tair elfen orfodol:

• Cymwysterau,
• Sgiliau Hanfodol
• Hyfforddiant yn y gwaith/i ffwrdd o'r gwaith

43 credyd yw’r isafswm credydau gofynnol ar gyfer Llwybr Lefel 3 Swyddog y Ddalfa neu Swyddog Cadw.

Gofynion mynediad

Mae’r sgiliau a’r priodoleddau canlynol yn hanfodol i brentisiaethau yn yr alwedigaeth hon:  

• sgiliau cyfathrebu a dylanwadu da
• ymrwymiad i ansawdd
• gwneud penderfyniadau effeithiol
• gofal a dealltwriaeth
• nodweddion ac ymddygiad personol

Nid oes unrhyw amodau mynediad ffurfiol ar gyfer y Llwybr hwn. Fodd bynnag, oherwydd natur y gwaith, bydd yn ofynnol i ymgeiswyr fod yn 18 oed neu hŷn cyn gwneud cais i ymuno â’r brentisiaeth hon. Cyn cael eu derbyn fel prentis, bydd yn ofynnol i ymgeiswyr wneud prawf asesu ar-lein. Os byddant yn llwyddiannus, fe’u gwahoddir i ddiwrnod asesu.

Gallai hyn gynnwys:

• Chwarae rôl
• Cyfweliad
• Profion rhifedd, darllen ac ysgrifennu
• Prawf gwirio iechyd a ffitrwydd

Arddangos eu bod yn bodloni gofynion mynediad penodol y sefydlia.

Rhaglen(ni) dd/dysgu'r llwybr prentisiaeth

Lefel 3: Swyddog y Ddalfa neu Swyddog Cadw

Lefel 3: Swyddog y Ddalfa neu Swyddog Cadw Cymwysterau

Rhaid i ddysgwyr gyflawni’r cymhwyster cyfunol isod.

Edrychwch ar Atodiad 1 i weld y berthynas rhwng yr unedau cymhwysedd a gwybodaeth o fewn y cymhwyster cyfun.

Sgiliau Hanfodol Cymru (ESW)

Saesneg-Cymraeg yw ieithoedd asesu cymwysterau Sgiliau Hanfodol Cymru

Hyfforddi yn y gwaith / i ffwrdd o'r gwaith

Manylion y Cymhwyster yn y Gwaith/i Ffwrdd o'r Gwaith (Isafswm Credydau ac Oriau)

Diploma Lefel 3 mewn Rheoli a Gofalu am Unigolion yn y Ddalfa neu Dan Gadwad - 43 credyd/378 GLH/430 TQT

Manylion Sgiliau Hanfodol yn y Gwaith/i Ffwrdd o'r Gwaith (Isafswm Credydau ac Oriau)

• 6 chredyd/60 GLH Lefel 2 Cyfathrebu Sgiliau Hanfodol Cymru
• 6 chredyd/60 GLH Lefel 2 Cymhwyso Rhif Sgiliau Hanfodol Cymru
• 6 chredyd/60 GLH Lefel 2 Llythrennedd Digidol Sgiliau Hanfodol Cymru

Gofynion eraill ychwanegol

Rhaid i ddysgwyr fod yn 18 oed neu hŷn cyn ymgeisio i ymuno â’r Brentisiaeth hon.

Rolau swydd

Swyddog y Ddalfa neu Swyddog Cadw

Dilyniant

Lefel 3: Swyddog y Ddalfa neu Swyddog Cadw

Dilyniant i’r llwybr hwn

Gall dilyniant i’r llwybr hwn ddod o amrywiaeth o lwybrau:

• coleg (yn amodol ar y gofyniad bod yr ymgeisydd wedi cyrraedd y lleiafswm oedran sy’n ofynnol a nodwyd yn gynharach yn y Llwybr hwn), neu fynediad uniongyrchol o alwedigaeth arall.

Bydd y dilyniant yn sgil cwblhau’r llwybr hwn yn cynnwys:

Gall y dilyniant o’r llwybr hwn, gyda phrofiad/hyfforddiant pellach, fod i rolau uwch o fewn y sector carchardai, gan gynnwys:

• Rheolwr Diogelwch Security First
• Swyddog Gwybodaeth
• Arweinydd Tîm
• Rheolwr Adran
• Cadw (Rolau Canolfannau Symud Mewnfudwyr a Hebrwng)

Gall dilyniant o’r llwybr hwn hefyd fod i rolau eraill o fewn y sector Cyfiawnder a Diogelwch Cymunedol, er enghraifft: Swyddog Heddlu, Swyddog Cymorth Cymunedol yr Heddlu, ac ati.

Cydraddoldeb ac Amrywiaeth

Mae'n bwysig bod Llwybrau prentisiaeth yn gynhwysol ac yn gallu dangos dull gweithredol o nodi a chael gwared ar ffactorau sy'n atal mynediad a chynnydd. Dylai Llwybrau hyrwyddo cyfle cyfartal rhwng unigolion sydd â nodweddion gwarchodedig a'r rhai heb y nodweddion hynny, fel y nodir yn Neddf Cydraddoldeb 2010.

Y nodweddion gwarchodedig a nodir yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, beichiogrwydd a mamolaeth. Mae priodas a phartneriaeth sifil hefyd wedi'u cynnwys, ond dim ond yng nghyswllt y gofyniad i gael gwared ar wahaniaethu mewn cyflogaeth.

RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall dan Ddeddf Cydraddoldeb 2010 i sicrhau nad ydyn nhw'n gwahaniaethu yn erbyn ymgeiswyr o ran mynediad i'r diwydiant ar sail y naw nodwedd warchodedig hynny.

RHAID i ddarparwyr hyfforddiant a chyflogwyr gydymffurfio â Deddf Cydraddoldeb 2010 i sicrhau nad oes gwahaniaethu yn erbyn ymgeiswyr o ran mynediad i’r diwydiant a chael eu dyrchafu oddi mewn iddo.

Bydd swyddogion newydd yn derbyn hyfforddiant mewn Cydraddoldeb ac Amrywiaeth fel rhan o’u rhaglen gynefino.

Ystyrir prentisiaethau yn llwybr hanfodol i annog amrywiaeth well o unigolion i mewn i’r sector.

Bydd Skills for Justice yn parhau i fonitro nifer y bobl sy’n cofrestru ar gyfer Prentisiaethau ac yn eu cyflawni yn y sectorau Cyfiawnder a Diogelwch Cymunedol ac yn cymryd camau i fynd i’r afael ag unrhyw rwystrau i bobl gofrestru ar eu cyfer a’u cyflawni.

Mae Skills for Justice yn cydnabod y dylid ymdrin â’r Gymraeg a’r Saesneg yn gyfartal. Dylid rhoi ystyriaeth i’r rheiny y mae’r Gymraeg yn iaith gyntaf iddynt neu’r rheini sy’n gallu neu’n dewis siarad Cymraeg.

Cyfrifoldebau a hawliau cyflogaeth (CHC)

Nid yw Cyfrifoldebau a Hawliau Cyflogaeth (CHC) yn orfodol mwyach.  Ond argymhellir bod pob prentis (yn enwedig y grŵp 16-18 oed) yn dilyn rhaglen sefydlu yn y cwmni.

Cyfrifoldebau

Cyfrifoldeb y Darparwr Hyfforddiant a'r Cyflogwr yw sicrhau bod gofynion y Llwybr hwn yn cael eu cyflawni’n unol â Chanllawiau Llywodraeth Cymru ar Brentisiaethau.

Gellir cael rhagor o wybodaeth gan: Llywodraeth Cymru

DfES-ApprenticeshipUnit@llyw.cymru

Diwygiadau dogfennau